Buxarestdə Heydər Əliyev Fondunun dəstəyi ilə konfrans keçirilib
Tarix: 18.03.2014 | Saat: 17:49:00 | E-mail | Çapa göndər


Heydər Əliyev Fondunun dəstəyi ilə Buxarestdə “Cənubi Qafqazın geosiyasəti və enerji strategiyaları - Azərbaycan diqqət mərkəzində” mövzusunda konfrans keçirilib.
Fonddan “Palitra”ya verilən məlumata görə, konfransda Azərbaycan parlamentinin deputatları, Rumıniya ziyalıları, yazıçılar, siyasi analitiklər, Buxarestdə fəaliyyət göstərən araşdırma institutlarının rəhbərləri, Rumıniya Prezidenti Administrasiyasının milli təhlükəsizlik departamentinin, İqtisadiyyat Nazirliyinin, Azərbaycan səfirliyinin əməkdaşları, Müdafiə İnstitutunun rəhbərliyi, Azərbaycan-Rumıniya Gənclər və Mədəniyyət Assosiasiyasının üzvləri iştirak ediblər.
Heydər Əliyev Fondunun Rumıniya nümayəndəliyinin direktoru İqbal Hacıyev konfransda çıxış edərək, Cənubi Qafqazın dünyanın intensiv geosiyasi proseslərin cərəyan etdiyi regionlarından biri olduğunu söyləyib.
Ermənistan-Azərbaycan, Dağlıq Qarabağ münaqişəsindən danışan İ.Hacıyev problemin regionun inkişafı üçün əngəl yaratdığını bildirib. Qeyd edib ki, heç bir gələcək strategiyası olmayan, iqtisadi baxımdan tənəzzülə uğrayan Ermənistanın rəhbərliyi sifarişli siyasət yürüdür.
İ.Hacıyev bildirib ki, əsası ümummilli lider Heydər Əliyev tərəfindən qoyulmuş və hazırda Prezident İlham Əliyevin uğurla davam etdirdiyi siyasət sayəsində Azərbaycan beynəlxalq miqyasda böyük nüfuz qazanıb, Cənubi Qafqazın lider dövlətinə çevrilib.
Milli Məclisin deputatı, Rumıniya ilə parlamentlərarası əlaqələr üzrə dostluq qrupunun rəhbəri Azay Quliyev Cənubi Qafqazın geosiyasi vəziyyəti haqqında danışıb, bu həssas regionun dünyanın diqqət mərkəzində olduğunu bildirib.
Qeyd edilib ki, Azərbaycan istər ərazisinə, istər əhalisinə, istərsə də iqtisadiyyatına görə Cənubi Qafqaz regionunun ən böyük və ən inkişaf etmiş dövlətidir. Təsadüfi deyil ki, Cənubi Qafqaz regionunun ümumi daxili məhsulunun 80 faizi Azərbaycanın payına düşür.
A.Quliyev Azərbaycanın enerji resurslarının Avropa bazarlarına çatdırılmasının Rumıniya üçün böyük əhəmiyyətə malik olduğunu vurğulayıb. Azərbaycanın demokratik Avropanın bir hissəsi olduğunu söyləyən deputat, ölkəmiz ilə Avropa İttifaqı arasında viza rejiminin sadələşdirilməsi haqqında Sazişin imzalandığını xatırladıb. Bildirilib ki, Azərbaycan Avropaya inteqrasiya yolunda ərazi bütövlüyünün pozulması problemi ilə üzləşib. Bu problem Ermənistan-Azərbaycan, Dağlıq Qarabağ münaqişəsidir. Münaqişə nəticəsində Azərbaycan ərazisinin 20 faizi Ermənistan tərəfindən hərbi yolla işğal olunub. Bu məsələdə Avropa İttifaqının mövqeyini ortaya qoymasına ehtiyac var.
Azərbaycan ilə Rumıniya arasında münasibətlərin inkişaf etdiyini deyən Milli Məclisin deputatı rəsmi Buxarestin Dağlıq Qarabağ münaqişəsinin Azərbaycanın ərazi bütövlüyü çərçivəsində həllinə göstərdiyi dəstəyə görə təşəkkürünü bildirib.
