Qarabağın “müstəqilliyi“ni nəzərdə tutan qətnamə layihəsi pislənib
Tarix: 25.04.2014 | Saat: 17:52:00 | E-mail | Çapa göndər


ABŞ-ın Kaliforniya ştatında yaşayan azərbaycanlı icma fəalları Kaliforniya Ştat Assambleyasının üzvü Mayk Qatto (Mike Gatto) tərəfindən irəli sürülən qondarma "Dağlıq Qarabağ Respublikası"nın "müstəqilliyi"ni nəzərdə tutan AJR 32 saylı qətnamə layihəsini pisləyiblər.
Azərbaycanlı icma fəallarının verdiyi məlumata görə, Kaliforniya ştatının həm şimal, həm də cənub regionlarında yaşayan soydaşlarımızın iştirakı ilə "Azərbaycanın Müdafiə Günü" (Azerbaijani Advocacy Day) devizi altında Kaliforniya parlamentində keçirilən görüşlərdə hazırda Assambleyanın gündəliyində duran bu qətnamə layihəsinin qəbuledilməz olduğunu vurğulanıb. Onlar bunun erməni lobbisi tərəfindən atılmış növbəti məkrli addım olduğunu diqqətə çatdırıblar. Soydaşlarımız Ermənistanın Azərbaycana qarşı yeritdiyi təcavüzkarlıq siyasəti, o cümlədən regionda baş verən siyasi-iqtisadi proseslər barədə qanunverici orqanın nümayəndələrinə məlumat verərək, sözügedən qətnamə layihəsinin Azərbaycan-ABŞ tərəfdaşlığının ruhuna zidd olduğunu bildiriblər. Azərbaycanın prinsipial xarici siyasət həyata keçirdiyi, etibarlı tərəfdaş kimi beynəlxalq aləmdə böyük nüfuz qazandığı, öz iqtisadi qüdrəti ilə yerləşdiyi regiona daha böyük töhfələr vermək potensialına malik olduğu vurğulanaraq, Ermənistanın işğalçı siyasətinin regionda sülh və sabitliyin inkişafına maneə törətdiyi qeyd olunub. Üstəlik, AJR 32 saylı qətnamə layihəsi kimi təşəbbüslərin Ermənistanın təcavüzkar niyyətlərinə cəsarət verdiyi, region xalqları arasında nifaqın güclənməsinə xidmət etdiyi bildirilib. Erməni lobbisinin ABŞ-da, xüsusilə də Kaliforniyada qərəzli, antiazərbaycan fəaliyyətinin davam etdirilməsinə imkan verilməsinin yolverilməz olduğu, bu səpkidə ştat qanunvericilərinin belə hallara qarşı daha diqqətli olmalarının vacib olduğu qeyd olunub. Ermənistan-Azərbaycan münaqişəsinin sülh yolu ilə həll olunmasına çalışan Minsk qrupunun tərkibində təmsil olunan və Azərbaycanın ərazi bütövlüyünü açıq şəkildə tanıyan ABŞ-da yerli səviyyədə belə bir qətnamə layihəsinin irəli sürülməsinin tamamilə məntiqsiz və anlaşılmaz olduğu vurğulanıb.
Görüşlər zamanı ştat qanunvericiləri və onların əməkdaşları ilə Azərbaycan-ABŞ münasibətləri, Ermənistan-Azərbaycan münaqişəsi və digər qarşılıqlı maraq doğuran məsələlər barədə fikir mübadiləsi aparılıb.
Öz növbəsində, kaliforniyalı qanunvericilər azərbaycanlı icma fəallarına verdikləri geniş məlumat üçün təşəkkür edərək, Azərbaycan-ABŞ münasibətlərinin böyük önəm daşıdığını, Azərbaycan tərəfindən həyata keçirilən genişmiqyaslı layihələrin regionun inkişafına və beynəlxalq əməkdaşlığa əvəzolunmaz töhfələr verdiyini bildiriblər.
Xatırladaq ki, sözügedən qətnamə layihəsinin müəllifi M.Qatto 2010-cu ildən Ştat Assambleyasında ermənilərin sıx yaşadığı Los Anceles şəhərinin 43-cü dairəsini təmsil edir. Kaliforniya Dövlət Katibliyinin rəsmi məlumatına əsasən, 2009-cu ildən etibarən M.Qattonun seçki kampaniyalarına erməni icması tərəfindən on minlərlə dollar həcmində ianələr köçürülüb.
Tural




 
Bölməyə aid digər xəbərlər
20.11.2018
“Cümhuriyyət 100 il” adlı rəsm müsabiqəsinə yekun vurulub
20.11.2018
İnzibati məsuliyyətə cəlb edilən piyadaların sayı 100 mini ötüb
20.11.2018
AMEA-da Cümhuriyyət tarixinə dair dəyərli elmi-tədqiqat işləri aparılır
20.11.2018
Qloballaşma şəraitində milli dəyərlərimizin konfiqurasiyasının dəyişdirilmə təhlükəsi
20.11.2018
Aysel Fərziyeva yeni vəzifəyə gətirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info