“Azərbaycan müstəqil dövlət kimi özünü dünyanın siyasi arenasında təsdiq edə bilib” [Yenilənib]
Tarix: 14.03.2014 | Saat: 17:39:00 | E-mail | Çapa göndər


Martın 14-də Azərbaycan Respublikası Baş nazirinin müavini, Yeni Azərbaycan Partiyasının sədr müavini-icra katibi Əli Əhmədov Seyşel Adaları Respublikasının keçmiş Prezidenti Sir Riçard Mançam ilə görüşüb.
Qonağı ikinci dəfə Bakıda görməkdən məmnun olduğunu bildirən Əli Əhmədov onun Azərbaycana bəslədiyi xoş münasibətin ölkəmizdə yüksək qiymətləndirildiyini söyləyib.
Baş nazirin müavini qonağa Azərbaycan haqqında ətraflı məlumat verib. Bildirilib ki, Prezident İlham Əliyevin rəhbərliyi ilə ölkədə həyata keçirilən islahatlar öz nəticəsini verib və Azərbaycan Cənubi Qafqazın lider dövlətinə çevrilib. Neft gəlirlərinin səmərəli istifadəsi Azərbaycanın sosial-iqtisadi inkişafına mühüm töhfə verib. Hazırda bir çox dünya dövlətləri iqtisadi böhrandan əziyyət çəkdiyi halda Azərbaycan dinamik şəkildə inkişaf edir.
Səmimi görüşə görə minnətdarlığını bildirən Sir Riçard Mançam deyib ki, vaxtilə dünya iki qütbə bölünüb. Qərb ölkələrinin və bu ölkələrlə əlaqədə olan dövlətlərin, o cümlədən Seyşel Adaları Respublikası ictimaiyyətinin SSRİ-nin tərkibindəki respublikalar haqqında məlumatı yox idi. Azərbaycan müstəqilliyini bərpa etdikdən sonra isə dünyada tanınmağa başladı. Bu gün isə Azərbaycan müstəqil dövlət kimi özünü dünyanın siyasi arenasında təsdiq edə bilib. Azərbaycanın demokratik inkişaf yolu tutması gələcəkdə onun daha da güclənməsinə gətirib çıxaracaq.
Görüşdə Azərbaycan ilə Seyşel Adaları Respublikası arasında qarşılıqlı faydalı əməkdaşlıq əlaqələrinin qurulması haqqında fikir mübadiləsi aparılıb.
Sonra mətbuat nümayəndələri üçün brifinq keçirilib. Sabiq Prezident Azərbaycan ilə Seyşel Adaları Respublikasının beynəlxalq təşkilatlardakı əməkdaşlığına və Ermənistan-Azərbaycan, Dağlıq Qarabağ münaqişəsinə dair sualları cavablandırıb.
Xatırladaq ki, Sir Riçard Mançam ilk dəfə 2013-cü il oktyabrın 9-da Azərbaycanda keçirilmiş prezident seçkilərini müşahidə etmək üçün Bakıya səfər edib.
Tural




 
Bölməyə aid digər xəbərlər
19.02.2019
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info