XI sinif şagirdləri müsabiqəsiz xarici universitetlərə qəbul olunacaq
Tarix: 13.03.2014 | Saat: 18:26:00 | E-mail | Çapa göndər


Azərbaycanda ilk dəfə olaraq XI sinif şagirdləri diplom alaraq müsabiqəsiz dünyanın nüfuzlu universitetlərinə qəbul olunmaq hüququ qazanacaqlar. 6 saylı məktəb-liseydə keçirilən Beynəlxalq Bakalavriat Proqramının (BBP) təqdimatında çıxış edən məktəbin direktoru Gülşən Orucova bildirib ki, Prezident İlham Əliyevin müvafiq sərəncamına uyğun olaraq, Təhsil və Maliyyə nazirliklərinin dəstəyi ilə 2011-ci ildən 6 nömrəli məktəb-liseydə Beynəlxalq Bakalavriat Proqramı tətbiq olunur. Onun sözlərinə görə, Proqram çərçivəsində təhsil 3 mərhələyə - PYP-ibtidai təhsil, MYP-V-IX siniflər, DP-diplom proqramı, X-XI siniflər bölünür: “Hazırda 6 nömrəli məktəb-liseydə 2011-ci ildən ilkin olaraq X-XI siniflər DP-diplom proqramı tətbiq olunmağa başlayıb və bu il proqramın ilk məzunları X-XI sinifləri bitirəcək. Proqramın məzunu olan şəxslər imtahan verəcək və BBP-nin tətbiq olunduğu ilk tədris ocağı olan 6 nömrəli məktəb-liseyin XI sinif şagirdləri beynəlxalq qiymətləndirmə əsasında diplom alaraq müsabiqəsiz dünyanın nüfuzlu universitetlərinə qəbul olunmaq hüququ qazanacaqlar. Bu proqramda 6 fənn seçilib və onların hər birindən şagirdlərin maksimum 7 balla qiymətləndirilə bilər. 3 bal isə şagirdlərin yazdığı kiçik esse yazılara gözə veriləcək. Yekun nəticədə şagirdlər fənlər üzrə maksimum 42, minimum 24 bal topladıqları halda bu proqramı uğurla bitirirlər. 24 baldan aşağı nəticə göstərənlər yalnız sertifikatlar alacaqlar. Şagirdlər 24-45 bal arası nəticə göstərdiyi halda, dünyanın xarici universitetlərinə birbaşa qəbul oluna biləcəklər. Şagird imtahan verdiyi fənlərdən hansısa birində maksimum 7 bal toplaya bilirsə, xarici universitetdə təhsil aldığı zaman həmin fəndən 1 il azad olunur. Tələbə olunan 24 baldan aşağı nəticə göstərən şagirdlər isə kollec və ya peşə məktəblərinə imtahansız qəbul ola biləcəklər”.
Məktəbin direktoru qeyd edib ki, bu vaxta kimi məktəbdə Beynəlxalq Bakalavriat Proqramı dövlət hesabına pulsuz olaraq həyata keçirilib. Onun sözlərinə görə, növbəti tədris ilindən bu proqram ödənişli olacaq. Lakin digər beynəlxalq məktəblərlə müqayisədə 6 nömrəli məktəb-liseydə bu proqramın qiymət 4 dəfədən çox aşağı olacaq.
Təhsil Nazirliyinin İnformasiya şöbəsinin müdir müavini, QHT və KİV-lə iş sektorunun müdiri Cəsarət Valehov bildirib ki, 1968-ci ildə İsveçrədə yaradılmış BBP-nin diplomu hazırda 130-dan çox ölkə və 2500 universitet (Oksford, Harvard, Kempric, Yell və s.) tərəfindən tanınır. Onun sözlərinə görə, 2011-ci ildən BBP-nin tətbiq olunduğu ilk tədris ocağı olan 6 nömrəli məktəb-liseyin XI sinif şagirdləri bu il beynəlxalq qiymətləndirmə əsasında diplom alaraq dünyanın nüfuzlu universitetlərinə qəbul olunmaq hüququ qazanacaqlar. Təhsil müəssisəsində BBP çərçivəsində bir sıra xarici ölkələrdən gəlmiş müəllimlər də çalışırlar. “Azərbaycan Respublikasında təhsilin inkişafı üzrə Dövlət Strategiyası”na uyğun olaraq dövlət məktəblərində ödənişli əsaslarla beynəlxalq təhsil tətbiq oluna bilər”.

Nigar




 
Bölməyə aid digər xəbərlər
20.03.2019
Tovuzda şəhid ailələrinə bayram sovqatı paylanıb
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək
18.03.2019
Övladlığagötürmə ilə bağlı yeni Qaydaların layihəsi hazırlanır

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info