Gənclər üçün “Ustad dərsləri” keçiriləcək
Tarix: 07.03.2014 | Saat: 14:37:00 | E-mail | Çapa göndər


Prezident yanında Gənclər Fondunun maliyyə dəstəyi ilə “Gənclər üçün ustad dərsləri: Bədii Fotoqrafiya və Fotobərpa” adlı layihə həyata keçirilir. Müasir dövrümüzdə fotoqrafiya ilə demək olar ki, hər kəs məşğul olur. Layihənin ideyası ondan ibarətdir ki, bu sahəyə marağı olan gənclər bu işlə daha peşəkar səviyyədə məşğul olsunlar, həvəskar fotoqrafiyadan bədii fotoqrafiyaya keçid edib öz fəaliyyət sahələrində bundan daha səmərəli istifadə etsinlər. Eyni zamanda, tariximizi və keçmişimizi əks etdirən elə köhnə fotolar vardir ki, hazırda bərpaya ehtiyacı var və onlar haqqında heç kimin məlumatı yoxdur. Mütəxəssislər tərəfindən keçirilmiş təlimlərin nəticəsi olaraq iştirakçılar bu tip şəkilləri taparaq bərpa edib sərgiyə nümayiş üçün təqdim edəcəklər. Köhnəlmiş kadrlardan boylanan Azərbaycanı gənclərimiz yenidən özləri üçün kəşf edəcəklər. Layihənin rəhbəri gənc fotobərpa üzrə mütəxəssis Zəka Babazadə qəzetimizə bildirib ki, əsas məqsədi gənclərin fotoqrafiya ilə daha peşəkar və səmərəli məşgul olmasına nail olmaqdır.
100 gənci əhatə edəcək layihədə ilkin olaraq bədii fotoqrafiya və fotobərpa təlimləri haqqında elan veriləcək və iştirakçılar seçiləcək. Seçim zamanı iştirakçının gələcəkdə təlimlərdən aldığı biliklərdən səmərəli istifadə imkanları nəzərə alınacaq. Daha sonra bədii fotoqrafiya və fotobərpa üzrə mütəxəssislər tərəfindən iştirakçılara ustad dərsləri veriləcək, onlar praktiki məşğələlərə cəlb olunacaqlar. Təlim keçirildikdən sonra iştirak edən gənclər yeni fotolar çəkməklə yanaşı, Azərbaycanın tarixini əks etdirən köhnə fotoları toplayacaqlar. Həmin fotoları bərpa etdikdən sonra yeni və bərpa olunmuş köhnə fotoları müsabiqədə iştirak etmək üçün təqdim edəcəklər. Layihə bitdikdən sonra toplanmış fotolardan ibarət sərgi təşkil olunacaq və online fotoarxiv yaradılacaq. Bununla da gənclərin fotoqrafiya ilə daha peşəkar və səmərəli məşgul olmasına nail olunacaq. Məhv olmaq təhlükəsi qarşısında olan fotoların bir qismi bərpa olunacaq və online resurs yaradılacaq. Davamlı olaraq mühüm əhəmiyyətli fotoları bərpa edəcək mütəxəssislər yetişəcək.
Layihənin sonunda fərqlənən iştirakçılar diplom, sertifikat və müxtəlif hədiyyələr ilə təltif olunacaqlar. 4 ay müddətində davam edəcək layihənin ilkin mərhələsi iştirakçıların seçilməsi və qruplara bölünməsidir. Layihə çərçivəsində keçiriləcək bütün təlim və tədbirlər ödənişsizdir.
Layihədə iştirak etmək istəyən gənclər (14-29 yaş arası) ərizə formasını (docs.google.com/forms/d/13Fs0q74lAqRhIPGXRBelx6GtxRbnkqDzaODwz25JCCs/viewform) doldurmaqla müraciət edə bilərlər.
Son qeydiyyat tarixi 04.04.2014 saat 18:00

Fuad




 
Bölməyə aid digər xəbərlər
19.09.2018
Gəncənin Qazaxlar və Balabağman məscidləri təmir edilib
19.09.2018
Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info