BSU-da Xankəndi həqiqətləri yad edildi
Tarix: 25.04.2014 | Saat: 02:18:00 | E-mail | Çapa göndər


Bakı Slavyan Universitetində “Xankəndi” məcburi köçkünlərə dəstək İctimai Birliyi, Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi ilə “Xankəndi köçkünlərindən o yerlərin tarixinə, mədəniyyətinə aid fotoların, sənədlərin toplanması və səyyar sərgilərin keçirilməsi” layihəsi çərçivəsində tədbir keçirildi.
Tədbiri giriş sözü ilə açan BSU-nun rektoru, prof. A.A.Hacıyev qonaqları, iştirakçıları salamladıqdan sonra Azərbaycanın gözəl guşələrindən biri, Qarabağın mərkəzi sayılan Xankəndinin işğalından ürək ağrısı ilə danışdı. Dağlıq Qarabağ məsələsinin bütün Azərbaycan xalqının problemi olduğunu vurğulayan rektor ermənilərin Vətənimizə, dinc əhalimizə qarşı törətdikləri vəhşilikləri unutmamağa çağırdı. Xankəndinin işğaldan azad olmasının uzaqda olmadığını söyləyən professor Asif Hacıyev Azərbaycan Respublikasının mürəkkəb regionda yerləşməsinə baxmayaraq, dünya miqyasında özünəməxsus yer tutmasının, öz nüfuzu olan, öz sözünü deməyi bacaran bir dövlət kimi tanınmasının sevindirci hal olduğunu bildirdi. O, Qarabağla bağlı bir sıra kitabların BSU müəllim və tələbələri tərəfindən müxtəlif dillərə tərcümə olunduğunu fərəh hissi ilə nəzərə çatdırdı.
Adı çəkilən QHT-nin ilk tədbirinin məhz BSU-da keçirildiyini vurğulayan 122 saylı Xankəndi seçki dairəsindən seçilmiş millət vəkili Flora Qasımova bu şəraiti yaratdıqlarına görə universitetin rəhbərliyinə minnətdarlığını bildirdi: “Bu tipli tədbirlərin keçirilməsində məqsədimiz gənclərimizə milli vətənpərvərlik hisslərinin aşılanması, Xankəndi və digər düşmən tapdağı altında olan torpaqlarımızın həqiqətlərinin geniş formada təbliğ olunmasıdır”.
Keçmiş Dağlıq Qarabağ Muxtar Vilayətinin daxili işlər idarəsinin rəis müavini, polis polkovniki, BSU-nun dos. Sadir Məmmədov, Xocalı Soyqırımını Tanıtma İctimai Birliyinin sədri Şamil Sabiroğlu, Erməni Təcavüzünü Tanıtma Birliyinin sədri Səriyə Müslümqızı, “Sağlam İnkişaf və Maarifləndirmə” İctimai Birliyinin sədri Anar Xəlilov, Bakı Slavyan Universitetinin 4-cü kurs tələbəsi Aytən Süleymanova bu tədbirin keçirilməsinə yüksək qiymət verərək, əsrlərdən bəri Azərbaycan xalqına qarşı erməni daşnaklarının törətdikləri soyqırımlardan danışan çıxışçılar, Prezident İlham Əliyevin səyi nəticəsində Azərbaycanın ərazi bütövlüyünün bərpa olunacağını, üçrəngli bayrağımızın tezliklə Xankəndində dalğalanacağını və belə tədbirlərin Qarabağda keçiriləcəyi günün uzaqda olmadığını əminliklə vurğuladılar.
İlkin




 
Bölməyə aid digər xəbərlər
23.03.2019
Bakıda güclü külək, rayonlarda qar gözlənilir
23.03.2019
Ölkə ərazisində sabaha olan hava proqnozu açıqlanıb
23.03.2019
Gəncə-Bakı reysinə dəyişiklik: əlavə sərnişin qatarı ayrılır
23.03.2019
Ölkəmizdə meyvə məhsullarına olan tələbat əsasən yerli istehsal hesabına ödənir
21.03.2019
Abşeronlular Novruz bayramını əsgərlərlə bir yerdə qeyd ediblər

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Azərbaycan xalqı zəngin mədəniyyətə sahibdir
4 Yuliya Naçalova vəfat edib
5 İraqda bərə qəzaya uğrayıb: 71 ölü


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info