Azərbaycan nümayəndə heyəti Salonikiyə səfər edib
Tarix: 14.04.2014 | Saat: 14:23:00 | E-mail | Çapa göndər


Gənclər və İdman Nazirliyinin nümayəndə heyəti Afinadan 2014-cü il Avropanın Gənclər Paytaxtı seçilmiş Saloniki şəhərinə səfər edib.
Nazirliyin mətbuat xidmətindən “Palitra”ya verilən məlumata görə, nazir müavini İntiqam Babayevi Yunanıstanın Makedoniya və Frakiya üzrə naziri Teodoros Karaoqlu qəbul edib.
Görüş zamanı İ.Babayev Azərbaycan nümayəndə heyətinin Yunanıstana səfərinin məqsədləri və ölkəmizdə həyata keçirilən gənclər siyasəti haqqında məlumat verib.
Nazir T.Karaoqlu iki ölkə arasında mövcud olan dostluq əlaqələrinin daha da genişləndirilməsini və həyata keçirilən mübadilə proqramlarında təmsil etdiyi regionun gənclərinin aktiv iştirakını arzulayıb.
İ.Babayev Saloniki şəhərinin meri Yannis Butarislə görüşüb. Qonaqları salamlayan Butaris Bakı və Saloniki arasında olan bir çox oxşar cəhətlərdən danışıb, gələcəkdə Saloniki və 2016-cı il Avropanın Gənclər Paytaxtı seçilən Gəncə şəhərinin gəncləri arasında dostluq əlaqələrinin genişləndirilməsinə yönəlmiş birgə layihələrin həyata keçirilməsinin zəruriliyini vurğulayıb.
Öz növbəsində İ.Babayev Gəncə şəhərinin seçimi zamanı verdikləri dəstəyə görə Y.Butarisə öz minnətdarlığını bildirib.
Axşam Saloniki şəhərinin "Meqaro Mousikis" konsert salonunda Azərbaycan Bakı Musiqi Akademiyasının Gənclər Kamera Orkestrinin iştirakı ilə konserti keçirilib.
Açılışda ölkəmizin Yunanıstanda fövqəladə və səlahiyyətli səfiri Rəhman Mustafayev çıxış edərək iki ölkənin dostluq əlaqələrindən, Azərbaycan mədəniyyətinin zənginliyindən danışıb.
Azərbaycan və dünya bəstəkarlarının əsərlərini gənclərimizin ifasında dinləyən Salonikililər musiqimizdən zövq aldıqlarını bildiriblər.
Tural




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10461

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info