“Xutor dairəsi“ndəki yol qovşağının tikintisi yayda tamamlanacaq
Tarix: 02.04.2014 | Saat: 15:27:00 | E-mail | Çapa göndər


Bakıda Ziya Bünyadov prospektinin Alı Mustafayev, Hüseynbala Əliyev və Əbdülvahab Salamzadə küçələri ilə kəsişməsində - "Xutor dairəsi"ndə yerləşən yol qovşağı kompleksinin tikintisi ilə bağlı işlər bu ilin iyun-iyul aylarında başa çatdırılacaq. Bu barədə Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, hazırda həmin yol qovşağı kompleksinin tikintisi işləri davam etdirilir. Yol qovşağı kompleksinə üç tunel və bir yol ötürücüsü daxildir. Birinci tunelin uzunluğu 890 metr, eni 22 metr olmaqla 4 hərəkət (2 gediş, 2 gəliş) zolağından ibarət olacaq. Birinci tunel nəqliyyat vasitələrinin 3-cü mikrorayon dairəsindən "Xutor dairəsi"nə daxil olmadan Ziya Bünyadov prospekti ilə Azadlıq prospektinin (keçmiş Karl Marks dairəsi) kəsişməsi istiqamətinə maneəsiz hərəkətini təmin edəcək.
Uzunluğu 450 metr, eni 10,5 metr olan iki hərəkət zolaqlı, birgedişli ikinci tunel Ə.Salamzadə küçəsindən Z.Bünyadov prospekti ilə Azadlıq prospektinin kəsişməsi istiqamətinə, üçüncü tunel Z.Bünyadov prospekti ilə Azadlıq prospektinin kəsişməsindən Ə.Salamzadə küçəsinə maneəsiz hərəkəti təmin edəcək.
P.Mürsəliyev qeyd edib ki, hər iki tuneldə görülmüş işlər təxminən eyni səviyyədədir: "Tunellərin tavanında alkopanların vurulması, tirlərin rənglənməsi, təkərqaytaran blokların monolit betonla tökülməsi, drenaj sisteminin beton qapaqlarının qoyulması işləri aparılır. Bu işlər bitdikdən sonra lazım olan digər - drenajların quraşdırılması, ventilyasiya sistemi, asfalt örtüyünün vurulması və s. işlərə start veriləcək".
Uzunluğu 832 metr, eni 10,5 metr olan iki zolaqlı üçüncü tunel Ziya Bünyadov prospekti ilə Azadlıq prospektinin kəsişməsindən Ə.Salamzadə küçəsinə hərəkəti təmin edəcək: "Bu tuneldə hazırda nəqliyyat vasitələrinin hərəkət etdiyi 30 metrlik yer istisna olmaqla bütün qazıntı işləri başa çatdırılıb. Burada pərdələrin betonlanması, tunelin bünövrəsinin betonlanması, tunelin üstünə tirlərin qoyulması, izolyasiya, təkərqaytaran blokların monolit betonla tökülməsi işləri görülür. Bu işlər bitdikdən sonra torpaq tökülərək üstü örtüləcək. Daha sonra hərəkət dəyişdirilərək qalan 30 metr ərazidə də qazıntı işlərinə başlanılacaq".
Yol qovşağı kompleksinə daxil olan yol ötürücü isə Ə.Salamzadə küçəsindən gələn nəqliyyat vasitələrinin Hüseynbala Əliyev və əks istiqamətdə nəqliyyat vasitələrinin hərəkətini təmin edəcək: "Uzunluğu 634 metr, eni 12 metr olan yol ötürücüsündə işlər demək olar ki, başa çatdırılıb, işıqlandırma qurulub, yol ötürücüsünün üst hissəsinə asfalt-beton örtüyü vurulub, məhəccərlər quraşdırılıb. Sadəcə olaraq, körpünün alt hissəsində işıqlandırma sisteminin quraşdırılması və rənglənmə işləri gedir".
Qeyd edək ki, hələ 3 ay əvvəl yol kompleksindəki işlərin bu ilin I rübündə yekunlaşdırılmasının planlaşdırıldığı bildirilirdi. P.Mürsəliyev qeyd edib ki, işlərin ləngiməsinə səbəb ərazidə əlavə söküntülərin aparılması olub: "Hazırda demək olar ki, kompleks üzrə işlərin böyük hissəsi yerinə yetirilib. Bu ilin iyun-iyul aylarında yol kompleksində işlərin tamamilə yekunlaşması gözlənilir".
Tural




 
Bölməyə aid digər xəbərlər
26.11.2020
Ərdoğanın sədrliyi ilə COMCEC-in 36-cı sessiyasının açılış mərasimi olub
26.11.2020
Qarabağda investisiya qoyulması üçün geniş imkanlar yaradılacaq
26.11.2020
Azərbaycan yolların keyfiyyətinə görə 141 ölkə arasında 24-cü yerdə qərarlaşıb
26.11.2020
İşğaldan azad olunmuş ərazilərdə yol infrastrukturu necə olacaq? - RƏSMİ
26.11.2020
Polşa “Cənub Qaz Dəhlizi“nin gələcək inkişafını dəstəkləyəcək - Səfir

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11910

1 “İncəsənət videomühazirələri” adlı yeni layihəyə başlanılıb
2 Что делали в Карабахе переселенцы из Ливана и Сирии?
3 “Qreçka“, yoxsa düyü – Hansını çox yeməlisiz?
4 Öküz ili bürclərə nə vəd edir?
5 Kinorejissor Rasim Ocaqovun xatirəsi anılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info