“Bu gün Azərbaycan dünyada nüfuz sahibinə çevrilmiş ölkədir”
Tarix: 12.03.2014 | Saat: 00:01:00 | E-mail | Çapa göndər


İtaliyanın “Corriere della sera” jurnalında Azərbaycanın paytaxtı Bakının müasir meqapolisə çevrilməsindən bəhs edən məqalə dərc olunub. Yazıda gündən-günə dəyişən, müasir görkəmi ilə göz oxşayan, Xəzər dənizinin sahilində yerləşən Bakının füsunkar gözəlliyindən bəhs olunur.
Bildirilir ki, zəngin enerji ehtiyatlarına malik Azərbaycanın paytaxtı Bakı hələ keçmiş dövrlərdə neft sənayesinin sürətli yüksəlişinin müşahidə edildiyi bir şəhər olub. Azərbaycan keçmiş sovetlər birliyinin süqutundan sonra - 1991-ci ildə dövlət müstəqilliyini bərpa edib. Bu gün Azərbaycan dünyada nüfuz sahibinə çevrilmiş bir ölkədir. Bu ölkənin beynəlxalq müstəvidə qazandığı uğurlar paytaxt Bakıya da müsbət təsirini göstərməkdədir. Məqalədə Azərbaycanın müasir incəsənətinin təbliği ilə məşğul olan “YARAT!” qeyri-kommersiya təşkilatının fəaliyyəti ilə bağlı da məlumat verilir. Qeyd olunur ki, 2011-ci ildə Aida Mahmudova tərəfindən təsis edilmiş qurumun məqsədi müasir Azərbaycan incəsənətini ölkə və dünya səviyyəsində təmsil etməkdir. Müasir İncəsənət Məkanının Venesiyada təşkil etdiyi “Love me, love me not” adlı sərgi böyük maraqla qarşılanıb. Bakının öz möhtəşəm memarlıq abidələri və yeni tikililəri ilə seçildiyini vurğulayan müəllif bu şəhərin dünyanın müxtəlif ölkələrindən gələn turistlərin diqqətini cəlb etdiyini yazır. Bildirilir ki, Bakının ən möhtəşəm tikililərindən biri sayılan Heydər Əliyev Mərkəzi dünya şöhrətli memar Zaha Hadidin layihəsi əsasında inşa edilib. Bu fərqli arxitektura nümunəsi Azərbaycan paytaxtının mənzərəsinə daha da gözəllik qatır.
Yazıda diqqətə çatdırılır ki, Şərq ilə Qərbin qovuşduğu coğrafi ərazidə yerləşən Azərbaycan paytaxtı özünəməxsus memarlığı ilə də fərqlənir. Paytaxtın simasına xüsusi yaraşıq verən, müasir incəsənətin rəmzi sayılan alov dilləri formasında üç göydələndən ibarət “Alov qüllələri” Bakını daha da gözəlləşdirir. Yeni tikilmiş möhtəşəm otellər, gözqamaşdıran göydələnlərlə yanaşı, bu şəhərdə tarixin izlərini də açıq-aşkar görmək olar. Belə ki, UNESCO-nun Dünya İrsi Siyahısına daxil edilmiş bir sıra dəyərli abidələr məhz Bakıda yerləşir.





 
Bölməyə aid digər xəbərlər
20.01.2019
20 yanvar tarixini yeni Azərbaycan tarixinin başlanğıcı kimi qəbul etmək olar
20.01.2019
Biz rusiyalılar dərdinizə şərik çıxır və bu dəhşətli faciəni xatırlayırıq
20.01.2019
Azərbaycan xalqının 20 Yanvar qəhrəmanlığı türk dünyası üçün nümunə oldu
20.01.2019
Azərbaycanda şəhid ailələrinə dövlətimiz tərəfindən yüksək diqqət və qayğı göstərilir
20.01.2019
Hicran Sadıqzadə: Biz şəhidlərin xatirəsini yad etməyə mənəvi cəhətdən borcluyuq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info