“Ədəbi proses 2013: yekunlar və vəzifələr” adlı yaradıcılıq müşavirəsi keçirilib
Tarix: 02.04.2014 | Saat: 19:29:00 | E-mail | Çapa göndər


Azərbaycan Milli Elmlər Akademiyasında (AMEA) Ədəbiyyat İnstitutunun təşkilatçılığı ilə “Ədəbi proses 2013: yekunlar və vəzifələr” adlı yaradıcılıq müşavirəsi keçirilib. Müşavirədə çıxış edən AMEA Ədəbiyyat İnstitutunun direktoru, akademiyanın vitse-prezidenti İsa Həbibbəyli bildirib ki, bu yaradıcılıq müşavirəsi 30 illik fasilədən sonra yenidən fəaliyyətə başlayıb. Onun sözlərinə görə, ölkədə 30 illik müddət ərzində ədəbi proseslər və bu sahə üzrə heç bir müşavirə keçirilmir. Müəyyən müddətdən sonra ölkədə ədəbi müşavirələri yenidən bərpa etməklə bu istiqamətdə yeni addımlar atılacaq: “1984-cü ilə kimi mövcud olan zaman ərzində çap olunan kitablar indi nadir nüsxələrə çevrilib. Ədəbiyyat İnstitutu ötən ildən başlayaraq ədəbi prosesə həsr olunan yaradıcılıq müsabiqəsini yenidən keçirmək ənənəsini davam etdirmək qərarına gəlib. Bu gün mövcud olan vəziyyət müşavirələrin yeni format və müstəvidə keçirilməsini tələb edir. Ədəbi müşavirələr müstəqil Azərbaycan dövlətində baş verən ədəbiyyat hadisəsinə uyğun gəlməli, qarşıda hansı vəzifələrin durduğunu əks etdirməlidir”. İ. Həbibbəyli qeyd edib ki, ədəbi yaradıcılıq müşavirələrinin Azərbaycan Yazıçılar Birliyi ilə birlikdə keçirilməsi barədə razılığa gəlinib. Onun sözlərinə görə, bu il müşavirə Azərbaycan Milli Elmlər Akademiyasında keçirildiyi halda, gələn il bu tədbir Yazıçılar Birliyinin Natəvan Klubunda keçiriləcək. Bununla da ildən-ilə müşavirələrin yeri dəyişilməklə təşkil olunacaq və qarşılıqlı fikir mübadilələri aparılacaq. Azərbaycan Yazıçılar Birliyinin katibi Rəşad Məcid 30 illik fasilədən sonra belə müşavirələrin keçirilməsini yüksək qiymətləndirib: “Bu gün mətbuat orqanları çoxdur, istənilən şəxs-müxtəlif yazarlar, gənc ədiblər müxtəlif yazılarla çıxış edirlər. Xaos bir vəziyyət yaranıb. Kiminsə haqqında ədəbi tənqidçilər bir söz deməyə çətinlik çəkirlər. Amma siz bilin ki, sarı ədəbiyyat adamları sizdən çəkinib qorxurlar. Sizin bir fikriniz onlar üçün sarsıdığı bir zərbə ola bilər. Həqiqi ədəbi dəyərin, bədii-estetik fikrin harada olduğunu bildirmək üçün ədəbiyyat oxumaq istəyən insanların ədəbi tənqidçilərə böyük ehtiyac var. Sizi müşavirənin keçirilməsində də yaxından iştirak etməyə çağırıram”. Müşavirə ədəbi tənqidçilərin məruzələri, qarşılıqlı fikir mübadiləsinin aparılması ilə davam edib.




 
Bölməyə aid digər xəbərlər
19.02.2019
Azərbaycanda münaqişəli ailələrin sayı artır
19.02.2019
Avropa Komissiyasının Hərəkətlilik və Nəqliyyat üzrə Baş direktoru Şimal bölgəsinə səfər edib
19.02.2019
“EcoArt” layihəsi başa çatıb
19.02.2019
Peşə hazırlığı kurslarının Almaniya təcrübəsinə uyğun təşkili məsələləri müzakirə olunub
19.02.2019
Şəhidlik ölməzlikdir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info