Əcnəbilər Çinin əmək bazarından dəyişikliklər gözləyir?
Tarix: 07.05.2014 | Saat: 01:59:00 | E-mail | Çapa göndər


Əhalisinin sayına görə dünyada liderlik edən Çində xarici vətəndaşlara iş tapmaq üçün yaxşı şans mövcuddur. «Expat Explorer Sorğu» təşkilatının illik araşdırmalarına görə, Çin, son illər ekoloji problemləri və iqtisadi artımda yavaşlamasına baxmayaraq, əcnəbilərin işləyib-yaşaması üçün ən yaxşı ölkə hesab edilib.
Yeri gəlmişkən, xatırladaq ki, Rusiya bu sorğuda yeddinci yerdə göstərilib. Ölkənin turizm idarəsinin hesablamalarına görə, Çinin bu üstünlüyə nail olmasında rusların da xidməti olduğu etiraf edilir. Belə ki, Çinə iş üçün gələn miqrantların 8,4%-ni (269.000 min nəfər) ruslar təşkil edib. Beləliklə, ruslar Filippin (622.700 nəfər) və Cənubi Koreyadan (386,000) sonra Çində əmək təchizatını təmin edən ölkələr sırasında üçüncü sırada qərarlaşır.
Qeyd edək ki, əvvəlki illərdə, konkret olaraq 2012-ci ildə Çində ruslar əcnəbi miqrantların 9.7% -ni təşkil edirdi və onlar koreyalılardan sonra ikinci ən böyük işçi qüvvəsini təşkil edirdilər.
Son illər ölkədə əmək şərtləri ruslara qarşı dəyişdirilibmi? Etiraf etmək lazımdır ki, bu, çox mürəkkəb bir prosesdir.
“Bu gün ən bacarıqlı çinli tələbələr xaricdə təhsil almağa meyillidirlər. Onlar təhsillərini başa vurub geri dönərkən, yerli şirkətlər xarici mütəxəssislərdən çox onlara üstünlük verirlər. Bu səbəbdən ölkədə işləyən xarici vətəndaşın ali təhsil müəssisələrində iş tapmasına çətinlik yaradır”. Bunları artıq 6 ildir ki, Rusiyadan gələrək musiqi təhsili verən Qalina deyir: “Mənim işimin həcmi 3-4 il əvvəl ilə müqayisədə iki dəfə azalıb və bu, mənim aylıq gəlirimə də təsirsiz ötməyib”.
Yerli universitetlərdən birində rus dilindən dərs deyən Qalinanın adaşı olan müəllimə iş üçün müraciət edən namizədlərə tələblərin əvvəlki illərlə müqayisədə artırıldığını bildirir: “Çin universitetlərində rus dili müəllimi kimi işləmək üçün nəinki təcrübə, eyni zamanda elmi dərəcə də tələb olunur”.
Xatırladaq ki, beş-altı il əvvəl Çinin bölgələrdəki ali məktəblərinə ali təhsilli xarici müəllimləri işə götürərkən, onlardan ixtisaslaşma profili tələb olunmurdu. Bununla belə, əyalətlərdəki ali məktəb müəllimlərinin aylıq məvacibi 5000- 6000 yuan arasındadır.
Daha bir problem. Çində fəaliyyət göstərən Rusiya şirkətlərindən birinin filialında çalışan işçi bildirir ki, bizim işçilər üçün əvvəllər vizalar bir il üçün verilirdi. İndi onların vizaları altı aya endirilib. Bununla yanaşı, sənədlərin yenilənməsi zamanı, şirkətə əlavə işçi qəbul edərkən əlavə sənədlər tələb edilir.
Bütün bunlarla yanaşı, ölkənin sənaye sektorunda xarici miqrantlar üçün iş tapmaq asandır. Əsasən də, xarici şirkətlərdə mühəndis kimi çalışmaq yaxşı gəlir gətirir, «Expat Explorer Sorğu» təşkilatının hesablamasına görə, Çində belə peşə sahiblərinin illik əməkhaqqı 74 min dollardan artıq olur.
Yekun kimi qeyd edək ki, bütün müsbət və mənfi cəhətləri analiz edən rusiyalı müəlliməyə görə, Çinə ilk gələn əcnəbi vətəndaş üçün bu həyata alışmaq çox çətindir.
Ağasəf Babayev




 
Bölməyə aid digər xəbərlər
18.07.2019
Ağ Ev: Ankaranın S-400 sistemlərini almaq qərarı onun F-35 proqramında iştirakını mümkünsüz edir
17.07.2019
BMT Yəməndə döyüşən tərəfləri mülki vətəndaşları qorumağa çağırdı
17.07.2019
Türkiyə HHQ İraqın şimalında 7 terrorçunu zərərsizləşdirib
17.07.2019
Türkiyə Prezidenti “Twitter” səhifəsində Ərbildəki mənfur hücumu pisləyib
17.07.2019
İranda tayfalar bir-birini qırdı

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10830

1 Rostovun tarixinə düşən azərbaycanlı qız
2 “4-cü qrupa hazırlaşan hər bir abituriyentin arzusu həkim olmaqdır”
3 Mehriban Əliyeva Yalçın Rzazadə ilə bağlı tapşırıq verdi
4 Nə “Qurani-Kərim“, nə “İncil“, nə də “Tövrat“ insanları savaşa çağırır
5 Dünya brendi olmağı hədəfləyən azərbaycanlı gənc


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info