Əfqanıstanda prezident seçkiləri nə vəd edir?
Tarix: 02.04.2014 | Saat: 22:10:00 | E-mail | Çapa göndər


Əfqanıstanda prezident seçkilərinə sayılı günlər qalıb. Bu il aprelin 5-də əfqan xalqı yeni prezidentini seçəcək. Bu, ölkə tarixində üçüncü prezident seçkiləri olacaq. Bu seçkinin əvvəlki iki seçkidən fərqi odur ki, ölkə konstitusiyasına görə, hazırkı prezident Hamid Karzai növbəti müddətə seçilə bilməz. Yerli medianın əsas müzakirə obyekti olan namizədlərin debatlarını siravi xalq da maraqla izləyir. Ölkənin müxtəlif bölgələrində görüşlər keçirən namizədlər öz iqtisadi və siyasi proqramlarını açıqlamaqla, xalqın dəstəyinə nail olmağa can atırlar.
Əfqanıstanda budəfəki seçicilərin ən aktiv üzvü, əsasən, gənc nəslin nümayəndələrindən ibarətdir, onlar ölkənin 70 %-ni təşkil edirlər.
Analitiklərə görə, prezident marafonunda doktor Abdul və Əşrəf Qəni Ahmadzai favorit hesab edilirlər. Lakin son iki həftə ərzində prezidentliyə digər namizəd - Zalmay Rəsul də əsas namizəd kimi özünü təsdiq etməyə nail ola bilib.
Qeyd edək ki, Zalmay Rəsul komandasından fərqli olaraq, sonrakı iki namizədin siyasi liderləri xalq arasında ötən əsrin 90-cı illərindəki vətəndaş müharibəsinin əsas günahkarları kimi tanınırlar.
Prezidentlərin seçki kampaniyası zamanı artıq mühüm siyasi sensasiya da qeydə alınıb. Belə ki, ölkədə fəaliyyətdə olan İslam Partiyasının lideri Gulbuddin Hekmatyar prezident seçkilərini boykot etməyəcəyini, əksinə öz namizədliyini irəli sürüb.
Prezident seçkilərinə cəmiyyətin böyük marağını nəzərə alaraq, seçkilərin ikinci turda davam etdiriləcəyi də ehtimal olunur.
Seçki prosesinə müdaxilə etməməyin əhəmiyyəti haqqında bütün danışıqlara rəğmən hazırkı prezident və onun komandası neytral mövqe nümayiş etdirir. Hamid Karzainin on üç illik hakimiyyəti dövrü ölkənin bütün siyasi qərarlarının "Arg" sarayında planlaşdırıldığı aşkara çıxandan sonra, hazırkı seçkinin də istisna olunmadığı ehtimal olunur. Belə ki, seçki kampaniyasının əvvəlində Karzai Əşrəf Qani komandasına dəstək verirdisə, Zalmay Rəsul son iki həftə ərzində sıçrayış edərək önə çıxmasında, məhz Karzainin pərdəarxası fəaliyyətinə minnətdar olmalıdır.
Qeyd edək ki, siyasi kombinasiyalarına görə Karzai Qərb ölkələri və əfqan cəmiyyəti üçün həmişə bir sirr olub. Görünür, hazırkı dövlət rəhbərinin siyasi intriqasını sona qədər açmaq çətin olacaq. Hər halda onun fəaliyyətinə xitam verilənə qədər.
Qeyd etmək lazımdır ki, prezident seçkilərində professor Seyyaf və İsmayıl xanın da komandası mühüm rol oynaya bilər. Təsadüfi deyil ki, hər üç namizəd professor Seyyafın ölkənin "mücahidin orqanı"ndakı rolunu və təsirini anlayır, onun dəstəyini almağa çalışırlar.
Amerika Birləşmiş Ştatları və onun Qərb müttəfiqləri seçkinin elə ilk turda başa çatmasına və Vaşinqtonun Kabillə təhlükəsizlik müqaviləsinin imzalanmasında maraqlıdırlar.
Qeyd etmək lazımdır ki, hər üç namizəd ABŞ və Əfqanıstan arasında müqavilənin imzalanmasının lehinə olduqlarını bəyan ediblər.
Bu arada öz fəaliyyətini genişləndirən taliban hərəkatı bəyan edib ki, onlar nəinki prezident seçkilərini boykot edəcək, hətta aprelin 5-də səsverməni pozmağa çalışacaqlar. Məhz bunları nəzərə alan ölkənin silahlı qüvvələri aprelin 5-də seçki məntəqələrində təhlükəsizlik təmin etmək vədini veriblər.
Ağasəf Babayev




 
Bölməyə aid digər xəbərlər
17.01.2019
Dünyada robotlar işlədən ilk hotel onlardan imtina edir
17.01.2019
Şahmat ömrü uzadır
17.01.2019
Tereza Mey Böyük Britaniyanın baş naziri postunu qoruyub saxlayıb
16.01.2019
Britaniya deputatları “Brexit“ şərtlərinə dair sazişin əleyhinə səs veriblər
16.01.2019
Türkiyə ərazisində əlverişsiz hava şəraiti davam edir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info