“Azərbaycan vərəmin müalicəsinə görə dünyada ən yüksək göstəricilərdən birinə nail olub”
Tarix: 28.03.2014 | Saat: 23:57:00 | E-mail | Çapa göndər


“Azərbaycan vərəmin müalicəsinə görə regionda ən yüksək göstəriciyə, dünyada isə ən yüksək göstəricilərdən birinə nail olub”.
Bunu Beynəlxalq Qırmızı Xaç Komitəsinin (BQXK) Azərbaycandakı nümayəndəliyinin başçısı Deniz Duran "Cəzaçəkmə yerlərində MDR vərəmlə mübarizə, Azərbaycan təcrübəsi" adlı filmin Azərbaycan dilindəki versiyasının təqdimatında deyib.
Onun sözlərinə görə, dünyada immun çatışmazlığı virusundan sonra insan ölümünə səbəb olan ikinci ən geniş yayılmış infeksiya törədicisi vərəmdir. Multirezistentli (MDR) vərəm bütün dünyada, xüsusilə də keçmiş SSRİ məkanının əksər hissələrində yüksək sürətlə artır. Bu ölümcül xəstəlik cəzaçəkmə yerlərində xüsusilə təhlükəlidir: "Lakin Azərbaycanda Ədliyyə Nazirliyi vərəmin müalicəsinə görə regionda ən yüksək göstəriciyə, dünyada isə ən yüksək göstəricilərdən birinə nail olub. Nazirlik və BQXK 1995-2011-ci illərdə həbsxanalarda vərəmə nəzarət etmək üçün birgə və ciddi səy göstərib". D.Duran həmçinin qeyd edib ki, Azərbaycanın vərəmlə mübarizəsi artıq nümunəvi model olaraq tətbiq edilməkdədir. Bu gün təqdim olunan və 2013-cü ildə hazırlanmış film isə ölkədə məhbuslar üçün fəaliyyətə başlayan mərkəzi müalicə müəssisəsində göstərilən fərdi diqqətin, mütəxəssis qayğısının və möhkəm siyasi istək və iradənın nəticəsində həbsxanalarda MDR vərəmlə mübarizədə Azərbaycanın model rolunu oynadığını göstərir. Ədliyyə Nazirliyi Tibb Baş İdarəsinin rəisi, ədliyyə general-mayoru Rəfail Mehdiyev isə deyib ki, Azərbaycanda 1995-ci illə müqayisədə penitensiar müəssisələrdə vərəmdən ölüm halları 2010-cu ildə 58 dəfə azalıb. Son 10 ildə isə 10 dəfə azalıb. O bildirib ki, bu film Azərbaycan təcrübəsini həbsxanalarda səhiyyə ilə məşğul olan digər mütəxəssislər və ictimaiyyətlə bölüşmək imkanı verəcək. Belə bir filmin hazırlanmasına görə BQXK-ya minnətdarlığını bildirən idarə rəisinin sözlərinə görə, 1995-ci ildən sonra Azərbaycanın penitensiar müəssisələrində vərəmlə mübarizə sahəsində böyük uğurlar əldə olunub: "Bu sahədə ən yeni müalicə metodları tətbiq olunur və bu iş Ümumdünya Səhiyyə Təşkilatı tərəfindən də yüksək qiymətləndirilir".
R.Mehdiyev qeyd edib ki, bu gün Azərbaycandakı bütün cəzaçəkmə müəssisələrində müayinələr aparılır, bəlğəm nümunələri toplanır və laboratoriyada yoxlanılır. Penitensiar müəssisələrdə 1995-ci ildən bəri 13 mindən artıq şəxs vərəmdən müalicə alıb. Uğurlu müalicənin səviyyəsi 86 faizə çatıb. Hazırda penitensiar müəssisələrdə vərəmlə xəstələnmə göstəricisi sürətlə aşağı enir: "Bu, 2013-cü ildə ən aşağı səviyyədə olub, aşkar olunmuş destruktiv formalı vərəmli şəxslərin sayı azalıb. Bu gün bizim penitensiar müəssisələrdə vərəm çöplərinin aşkar edilməsi üçün ən müasir avadanlıqlarla təchiz olunmuş laboratoriyamız var".
Tural




 
Bölməyə aid digər xəbərlər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib
15.11.2018
Qaçaq yolla dərman gətirilməsi cəhdinin qarşısı alınıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10495

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info