Azərbaycan dilinin tətbiqi ilə bağlı monitorinqlər aparılacaq
Tarix: 12.03.2014 | Saat: 23:12:00 | E-mail | Çapa göndər


Azərbaycan Milli Elmlər Akademiyası (AMEA) Rəyasət Heyətinin növbəti iclası keçirilib. AMEA Rəyasət Heyəti Mərkəzi Aparatının İctimaiyyətlə əlaqələr şöbəsindən verilən məlumata görə, tədbiri AMEA-nın prezidenti, akademik Akif Əlizadə açaraq iştirakçıları gündəlikdəki məsələlərlə tanış edib.
İlk olaraq Geologiya və Geofizika İnstitutunun Geodinamika və seysmologiya şöbəsinin rəhbəri, AMEA-nın müxbir üzvü Fəxrəddin Qədirov və müəssisənin aparıcı elmi işçisi, “Gənclər üçün Prezident Mükafatı” laureatı Rafiq Səfərovun “Azərbaycan ərazisinin GPS məlumatları əsasında müasir kinematikası və gərginlik analizi” adlı məruzəsi dinlənilib. Bildirilib ki, Geologiya və Geofizika İnstitutu ABŞ-ın Massaçusets Texnologiya Universiteti ilə birgə 1998-ci ildən etibarən ölkəmizin ərazisində geodinamik prosesləri öyrənir. Tədqiqatların hazırkı mərhələsində yer qabığındakı deformasiyaların sürəti hesablanmış, sıxılma və gərilmə oxlarının istiqamətləri müəyyən edilib. Məruzədə vurğulanıb ki, sıxılmalar Böyük Qafqaz, Qobustan, Kür çökəkliyi, Naxçıvan və İranla həmsərhəd ərazilərdə müşahidə olunur. Gərilmələr isə Kiçik Qafqazda Gədəbəy və Şuşa rayonları yaxınlığında özünü büruzə verir. Məruzə müzakirədən sonra Rəyasət Heyətinin qərarı ilə bəyənilib.
Sonra iclasda AMEA-nın yeni yaradılmış İnnovativ Layihələrin Ekspertizası və Koordinasiyası Şurasının əsasnaməsi və tərkibi təsdiq edilib. Növbəti qərarla Nəsimi adına Dilçilik İnstitutu Azərbaycan dilinin tətbiqi vəziyyəti və normaların pozulması hallarına dair monitorinqlər aparacaq. Afişa və elanlarda, həmçinin dövlət və özəl qurumların sənədlərində nöqsanlar müəyyənləşdiriləcək, onların aradan qaldırılması istiqamətində müvafiq tədbirlər görüləcək. İşlər şəhər və rayonların icra hakimiyyətləri ilə müqavilələr əsasında həyata keçiriləcək. Akademiyanın Təhsil Nazirliyi ilə birgə Bakı və Sumqayıt məktəblilərinin kimya olimpiadasını təşkili haqqında da qərar qəbul edilib. Olimpiada 2015-ci ildə məktəblilərin Kimya üzrə Dünya Olimpiadasının Azərbaycanda keçirilməsi ilə əlaqədar planlaşdırılır. Rəyasət Heyətinin növbəti qərarları ilə Akademiyanın Humanitar və İctimai Elmlər Bölməsinin akademik-katibi vəzifəsinin icrası AMEA-nın müxbir üzvü Teymur Kərimliyə həvalə edilib. Həmçinin, AMEA-nın müxbir üzvü Akif Əzizov Polimer Materialları İnstitutu, Kimya Elmləri Bölməsinin akademik-katibi, AMEA-nın müxbir üzvü Dilqəm Tağıyev isə Akademik M.Nağıyev adına Kataliz və Qeyri-Üzvi Kimya İnstitutunun direktoru vəzifələrini icra edəcəklər. Biologiya üzrə fəlsəfə doktoru Tariyel Eybatov H.Zərdabi adına Təbiət Tarixi Muzeyinin, filologiya üzrə elmlər doktoru Gülbəniz Babaxanlı isə Hüseyn Cavidin Ev Muzeyinin direktoru vəzifələrinə yenidən təyin olunublar.




 
Bölməyə aid digər xəbərlər
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info