“Şahdəniz-2“-də investisiyaların gündəlik həcmi 30 milyon dollar olacaq
Tarix: 07.03.2014 | Saat: 15:28:00 | E-mail | Çapa göndər


Xəzərin Azərbaycan sektorundakı "Şahdəniz" qaz-kondensat yatağının işlənməsinin ikinci mərhələsi çərçivəsində reallaşdırılan layihələrin pik dövründə investisiyaların gündəlik həcmi 30 milyon dollar təşkil edəcək. Bu barədə BP-nin Azərbaycan, Gürcüstan və Türkiyə regionu üzrə prezidenti Qordon Birrell Xəzər Universitetində keçirilmiş tədbirdə bildirib. Onun sözlərinə görə, "Şahdəniz-2" layihəsi çərçivəsində Avropaya qaz nəqlinin təmin olunması prosesində platformaların, sualtı infrastrukturların tikintisi ilə yanaşı, Səngəçal terminalının, Cənubi Qafqaz boru kəmərinin genişləndirilməsi, Trans-Anadolu və Trans-Adriatik qaz kəmərlərinin tikintisi də nəzərdə tutulur. Prezidentin sözlərinə görə, göstərilən layihələr çərçivəsində işlərin maksimum və pik həddi 2016-2017-ci illərə düşür. Q.Birrellin dediyi kimi, "Şahdəniz-2" layihəsi çərçivəsində bütün layihələrin reallaşdırılmasının pik dövründə xərclərin ümumi həcmindən gün ərzində 15 milyon dollar BP-nin operatoru olduğu layihələrin payına düşür.
Qeyd edək ki, "Şahdəniz" konsorsiumu "Mərhələ 2"-nin işlənməsi üçün yekun investisiya qərarını dekabrın 17-də elan etdi. Bu qərar Azərbaycan və Gürcüstan ərazisi boyunca Cənubi Qafqaz boru kəmərinin genişləndirilməsi, Türkiyə ərazisindən keçən Trans-Anadolu qaz boru kəmərinin (TANAP) və Yunanıstan, Albaniya ərazisindən keçərək İtaliyaya uzanan Trans-Adriatik boru kəmərinin (TAP) tikintisi ilə bağlı planların gerçəkləşməsinə təkan verir. Bu layihələr birlikdə, həmçinin qazı Bolqarıstana ötürəcək infrastuktur, Avropaya yeni bir Cənub Qaz Dəhlizi açacaq.
Qeyd edək ki, "Şahdəniz-2" layihəsi Cənub Qaz Dəhlizini açmaqla Xəzər dənizindən Türkiyə və Avropadakı bazarlara qaz çatdıracaq. "Şahdəniz-2" layihəsinin "Mərhələ 1"-dən olan ildə təqribən 9 milyard kubmetr qaza ildə 16 milyard kubmetr qaz hasilatı əlavə edəcəyi gözlənilir.
"Şahdəniz" qazı Türkiyə ərazisində TANAP, Türkiyə-Yunanıstan sərhədindən İtaliyaya isə TAP vasitəsilə nəql ediləcək.
Qeyd edək ki, "Şahdəniz"də iştirak payları belədir: BP (operator - 28,8%), ARDNŞ (16,7%), Statoyl (15,5%), LUKOYL (10%), NİKO (10%), Total (10%) və TPAO (9%).

Nigar




 
Bölməyə aid digər xəbərlər
19.05.2019
Ötən ay rabitə, poçt və kuryer xidmətlərinin qiymətləri dəyişməyib
18.05.2019
Moody`s: Davam edən islahatlar Azərbaycanın xalis kredit mövqelərini daha da gücləndirəcək
18.05.2019
Ölkə başçısının müvafiq Fərmanı üzrə 300-dək vətəndaşa mənzil üzərində çıxarışlar verilib
18.05.2019
Daşkəsən arıçılarına subsidiya verilib
18.05.2019
Bu il 15 rayonda pambıq əkilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info