Dövlət Proqramının qəbulu üçün təkliflər paketi hazırlanacaq
Tarix: 12.03.2014 | Saat: 19:19:00 | E-mail | Çapa göndər


Beynəlxalq Münasibətlərin Araşdırılması Mərkəzi (BMAM) “Azərbaycan 2020: gələcəyə baxış” İnkişaf Konsepsiyasında insan kapitalı və səmərəli sosial müdafiə sistemi: Uğurlar və perspektivlər” layihəsinin icrasına başlayıb. Layihə “Azərbaycan 2020: gələcəyə baxış” İnkişaf Konsepsiyasının təbliğinin aparılması, əhalinin məlumatlandırılması ideyasına əsaslanır. Bu təbliğatda əsas hədəf konsepsiyanın ictimaiyyətə çatdırılması, iqtisadi inkişafın insan kapitalına yönəldilməsinin və sosial müdafiə sistemində dövlətin həyata keçirəcəyi tədbirlərin ictimai müzakirəsinin təşkili və əhalinin maarifləndirilməsi ilə yanaşı, vətəndaş cəmiyyəti sektorunun Dövlət Proqramlarının qəbulu üçün təkliflərlə çıxış etməsinə dəstək verilməsidir. BMAM sədri Rufiz Qonaqovun deyib ki, layihə Bakı şəhərinin Yasamal və Binəqədi rayonlarında, Sumqayıt və Gəncə şəhərlərində və Quba rayonunda həyata keçiriləcək: “Layihənin birinci mərhələsində pilot kimi seçilən 5 rayonda əhalinin “Azərbaycan 2020: gələcəyə baxış” İnkişaf Konsepsiyası haqqında məlumatlılıq dərəcəsinin öyrənilməsi üçün 250 nəfər respondent arasında sorğu keçiriləcək. Bu sorğuların keçirilməsində məqsəd əhalinin məlumatlılığının müəyyənləşdirilməsidir. Növbəti mərhələdə isə müvafiq dövlət qurumları, vətəndaş cəmiyyəti sektoru və yerli icra hakimiyyətləri ilə birgə ictimai müzakirələr keçiriləcək. Layihə müddətində və layihədən sonrakı dövrdə “Facebook” sosial şəbəkəsində təşkilatın mövcud olan “İnkişaf Qrupu”nda “Azərbaycan 2020: gələcəyə baxış” İnkişaf Konsepsiyasında insan kapitalının inkişafı və səmərəli sosial müdafiə sisteminin qurulmasının təbliği nəzərdə tutulur. Təhsil, səhiyyə, gender bərabərliyi, əhalinin sosial təminatının yaxşılaşdırılması, gənclərin inkişafı ilə bağlı indiyə kimi görülən və bundan sonra görülməsi planlaşdırılan işlər, qəbul edilməsi gözlənilən Dövlət Proqramları müzakirə ediləcək. İctimai müzakirələrin sonunda ictimai sektor təmsilçilərindən, vətəndaş fəallarından və bələdiyyə üzvlərindən ibarət Təbliğat Qrupları yaradılacaq. Bu qruplar könüllülük əsasında Konsepsiyanın əhali üçün əhəmiyyətini onlara izah etmək üçün təbliğat aparacaq". Təşkilat rəhbərinin bildirdiyinə görə, ictimai müzakirələrdə təhsil, səhiyyə, gender bərabərliyi, əhalinin sosial təminatının yaxşılaşdırılması, gənclərin inkişafı ilə bağlı indiyə kimi görülən işlər və bundan sonra görülməsi planlaşdırılan işlər, qəbul edilməsi gözlənilən Dövlət Proqramları ictimai müzakirəyə çıxarılacaq. 3 ay müddətində görülən işlərin, sorğular, toplanan material, məlumat və təkliflərin yekunu olaraq, ekspertlərimiz tərəfindən Dövlət Proqramlarının qəbulu üçün təkliflər paketi hazırlanacaq və müvafiq dövlət qurumlarına təqdim olunacaq.
Qeyd edək ki, layihə Prezident yanında Qeyri-Hökumət Təşkilatlarına Dövlət Dəstəyi Şurasının dəstəyilə BMAM tərəfindən keçirilir.
Nigar




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10461

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info