“Fitch“ Azərbaycanın suveren reytinqlərini sabit proqnozla təsdiq edib
Tarix: 28.03.2014 | Saat: 15:28:00 | E-mail | Çapa göndər


Beynəlxalq "Fitch Ratings" reytinq agentliyi Azərbaycanın xarici və milli valyutada uzunmüddətli defolt emitenti reytinqlərini ("RDE") "BBB-" səviyyəsində təsdiq edib. Bu barədə agentliyin yaydığı məlumatda deyilir. Reytinqlər üzrə proqnoz "Sabit"dir.
Həmçinin ölkənin xarici və milli valyutada prioritetli təmin edilməmiş istiqrazlarının reytinqləri də "BBB-" səviyyəsində təsdiq edilib. Ölkə üçün maksimal hədd "BBB-", xarici valyutada qısamüddətli "RDE" isə "F3" səviyyəsindədir.
Azərbaycanın reytinqlərinin təsdiq edilməsi hasilatın növbəti beş il ərzində bütovlükdə sabit qalacağı barədə "Fitch"in gözləntilərinin sübutudur.
Məlumatda deyilir: "2013-cü ildə neft hasilatı 0,3 faiz artdı və bu, 2010-cu ildən müşahidə olunan kəskin azalmanın sonu oldu. Yeni yataqlar və hökumətin BP-nin başçılıq etdiyi konsorsiumla məhsulların bölgüsü haqqında müqaviləsinin mümkün genişləndirilməsi hasilatın təbii azalması templərini nizamlayacaq. 2013-cü ilin dekabrında "Şahdəniz-2" layihəsinin iştirakçıları Avropaya ixrac marşrutunu seçdikdən sonra təbii qazın ixracı üzrə proqnoz daha konkret oldu".
Agentliyin analitikləri qeyd edirlər ki, hökumət Azərbaycan Respublikası Dövlət Neft Fondundan (ARDNF) büdcəyə transfertləri tədricən azaltmağı və daha çox qeyri-neft gəlirləri yaratmağı planlaşdırır.
Analitiklər bildirirlər ki, Azərbaycan mart ayında 1,25 milyard dollarlıq 10 illik suveren avroistiqrazların debüt emissiyasını apararaq özünün istiqraz bazarında iştirakını təmin edib.
Məlumatda deyilir: "Büdcə göstəricilərinin möhkəmləndirilməsinə baxmayaraq, dövlət büdcəsinin kəsiri olacaq. ARDNF də daxil olmaqla birləşdirilmiş büdcə balanslaşdırılmış büdcəyə yaxın olacaq".
"Fitch" qeyd edir ki, Azərbaycanın dövlət balansı reytinq verilən suveren emitentlər arasında ən güclüsüdür və reytinqi dəstəkləyir.
Agentliyin analitikləri Azərbaycan iqtisadiyyatının qısamüddətli perspektivdə orta artımını proqnozlaşdırırlar.
Tural




 
Bölməyə aid digər xəbərlər
25.09.2018
Dövlət Gömrük Komitəsi 3 istiqamətdə islahatlar aparır
25.09.2018
Yaxın gələcəkdə Ticarətin Asanlaşdırılması Mərkəzi istifadəyə veriləcək
25.09.2018
Birinci vitse-prezident Mehriban Əliyeva İtaliyaya rəsmi səfərə gedib
25.09.2018
Beynəlxalq Valyuta Fondunun nümayəndə heyəti ilə görüş olub
25.09.2018
Prezident Bolqarıstan nümayəndə heyətini qəbul edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10141

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info