Yaponiyanın səfiri Naxçıvan Dövlət Universitetində
Tarix: 23.04.2014 | Saat: 20:05:00 | E-mail | Çapa göndər


Yaponiyanın Azərbaycandakı fövqəladə və səlahiyyətli səfiri Tsuquo Takahaşi Naxçıvan Muxtar Respublikasına rəsmi səfəri çərçivəsində Naxçıvan Dövlət Universitetində də olub, universitetin strukturu, maddi-texniki bazası, buradakı tədris prosesi ilə yaxından tanış olubdur. Səfir Təbiətşünaslıq və kənd təsərrüfatı fakültəsindəki tədris və elmi-tədqiqat yönlü laboratoriyalarda və muzeylərdə, Memarlıq və mühəndislik fakültəsindəki Memarlıq və incəsənət tarixi kabinəsində, fakültə tələbələrinin əl işlərinin nümayiş olunduğu sərgi salonunda, laboratoriyalarda, Beynəlxalq münasibətlər və xarici dillər fakültəsində fəaliyyət göstərən Cənubi Koreya mədəniyyət və dil tədrisi mərkəzlərində, “Diplomatiya” kabinəsində, Tərcümə tədris mərkəzində olub. Rəsmi qəbul zamanı universitetin rektoru, əməkdar elm xadimi, professor Saleh Məhərrəmov bildirib ki, Azərbaycanda, o cümlədən Naxçıvan Muxtar Respublikasında elmin və təhsilin inkişafına göstərilən hərtərəfli dövlət qayğısı nəticəsində 108 hektarlıq ərazidə müasir tipli, dünya standartları səviyyəsinə cavab verə biləcək bir universitet qurulub. Qeyd olunub ki, dünya təhsilinə inteqrasiya yolu tutan universitetin beynəlxalq əlaqələri günbəgün genişlənməkdədir. Dünyanın tanınmış 80 ali məktəbi ilə beynəlxalq əməkdaşlığa malik olan bu ali məktəbdə 5000-dən yuxarı tələbə, o cümlədən 12 ölkənin 300 nəfərdən çox vətəndaşı ali təhsil alır. Universitet bir çox beynəlxalq layihədə uğurla təmsil olunur. Tələbə mobilliyinin artırılması nəticəsində universitetin bakalavr və doktorantları öz təhsillərini müxtəlif ölkələrdə davam etdirirlər. Bildirilib ki, universitetdə beynəlxalq münasibətlərin, müxtəlif xarici dillərin tədrisinə böyük əhəmiyyət verilir.
Səfir Tsuquo Takahaşi ölkələrarası münasibətlərin möhkəmlənməsində elm, təhsil sahəsində əməkdaşlığın mühüm rol oynadığını vurğulayıb, muxtar respublika haqqında yüksək təəssüratlarını bölüşüb. Gələcək tərəfdaşlıq məsələlərinin müzakirəsi zamanı universitetlər arası əməkdaşlığın genişləndirilməsində birgə layihələrin əhəmiyyəti önə çəkilib, yaponiyalı diplomat bu istiqamətdə səylərini əsirgəməyəcəyini bildirib.
Mina Qasımova
NDU-nun Mətbuat şöbəsinin əməkdaşı




 
Bölməyə aid digər xəbərlər
07.04.2020
Heydər Əliyev Mərkəzindən İrana dəstək
07.04.2020
Ölkə Prezidentinin növbəti humanist addımı
07.04.2020
Xüsusi karantin rejimi uzansa, birdəfəlik ödəmələr davam etdiriləcək
07.04.2020
Əfv olunan şəxslər iki həftəlik istirahət mərkəzinə yerləşdirilir
07.04.2020
Psixoloji yardıma ehtiyacı olan vətəndaşlar FHN-in “112” “qaynar xətt”inə müraciət edə bilərlər

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11498

1 “300 minə yaxın işçinin əməkhaqqısının 50 faizə qədərinin dövlət tərəfindən dəstəklənməsi nəzərdə tutulur”
2 Türkiyədə azan vaxtı çəkilən bu video heyrətə gətirdi-VİDEO
3 “Dövlət tərəfindən iqtisadiyyatın sabitləşməsi üçün bütün lazımi addımlar atılır”
4 İtaliyada koronavirusdan 5 nəfər ölüb, qalanları isə...
5 Prezident Bakı-Sumqayıt yolunda görülən işlərlə tanış olub YENİLƏNİB


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info