BSU beynəlxalq elmi konfransa hazırlaşır
Tarix: 07.04.2014 | Saat: 20:41:00 | E-mail | Çapa göndər


Heydər Əliyevin yaradıcısı olduğu Bakı Slavyan Universitetində(BSU) artıq beşinci ildir ki, keçirilən “Azərbaycanşünaslığın aktual problemləri” ənənəvi beynəlxalq konfransın ümummilli liderin anadan olmasının ildönümünə həsr olunması təsadüfi deyil. Azərbaycanşunaslıq məfkurəsinin dövlət siyasəti səviyyəsində təzahür tapması, Azərbaycanın dünya ölkələri sırasında tanınması və layiqli yer tutması məhz ulu öndər Heydər Əliyevin gərgin və məqsədyönlü fəaliyyəti nəticəsində baş verib.
Azərbaycan Milli Elmlər Akademiyası Rəyasət Heyətinin və Bakı Slavyan Universitetinin birgə təşkilatçılığı ilə keçiriləcək V konfransa hazırlıq işləri tamamlanmaq üzrədir. BSU-nun Mətbuat Xidmətindən “Palitra”ya verilən məlumata görə, əvvəlki konfranslardan fərqli olaraq, bu il keçiriləcək konfransın təşkilat komitəsinin işində azərbaycanlı alim və tədqiqatçılarla yanaşı, xarici ölkələrin nümayəndələri də iştirak edir. Bu günlərdə BSU-da xarici nümayəndələrin iştirakı ilə təşkilat komitəsinin növbəti iclası keçirilib.
Təşkilat komitəsinin sədri, AMEA-nın müxbir üzvü professor Kamal Abdullayev iclası açaraq bu konfransın azərbaycançılıq ideyasının inkişafında mühüm əhəmiyyət kəsb edəcəyinə əmin olduğunu bildirib və konfransa hazırlıq mərhələsində təşkilat komitəsinin qarşısında duran məsələlərin həlli istiqamətində görülən işlərlə maraqlanıb. İclasda Heydər Əliyev irsinin tədqiqi və azərbaycançılıq ideyasının təbliğinə, ölkəmizdə multikultural cəmiyyətin xüsusiyyətləri və millətlərarası münasibətlərin, Azərbaycan tarixi və mədəniyyətinin, dil və ədəbiyyatının aktual problemlərinin 6 bölməsinin təşkili, qonaqların qarşılanması və yerləşdirilməsi, mədəni tədbirlər planının hazırlanması, konfrans materiallarının çapı ilə bağlı məsələlər geniş müzakirə edilib.
Konfransın proqramına əsasən bir dəyirmi masa Quba şəhərində təşkil olunacaq. Bununla yanaşı, xarici qonaqların Qubanın görməli yerləri ilə tanışlığı da nəzərdə tutulub. Təşkilat komitəsinin sədri professor K.M. Abdullayev bildirib ki, səyahəti təşkil etməkdə məqsəd Azərbaycanın qədim tarixi ənənələrini özündə yaşadan, multikulturalizmin kiçik modeli olan Quba ilə tanışlıqdır: “Hesab edirəm ki, səyahət çərçivəsində Qubada yerləşən kütləvi soyqırımı qurbanlarının məzarlığını ziyarət etmək də məqsədəuyğundur”.
Rusiya Federasiyasından təşkilat komitəsinin üzvü Ural Fedaral Universietinin professoru A. Q. Nesterov çıxışında Bakı Slavyan Universitetinin belə konfransların keçirilməsində böyük təcrübəsi olduğunu qeyd edib. Təşkilat komitəsinin üzvləri Gürcüstan Respublikasından İ.Cavaxişvili adına Tbilisi Dövlət A. Çikobava adına Linqivistika İnstitutunun direktor müavini, professor M. G. Mancqaladze, Türkiyə Respublikasının İzmir Ekonomi Universitetinin professoru F. Türkmən, Litva Edukoloji Universitetinin professoru V. Kavaliauskas, AMEA-nın vitse-prezidenti İsa Həbibbəyli öz çıxışlarında konfransa hazırlıq çərçivəsində görülən işlərdən danışaraq, bir sıra təkliflər irəli sürüblər. BSU-nun rektoru professor A.A.Hacıyev səslənən təkliflərin konfransın hazırlanmasında faydalı olduğunu və qısa müddətdə həyata keçiriləcəyini bildirib.
Tural





 
Bölməyə aid digər xəbərlər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub
20.03.2019
Metropolitendə ilk dəfə Novruz şənliyi təqdim olunur

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 İraqda bərə qəzaya uğrayıb: 71 ölü
5 Məhkum edilmiş bir sıra şəxslər əfv olundu


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info