Əhali pulsuz tibbi müayinədən yararlanır
Tarix: 28.03.2014 | Saat: 19:03:00 | E-mail | Çapa göndər


Prezident İlham Əliyevin fevralın 17-dən mayın 1-dək bütün ölkə vətəndaşlarının icbari tibbi müayinədən keçirilməsi barədə tapşırığı ölkənin bütün regionlarında uğurla həyata keçirilir. “Bu gün hər bir Azərbaycan vətəndaşı öz ölkəsi ilə fəxr edir. Gündən-günə inkişaf edən müstəqil respublikamız dünya ölkələri arasında özünə layiqli yer tutur. Memarı və qurucusu ulu öndərimiz Heydər Əliyev olan və Prezident İlham Əliyev tərəfindən uğurla davam etdirilən siyasət nəticəsində həyatımızın bütün sahələrində böyük nailiyyətlər əldə edilir. Bu nailiyyətlər arasında səhiyyəni xüsusilə qeyd etmək lazımdır”. Bu fikirləri müsahibəsində bildirən Gəncə Dövlət Universitetinin professoru, tarix elmləri doktoru Həsənbala Sadıqov daha sonra deyib ki, Prezident əhalinin rifah halının yaxşılaşdırılmasına, eləcə də insanların sağlamlığının qorunmasına daim ciddi diqqət yetirir: “İndi elə bir bölgə yoxdur ki, orada müasir tibb mərkəzi olmasın. Ən yeni tibb avadanlıqları ilə təchiz edilmiş bu səhiyyə ocaqları ixtisaslı kadrlarla da təmin edilib və sakinlərin hər hansı müayinə üçün paytaxta getməsinə ehtiyac qalmır. Dövlətimizin başçısının əhalinin pulsuz tibbi müayinədən keçirilməsi barədə verdiyi tapşırıq bir daha onu göstərir ki, İlham Əliyev həqiqətən hər bir Azərbaycan vətəndaşının Prezidentidir. Bütün bunlara görə möhtərəm Prezidentimizə minnətdarlığımızı bildiririk”.
Ölkə başçısının əhalinin icbari tibbi müayinədən keçirilməsi barədə tapşırığı respublikamızın hər yerində olduğu kimi, Binəqədi rayonunda da uğurla icra edilir.
Binəqədi Rayon İcra Hakimiyyətinin şöbə müdiri Ramiz Göyüşov bildirib ki, martın 28-dək rayon ərazisində fəaliyyət göstərən tibb müəssisələrində 60 mindən çox sakin dövlətimizin başçısının tapşırığı ilə həyata keçirilən pulsuz tibbi müayinələrdən yararlanıb. Müayinə olunanlardan 5 min 13 nəfərə ambulator, 295 nəfərə isə stasionar müalicə kursu təyin edilib. Biləcəri qəsəbəsinin 30 minə yaxın sakininə xidmət göstərən 15 nömrəli şəhər poliklinikasında da rayon sakinlərinin tibbi müayinəsi üçün bütün lazımi şərait yaradılıb. Poliklinikanın baş həkimi Rauf Sadıxov demişdir ki, indiyədək 2 min 623 nəfər rayon sakini təcrübəli həkimlər tərəfindən hərtərəfli müayinə olunublar. Onlardan 845 nəfəri ambulator, 42 nəfəri isə stasionar müalicəyə cəlb olunub. Baş həkim dövlət başçısının tapşırığı ilə keçirilən bu aksiyanın xəstəliklərin erkən aşkarlanması baxımından böyük əhəmiyyəti olduğunu vurğulayıb, rəhbərlik etdiyi poliklinikanın da dövlət proqramı çərçivəsində ən müasir avadanlıqlarla təchiz edildiyini və burada yüksək ixtisaslı həkimlərin çalışdığını diqqətə çatdırıb. Müayinədən keçən rayon sakinləri onların sağlamlıqlarının qeydinə qaldığına görə Prezident İlham Əliyevə minnətdarlıqlarını bildiriblər.

Nigar




 
Bölməyə aid digər xəbərlər
21.11.2018
PAŞA Bank sərfəli şərtlərlə ipoteka krediti təklif edir
21.11.2018
Azərbaycanda qızları olan ailələrlə bağlı yeni təkliflər
20.11.2018
DOST Agentliyinin konsepsiyasının təqdimatı olub
20.11.2018
Şəhid anası: Birdəfəlik ödəmələrin verilməsi şəhid ailələrinə qayğının bariz nümunəsidir
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Davamli dil siyasəti dövlətin əsas prioritet istiqaməti kimi
2 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info