Əfqanıstan Dağlıq Qarabağ məsələsində Azərbaycanı dəstəkləyir
Tarix: 18.03.2014 | Saat: 22:27:00 | E-mail | Çapa göndər


XİN rəhbəri: “Azərbaycan və Əfqanıstanın mövqeləri bir çox məsələlərdə üst-üstə düşür”
“Azərbaycan və Əfqanıstanın mövqeləri bir çox məsələlərdə üst-üstə düşür”. Bunu Bakıda səfərdə olan Əfqanıstan xarici işlər naziri Zarar Əhmad Osmanla görüşdən sonra xarici işlər naziri Elmar Məmmədyarov bəyan edib.
Nazirin sözlərinə görə, görüşdə tərəflər ikitərəfli əməkdaşlığın genişləndirilməsi perspektivlərini müzakirə ediblər: “Siyasi nöqteyi-nəzərindən Azərbaycan və Əfqanıstanın mövqeləri üst-üstə düşür”. E.Məmmədyarov həmçinin əfqanıstanlı həmkarını Qarabağ münaqişəsinin həlli istiqamətində aparılan danışıqların gedişatı ilə bağlı məlumatlandırıb. Görüş zamanı tərəflər iqtisadi əməkdaşlıq, Əfqanıstanın Bakı-Tiflis-Qars layihəsindən istifadəsi imkanları, konkret olaraq 2015-ci ildən sonra Əfqanıstandan Bakı-Tiflis-Qars dəmiryolu ilə yüklərin daşınması sahəsində mümkün əməkdaşlığı müzakirə ediblər. Azərbaycan XİN başçısı xatırladıb ki, bu məsələ artıq NATO mənzil-qərargahında müzakirə olunub. Danışıqlarda həmçinin təhsil sahəsində əməkdaşlıq, Azərbaycan tərəfindən Əfqanıstanda energetika sahəsinə investisiyaların yatırılması məsələləri nəzərdən keçirilib. E.Məmmədyarovun sözlərinə görə, Əfqanıstan tərəfi iqtisadi əməkdaşlığın genişləndirilməsi üçün biznes-forum təşkil etməyi təklif edib. Öz növbəsində Əfqanıstan XİN başçısı görüşün faydalı keçdiyini vurğulayıb. O ümidvar olduğunu bildirib ki, bu səfər və əməkdaşlığın genişləndirilməsi iki ölkəyə və bütövlükdə regiona fayda verəcək. Əfqanıstan xarici işlər nazir bildirib ki, ölkəsi BMT Təhlükəsizlik Şurasının Dağlıq Qarabağ münaqişəsi ilə bağlı qətnamələrinin icrasına tərəfdardır. Nazir qeyd edib ki, Azərbaycan Əfqanıstan üçün qardaş və dost ölkədir: “Əfqanıstan Azərbaycanın ərazi bütövlüyünü və BMT TŞ-nin Qarabağla bağlı qətnamələrinin icrasını dəstəkləyir”.
Elmar Məmmədyarov mətbuat konfransında qeyd edib ki, ATƏT-in Minsk qrupunun həmsədrləri Azərbaycan və Ermənistanın xarici işlər nazirlərinə Haaqada keçiriləcək növbəti nüvə sammiti çərçivəsində görüşməyi təklif edib: “Həmsədrlərin təklifi var. Onlar Haaqa sammiti çərçivəsində görüş təklif ediblər, ola bilsin ki, biz orda görüşdük”. Görüşün hansı formatda keçiriləcəyinə gəlincə, nazir ona yalnız erməni həmkarı ilə görüşün formatının məlum olduğunu deyib. Xarici işlər naziri Krım Muxtar Respublikasında keçirilən referendumun nəticələrini şərh edərkən bildirib ki, Azərbaycan Ukraynadakı münaqişənin bu ölkənin konstitusiyası çərçivəsində nizamlanmasına tərəfdardır. Onun sözlərinə görə, Azərbaycan Ukrayna ilə bağlı mövqeyini dəfələrlə ifadə edib: “Azərbaycan ərazi bütövlüyü məsələlərinə hörmətlə yanaşır. Çünki ölkəmizin özü də təcavüzlə üzləşib və nəticədə Azərbaycan torpaqları işğal olunub”.
Anar




 
Bölməyə aid digər xəbərlər
18.09.2018
Nəqliyyat, rabitə və yüksək texnologiyalar naziri Qazaxda vətəndaşlarla görüşəcək
18.09.2018
“Ailə münaqişələrinə qarşı mübarizə mövzusunda tədbirlərin təşkili”
18.09.2018
Ağcabədi rayonunun Bilağan kəndinə təbii qaz verilib
17.09.2018
Baş prokuror Qubada vətəndaşları qəbul edəcək
17.09.2018
Heydər Əliyev Fondu tərəfindən inşa olunan yeni məktəb binası istifadəyə verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info