Türkologiya və Şərqi Araşdırmalar İnstitutunun direktoru, Rumıniyanın Azərbaycandakı ilk səfiri Tasin Cəmil Azərbaycan-Rumıniya əlaqələrinin tarixindən danışıb. O bildirib ki, Rumıniya Azərbaycanın müstəqilliyini tanıyan ikinci dövlət olub. Keçmiş sovet ölkələrindən ilk olaraq məhz Rumıniyanın Azərbaycanda səfirliyi fəaliyyətə başlayıb. Bu gün ölkələrimiz arasında əlaqələr yüksək səviyyədədir.
Milli Məclisin deputatı Qənirə Paşayeva Azərbaycan ilə Rumıniya arasında əlaqələrin tarixi köklərinin XV əsrə gedib çıxdığını bildirib. O, Azərbaycanda rumın şirkətlərinin sayının çoxaldığını, ölkəmiz tərəfindən Rumıniyaya sərmayə qoyuluşunun artdığını diqqətə çatdırıb. ARDNŞ-nin Rumıniya bazarına qoyduğu investisiyaların iki ölkə arasında iqtisadi əlaqələrin daha da güclənməsinə təkan verdiyi vurğulanıb. Deputat mədəniyyət, gənclər sahələrində əməkdaşlığın inkişafına da ehtiyacın olduğunu söyləyib.
Q.Paşayeva Avropanın enerji təhlükəsizliyində vacib rol oynayan Azərbaycanın həm enerji resurslarının hasilatçısı, həm də tranzit ölkə olduğunu vurğulayıb.
Dağlıq Qarabağ münaqişəsindən danışan deputat torpaqlarımızın 20 faizinin işğalı nəticəsində bir milyondan çox azərbaycanlının qaçqın və məcburi köçkünə çevrildiyini bildirib. O, münaqişənin ən böyük regional problemlərdən biri olduğunu söyləyib.
ARDNŞ-nin Rumıniya nümayəndəliyinin direktoru Həmzə Kərimov bildirib ki, Prezident İlham Əliyevin apardığı uğurlu xarici siyasət nəticəsində Azərbaycan dünyanın enerji sektorunda əsas oyunçuya və neft-qaz ixracatçısına çevrilib. Qeyd edilib ki, Avropanın enerji təhlükəsizliyinin təmini üçün nəzərdə tutulmuş layihələrdə aparıcı rol oynayan Azərbaycan enerji nəqliyyatı infrastrukturuna milyardlarla dollar sərmayə yatırmaqla, dünyada böyük nüfuz qazanan ölkədir.
H.Kərimov Azərbaycanın təbii qazını Avropa bazarlarına çatdıracaq TAP, TANAP kimi layihələr haqqında danışıb, gələcəkdə boru kəmərlərinin Balkan ölkələrinə doğru genişləndirilməsi planının olduğunu bildirib, Rumıniya və Mərkəzi Avropaya qaz nəqlini nəzərdə tutan AGRİ layihəsinin perspektivlərindən söhbət açıb. O, həmçinin ARDNŞ-nin Rumıniyadakı fəaliyyətindən də bəhs edib. Bildirilib ki, indiyədək Rumıniyaya təxminən 50 milyon avro həcmində sərmayə qoyulmaqla bu ölkədə 25 yanacaqdoldurma məntəqəsi açılıb, nəticədə 300-dək yeni iş yeri yaradılıb. Yaxın zamanlarda ARDNŞ-nin yanacaqdoldurma məntəqələrini Rumıniyanın bütün regionlarında görmək mümkün olacaq.
“AGRİ LNG Project” şirkətinin direktoru Mitika Savu iştirakçılara AGRİ layihəsi barədə məlumat verib. O, layihənin texniki-iqtisadi əsaslandırmasının son mərhələsinin nəticələrinin aprelin sonu, mayın əvvəlində hazır olacağını diqqətə çatdırıb.
“Geopolitika” jurnalının baş redaktoru Vasile Simileanu isə çıxışında beynəlxalq təşkilatları Cənubi Qafqazdakı problemlərə laqeyd qalmamağa çağırıb.
Tural




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info