“Əfqanıstan Azərbaycanın son illərdə əldə etdiyi təcrübədən faydalanmaq niyyətindədir”
Tarix: 03.03.2014 | Saat: 23:08:00 | E-mail | Çapa göndər


ADA Universitetində “Silahlı qoşunlara Əfqan kontekstində mülki baxış” mövzusunda seminar keçirilib. Əfqanıstanın Müdafiə Nazirliyindən rəsmi şəxslərin, ADA Universitetinin nümayəndələrinin iştirak etdikləri seminarda xarici işlər nazirinin müavini Araz Əzimov çıxış edib. Əfqanıstanın dini ideologiyadan azad və demokratik prinsiplər əsasında dövlət qurmaq üçün imkan əldə etdiyini bildirən xarici işlər nazirinin müavini Araz Əzimov ölkəmizin Əfqanıstanda həyata keçirilən sülhyaratma əməliyyatları zamanı tranzit, maliyyə yardımı və digər sahələrdə göstərdiyi dəstəyi xüsusilə vurğulayıb.
Əfqanıstanda mövcud olan təhlükəsizlik çağırışlarının həm regional, həm də beynəlxalq miqyasda çox mühüm məsələ kimi qəbul edilməsinin zəruriliyini vurğulayan A.Əzimov ölkəmizin Əfqanıstanda dövlət quruculuğu prosesinə fəal dəstək verməsinin məmnunluq doğurduğunu bildirib.
Tədbirdə çıxış edən Əfqanıstanın Müdafiə Nazirliyinin hərbi, ümumi siyasət və İnsan resursları şöbəsinin rəhbəri Mohd Qasem Vardak bu cür tədbirlərin keçirilməsinin iki ölkə arasında mövcud olan tarixi əlaqələrin daha da inkişaf etdirilməsinə töhfə verəcəyinə əminliyini bildirib.
Azərbaycan hökumətinə minnətdarlığını bildirən M.Vardak ölkəsinin Azərbaycan ilə əməkdaşlığa böyük əhəmiyyət verdiyini söyləyərək deyib: “Əfqanıstan Azərbaycanın son illərdə əldə etdiyi təcrübədən faydalanmaq niyyətindədir. Yüksək səviyyəli ikitərəfli əlaqələr xalqlarımızın ümumi ümidlərini və arzularını əks etdirir. Ölkələrimiz arasında qarşılıqlı hörmət, anlaşma və inama əsaslanan yaxşı əlaqələr mövcuddur. Əminəm ki, ölkələrimiz arasındakı sıx dostluq əlaqələri gələcəkdə müxtəlif sahələrdə daha da möhkəmlənəcək”.
Seminarın məqsədi Əfqanıstanın silahlı qüvvələrinə vətəndaş nəzarətinin sistemləşdirilməsi, dövlət quruculuğu prosesi və ümumilikdə bu ölkənin problemləri ilə bağlı məsələlərin həllinə kömək etməkdir.
Cavidan




 
Bölməyə aid digər xəbərlər
21.03.2019
Abşeronlular Novruz bayramını əsgərlərlə bir yerdə qeyd ediblər
21.03.2019
Naxçıvanda yeni məscid inşa olunur
21.03.2019
Qarabağa şölə saçan Novruz tonqalları
20.03.2019
Əcnəbi tələbələr: Novruz bayramı Naxçıvanda daha möhtəşəm keçirilir
19.03.2019
Lənkəranda kimsəsiz uşaqlar üçün Novruz şənliyi təşkil edilib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info