Robot proqramlaşdırmaqla bağlı müsabiqənin qalibləri bəlli oldu
Tarix: 07.05.2014 | Saat: 19:15:00 | E-mail | Çapa göndər


Qafqaz Universiteti İKT Elmi Tədqiqat Mərkəzinin təşkil etdiyi ümummilli lider Heydər Əliyevin anadan olmasının 91-ci ildönümünə həsr olunmuş AzRoboHack - I Respublika Robot Proqramlaşdırma yarışı sona çatıb.
Layihənin məqsədi respublikada universitet tələbələrinin potensialını ortaya çıxarmaq, tələbələrin az vaxtda çox iş görmək bacarığını inkişaf etdirmək, tələbələrin robototexnikaya olan marağını artırmaqdır. Müxtəlif sahələrdə innovativ yanaşmaları ilə fərqlənən Qafqaz Universiteti və QU İKTETM bu layihə ilə Azərbaycanda bir ilkə imza atıb.
AzRoboHack müsabiqəsinə 14 aprel tarixində start verilib. 27 aprelə qədər davam edən qeydiyyat mərhələsində Qafqaz Universiteti, Azərbaycan Dövlət Neft Akademiyası, Azərbaycan Texniki Universiteti, Bakı Dövlət Universiteti və digər universitet tələbələrindən 55 komanda qeydiyyatdan keçmişdir. Qeydiyyatdan keçmiş komandaları müqayisə etmək və layiq olanları seçmək üçün komandalar bir neçə mərhələdə seçimlərdə iştirak etmişlərdir.
Öncə 28-29 aprel tarixlərində qeydiyyatdan keçmiş komandalar E-olimp veb səhifəsində təşkil olunmuş AzRoboHack 1 və AzRoboHack 2 online müsabiqələrində öz proqramlaşdırma biliklərini sübut etməyə çalışıblar. Bu mərhələyə 43 komanda qatılmağa razılıq verib və bu komandalardan 34-ü online seçim müsabiqəsində iştirak edib.
Növbəti mərhələdə öncədən təyin olunmuş keçid balını (1000 bal) keçən 21 komanda online və ya canlı müsahibə mərhələsində iştirak ediblər. Bu mərhələdə iştirakçıların robototexnika sahəsindəki biliklərinin ölçülməsi üçün suallar verilib və bu sahəyə olan maraqlarına önəm verilib. Müsahibə nəticəsində 10 komanda final mərhələsinə vəsiqə qazanıb.
3-4 may tarixlərində keçirilən təlimlərdə finalçılara, online seçim mərhələsində xüsusilə fərqlənən digər komandalara və İKTETM-in davamçılarına robototexnika, LEGO Education Set istifadə etməklə robot prototiplərinin hazırlanması və proqramlaşdırılması, leJOS, leJOS mühitində və vizual mühitdə LEGOların proqramlaşdırılması və digər mövzularda təlimlər keçirilib.
Finalçı komandalar təlimlərdə əldə etdikləri bilikləri 5-6 may tarixlərində keçirilən final mərhələsində istifadə edərək öz layihələrini həyata keçirib, yarış mükafatçıları sırasına düşmək üçün mübarizə aparıblar. Nəticədə aşağıdakı komandalar qalib gələrək mükafat qazanıblar: Birinci yer - Huggies komandası, mükafat 500 AZN,
ikinci yer - BDU-Tətbiqçi komandası, mükafat 300 AZN, üçüncü yerlər - RoboOlimp və Crerobotative komandaları, mükafat hər bir komandaya 200 AZN.
Müsabiqədə iştirak edən digər komandalar iştirakçı sertifikatı ilə təltif olunublar. Yekun olaraq bütün iştirakçı komandalar İKT Elmi Tədqiqat Mərkəzinin gələcək layihələrinə qoşulmağa dəvət olunublar.


İlkin




 
Bölməyə aid digər xəbərlər
23.04.2019
Yusif Babanlı İTV Yayım Şurasına yeni üzv seçilib
23.04.2019
“Formula-1” Azərbaycan Qran-prisi telekommunikasiya xidmətləri ilə tam təchiz edilib
23.04.2019
Builki yarış “Formula 1 SOCAR Azərbaycan Qran-Prisi-2019” adı altında keçiriləcək
23.04.2019
İTV-nin Yayım Şurasına yeni üzvlər seçildi
22.04.2019
Qazaxın Məzəm kəndində düşmən atəşindən qorunmaq üçün istinad divarı çəkilir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10757

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info