“Rusiya-Azərbaycan: tarixi dialoq” layihəsi çərçivəsində ilk kitab işıq üzü görüb
Tarix: 13.03.2014 | Saat: 23:51:00 | E-mail | Çapa göndər


Heydər Əliyev Fondunun dəstəyi və Ümumrusiya Azərbaycan Konqresinin təşkilatçılığı ilə həyata keçirilən “Rusiya-Azərbaycan: tarixi dialoq” beynəlxalq layihəsi çərçivəsində ilk kitab işıq üzü görüb. “Azərbaycanda etnomədəni müxtəliflik” adlanan əsər, ölkəmizdəki etnik fərqliliklərin, multikulturalizmin birgə ahənginə həsr edilib.
Kitabda, Azərbaycanda mövcud olan milli azlıqların yayılma coğrafiyası, mədəni dəyərləri oxucuya təqdim edilir. Azərbaycanda əsrlərlə yaşı olan tolerantlıq, milli-dini dözümlülük, bütün dünyaya nümunə kimi göstərilib. Müəllif, hər bir xalqa dövlət səviyyəsində qayğı göstərilməsinə nümunə kimi, Qubadakı Qırmızı qəsəbədə yaşayan Dağ yəhudiləri icmasını göstərib. Rusiya Dövlət Kitabxanasının Şərq Ədəbiyyatı Mərkəzində keçirilən təqdimat mərasimində çıxış edənlər antisemitizmin tüğyan etdiyi tarixi dövrlərdə belə, Dağ yəhudilərinin Azərbaycanda əmin-amanlıqda, Azərbaycan xalqı ilə çiyin-çiyinə yaşayıb və inkişaf etdiyini bildiriblər. “Azərbaycanda etnomədəni müxtəliflik” kitabının müəllifi, “STMEGİ” fondunun rəhbəri, fəlsəfə elmləri namizədi German Zaxaryayev Azərbaycanın etnomədəni müxtəliflikləri ilə bağlı araşdırmalarını davam etdirəcəyini söyləyib: “İstərdik ki, bu kitabı oxuyanlar, xüsusilə də Rusiya ictimaiyyəti Azərbaycanı daha yaxından tanısın. Azərbaycanda çoxlu sayda azsaylı millətlər var. Onlar əsrlər boyu dinc şəkildə, əmin-amanlıqda yaşayıblar. Bu etnik azlıqlar həm də öz mədəniyyətlərini, adət- ənənələrini qoruyub saxlaya biliblər. Bunun üçün onlar ilk növbədə Azərbaycan xalqının tolerantlığına və Azərbaycan dövlətinin qayğısına borcludurlar. Bu kitabda da, ölkədəki etnik azlıqların, xüsusilə də dağ yəhudiləri icmasının həyat tərzini təsvir etməyə çalışmışıq. Azərbaycanın milli-etnik dəyərlərini araşdırmaqda davam edəcəyik”. Yeri gəlmişkən qeyd edək ki, Heydər Əliyev İrsini Araşdırma Mərkəzinin tərcümə laboratoriyası rusiyalı aktrisa, ssenarist və sənədli filmlər rejissoru Nina Puşkovanın “Postskriptumlu roman” kitabını tərcümə edib.
Bakıda həmin kitabın təqdimatı keçirilib. Təqdimat mərasimini giriş sözü ilə açan kinorejissor Ayaz Salayev Nina Puşkova haqqında məlumat verib və onun müəllifi olduğu kitabın məziyyətlərindən bəhs edib. Nina Puşkova “Postskriptumlu roman” kitabının Azərbaycan dilinə tərcümə edilməsini yüksək qiymətləndirib, kitabda bəhs olunan problemlərlə bağlı fikirlərini bölüşüb. Sonra Nina Puşkovanın ömür yolu ilə bağlı qısa klip nümayiş etdirilib. Mərasimdə Heydər Əliyev İrsini Araşdırma Mərkəzinin baş direktoru Fuad Babayev, mərkəzin əməkdaşı, professor Qılıncxan Bayramov, Bakı Slavyan Universitetinin professorları Asif Hacıyev, Flora Hacıyeva, Rusiya Səfirliyinin baş müşaviri Aleksandr Qladkov, kinorejissor Şamil Nəcəfzadə, televiziya rejissoru Vasif Babayev , Azərbaycandakı Rus İcmasının sədr müavini Mariya Kojevnikova, Azərbaycan Dövlət Rus Dram Teatrının ədəbi hissə müdiri Valentina Reznikova kitab haqqında fikirlərini bildirib, müəllifə suallarını ünvanlayıblar.
Günəş




 
Bölməyə aid digər xəbərlər
14.11.2018
Bələdiyyə loqo müsabiqəsi elan edib
14.11.2018
Daxili orqanlarında narkotik vasitə keçirmək istədilər
14.11.2018
“Xanoba“ gömrüyündə qızıl zərgərlik məmulatları keçirən şəxs saxlanılıb
14.11.2018
“Ölkəmizi tanıyaq”: Onuncu tur-aksiyada 76 şəhər və rayondan 3190 şagird iştirak edir
13.11.2018
Ali təhsil ocağında görkəmli rəssamın xatirəsi anılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info