Gənclərin sağlam böyüməsi üçün müxtəlif proqramlar qəbul edilir
Tarix: 08.04.2014 | Saat: 23:31:00 | E-mail | Çapa göndər


Binəqədi Rayon İcra Hakimiyyəti, Yeni Azərbaycan Partiyası Binəqədi Rayon Təşkilatı, Binəqədi Rayon Gənclər və İdman İdarəsi və HB Co.LTD -nin birgə təşkilatçılığı ilə Binəqədi rayonu üzrə orta ümumtəhsil məktəblərində “Tütün və alkoqolun insan sağlamlığına vurduğu zərərin tibbi aspektləri” mövzusunda seminar - müsabiqəyə start verilib.
Seminar-müsabiqə çərçivəsində ilk açılış tədbiri Binəqədi rayonu 276 saylı orta məktəbdə keçirilib. Tədbiri giriş sözü ilə açan Yeni Azərbaycan Partiyası Binəqədi Rayon Təşkilatının aparat rəhbəri Qabil Qafarov qonaqları təqdim edib, tədbirlər çərçivəsində Binəqədi rayonu üzrə 32 məktəbi əhatə edəcək 7 seminarın keçiriləcəyini bildirib, tütün, alkoqol və digər zərərli vərdişlərin gənclərin sağlamlığına müxtəlif dərəcəli ziyan vurduğunu qeyd edib. Tədbirdə çıxış edən Narkomaniyaya və Narkotik vasitələrin qanunsuz dövriyyəsinə qarşı mübarizə üzrə Dövlət Komissiyasının işçi qrupunun əməkdaşı Şahin İsmayılov dövlət tərəfindən bu istiqamətdə görülən işlərdən danışıb, narkomaniyanın böyük bəla olduğundan və bu istiqamətdə respublikamızda Dövlət Proqramının qəbul edildiyindən və icrasından danışıb. Sonra çıxış edən Binəqədi Rayon Gənclər və İdman İdarəsinin rəisi Qüdsi Bayramov gənclərin asudə vaxtının səmərəli təşkilinin vacibliyini qeyd edib, gəncləri tütün, alkoqol və digər zərəli vərdişlərdən uzaq olmağa və daha çox yaradıcılıqla məşğul olmağa səsləyib. O, gəncliyin sağlam əsaslar üzərində böyüməsinin vacibliyini qeyd edib.
Tədbirin təşkilatçılığına görə Binəqədi Rayon İcra Hakimiyyəti, YAP Binəqədi Rayon Təşkilatı və Binəqədi Rayon Gənclər və İdman İdarəsinə öz təşəkkürünü bildirən HB Co.LTD - nin baş direktoru Hikmət Butayev gəncləri tütün, alkoqol və narkomaniya kimi sosial bəladan uzaq olmağa səsləyib. O qeyd edib ki, gəncliyin üzərinə böyük bir məsuliyyət - işğal altında olan torpaqlarımızın azad edilməsi düşür və buna görə də gənclər sağlam böyüməli və məsuliyyətli olmalıdırlar. Bakı şəhəri üzrə Baş Təhsil İdarəsinin nümayəndəsi Buludxan İsayev orta məktəblərdə bu sahədə iş planlarının hazırlanması və icrasından danışıb. O tütün, alkoqol və narkomaniyaya qarşı mübarizədə məktəbin ailə ilə birgə çalışmasının vacibliyini vurğulayıb.
Tədbirdə çıxış edən Binəqədi Rayon İcra Hakimiyyəti başçısının müavini, Binəqədi rayonu üzrə Narkomanlığa və Narkotik vasitələrin qanunsuz dövriyyəsinə qarşı Mübarizə Komissiyasının sədri Aygün Əliyeva Binəqədi Rayonu İcra Hakimiyyəti başçısı Xaləddin İsgəndərovun salamlarını çatdırıb, “Tütün və alkoqolun insan sağlamlığına vurduğu zərərin tibbi aspektləri” mövzusunda keçirilən tədbirin əhəmiyyətindən danışıb. O bildirib ki, baxmayaraq ki, dünya miqyasında narkotiklərin qarşısının alınmasına milyonlarla dollar vəsait xərclənir, təəssüf ki, bu bəlaya düçar olan şəxslərin sayı artır. “Azərbaycan müstəqillik qazandıqdan sonra ölkəmizin üzləşdiyi problemlər və əsasən də keçid dövrü ölkəmizdə də bu bəlanın yayılmasına gətirib çıxardıb. Gənclərin sağlam böyüməsi üçün dövlət müxtəlif proqramlar qəbul edir” - deyə o bildirib.
Gələcəyin sağlam gənclərdən ibarət olmasının vacibliyini qeyd edən Aygün Əliyeva qeyd edib ki, narkomaniya, tütün və alkoqola aludəçiliyin qarşısının alınması işinə təkcə dövlət deyil, eləcə də cəmiyyət və bütün sosial institutlar öz töhfələrini verməlidirlər. O Binəqədi rayonunda bu istiqamətdə sosial və humanitar layihələrin davam edəcəyini qeyd edib.
Sonra tədbir layihənin informatorları olan Nahidə Mahmudova və Şəhriyar Səmədzadənin təqdimatında tütün və alkoqolun insan sağlamlığına zərəri haqqında müxtəlif slaydların göstərilməsi ilə davam edib.
İlkin




 
Bölməyə aid digər xəbərlər
23.02.2019
Bakıda 24 yaşlı ana 2 övladı ilə birlikdə itkin düşdü
23.02.2019
Turistlər polisdən razılıq edirlər
22.02.2019
Kənd təsərrüfatının inkişafında yeni mərhələ: Elektron Kənd Təsərrüfatı İnformasiya Sisteminin tətbiqinə başlanıldı
22.02.2019
Xocalı soyqrımını törədənlər beynəlxalq məhkəmə qarşisinda cavab verməlidirlər
22.02.2019
“Təbiət Mənim Evim” layihəsi baş tutub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info