“Hətta bəzi insanlar deyiblər ki, səfirlik bağlanacaq”
Tarix: 24.04.2014 | Saat: 18:10:00 | E-mail | Çapa göndər


“Bakıda Viza Müraciət Mərkəzinin açılması Azərbaycan və Böyük Britaniya vətəndaşları arasında əlaqələrin daha da möhkəmləndirilməsi üçün növbəti addımdır”. Məlumata görə, bunu Böyük Britaniyanın Azərbaycandakı səfiri İrfan Siddiq Mərkəzin açılış mərasimində bildirib.
Səfir qeyd edib: "Biz Azərbaycan vətəndaşlarının Britaniyaya daha asan, daha rahat səyahət etməsini təmin etmək istəyirik. Başa düşürəm ki, bununla bağlı bəzi anlaşılmazlıqlar da olub. Hətta bəzi insanlar deyiblər ki, səfirlik bağlanacaq, viza almaq mümkün olmayacaq, viza almaq üçün başqa ölkəyə getmək lazım gələcək. Amma bunlar həqiqəti əks etdirmir. Prosedurada heç nə dəyişilmir. Sadəcə Britaniya səfirliyi əvəzinə siz bu böyük və rahat ofisə gəlirsiniz, burada viza üçün sənədlərinizi təqdim edirsiniz. Bu mərkəzdə sənədlərin təqdim olunması prosesi daha rahatdır".
İ.Siddiq bildirib ki, bu mərkəzdə səfirliklə müqayisədə daha çox sənəd qəbul etmək mümkündür. Onun sözlərinə görə, bu yeni mərkəz Azərbaycan vətəndaşlarına daha keyfiyyətli xidmət göstərmək məqsədilə yaradılıb: "Böyük Britaniya hökuməti Azərbaycan vətəndaşlarına və Britaniyaya səfər etmək istəyən hər kəsə rahat xidmət göstərmək istəyir. Bu xidmətlər operativ göstəriləcək".
Vizanın alınması vaxtına gəlincə, səfir bildirib ki, bu müddət 15 iş günü təşkil edir.
Onun sözlərinə görə, Azərbaycandan Britaniyaya səfər edənlər çoxdur: "Biz istəyirik ki, səyahət edənlərin sayı daha da artsın. Әsas onu qeyd edim ki, heç bir şey dəyişilmir. Әksinə, viza almaq daha da asanlaşır".
Britaniya Sərhəd Agentliyi Viza və Miqrasiya Mərkəzinin nümayəndəsi Kris Veyt (Chris Waite) açılış mərasimində bildirib: "Qlobal kontekstə baxanda biz bu modeli bütün dünyada tətbiq edirik. Viza mərkəzləri müxtəlif ölkələrdə mövcuddur".
Viza müraciətləri barədə qərar Böyük Britaniya Vizaları və İmmiqrasiya Agentliyinin İstanbuldakı mərkəzi tərəfindən verilir.
Qeyd edək ki, 2014-cü ilin aprel ayından etibarən Britaniya vizası üçün sənədlərin qəbulu "Teleperformance Ltd" beynəlxalq özəl şirkəti tərəfindən həyata keçirilir.
Tural




 
Bölməyə aid digər xəbərlər
27.11.2020
“France-24” Füzulidən reportaj hazırladı – VİDEO
27.11.2020
ATƏT Qarabağda bundan sonra hansı rol oynaya bilər? - Təşkilatdan açıqlama
27.11.2020
Azərbaycan və İtaliya XİN rəhbərləri bölgədəki son vəziyyəti müzakirə ediblər
26.11.2020
Milli Məclisin Fransa Senatının qətnaməsi ilə bağlı etiraz bəyanatının tam mətni açıqlandı
26.11.2020
Fransa bəyan etdi: “dqr”i tanımırıq!

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11910

1 “Qreçka“, yoxsa düyü – Hansını çox yeməlisiz?
2 Öküz ili bürclərə nə vəd edir?
3 Kinorejissor Rasim Ocaqovun xatirəsi anılıb
4 İşğaldan azad edilən rayonlarda turizm necə təşkil olunacaq? - Agentlik açıqladı
5 Minsk qrupu uzunmüddətli və dayanıqlı həll üzrə danışıqlara kömək göstərməlidir - Almaniya səfiri


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info