Pərviz Məmmədov: “Səyahət turları müqavilə ilə satılmalıdır”
Tarix: 12.05.2014 | Saat: 17:44:00 | E-mail | Çapa göndər


CLC hüquq şirkətinin direktoru Pərviz Məmmədovun qəzetimizə müsahibəsini təqdim edirik.
- Pərviz müəllim, vətəndaşlar səyahət seçərkən və tur alarkən, turizm şirkətlərinin özü və müqavilə ilə bağlı hansı məsələlələrə diqqət yetirmək lazımdır ki, sonradan pis vəziyətdə qalmasınlar?
- İlk növbədə turu təklif edən şirkətin fəaliyyəti ilə maraqlanmaq lazımdır. İnternet resurslarından istifadə edərək bunu çox rahatlıqla etmək mümkündür. Və seçimi də artıq müəyyən bir dövr ərzində xidmət göstərən müsbət reputasiyası olan şirkətlər arasında aparmaq lazımdır. Daha sonra yaxşı olar ki, 2-3 şirkətdən eyni turla bağlı təklif alsınlar və eyni zamanda şirkətin lisenziyasını təqdim etməyi xahiş etsinlər. Turun əhatə etdiyi dövlət və ya dövlətlərin qanunları, yerli adət və ənənələri barədə, tur müddəti ilə üst-üstə düşən hər hansı yerli proseslər barədə məlumat əldə etsinlər. Bizim qanunvericliklə və adət-ənənələrlə üst-üstə düşməyən və nəticədə orada mənfi reaksiyaya səbəb ola biləcək məsələləri maraqlansınlar.
- Səyahət müqaviləsi bağlamağa münasibətiniz necədir?
- Bildiyiniz kimi, "Turizm haqqında" qanuna əsasən, turizm məhsulu, o cümlədən turlar müqavilə əsasında satılmalıdır və bu müqavilə yazılı formada bağlanmalıdır. Qanunvericiliyə görə, əgər müqavilə tələb olunan qaydada, yəni bu halda yazılı qaydada bağlanmayıbsa, o halda etibarsız sayılır. Bu baxımdan müqavilə birmənalı olaraq bağlanmalıdır və turizm xidmətinin alıcısı, istehlakçısı mütləq həmin müqavilənin bir nüsxəsini özündə saxlamalıdır.
- Bu müqavilədə hansı məsələlər göstərilməlidir?
- Müqavilədə göstərilməli olan məsələlər qanunla müəyyən edilib. Bura turizm şirkəti, onun lisenziyası, hüquqi ünvanı və bank rekvizitləri barədə məlumatlar, səyahətin proqramı və marşrutu, turistlərin təhlükəsizlik şərtləri aiddir. Bundan başqa, müqavilədə səyahətin başlanması və qurtarması vaxtı və onun ümumi müddəti, turistlərin qarşılanması, yola salınması və müşayiət olunması qaydası, tərəflərin hüquqları, vəzifələri və məsuliyyəti aiddir. Eləcə də müqavilədə turizm məhsulunun qiyməti və ödəniş qaydası forması, qrupda turistlərin minimal sayı, qrup üzvlərinin çatışmazlığı üzündən səyahətin olmayacağı barədə turistin məlumatlandırılması müddəti, müqavilənin dəyişdirilməsi və pozulması şərtləri, dəymiş ziyanların ödənilməsi qaydası və s. kimi məsələlər aiddir.
- Azərbaycanlı turistlər səyahət müqaviləsi bağlamağa maraq göstərirlərmi? Niyə?
- Əlbəttə, turistlər bunda maraqlıdırlar, lakin təəssüf ki, bəzi turizm şirkətləri bu məsələyə ciddi yanaşmırlar və nəticədə bir çox mübahisələr yaranır. Hətta məhkəmə mübahisələrinə də səbəb olur. Daha əvvəl də qeyd etdiyim kimi, müqavilənin bağlanması birbaşa qanunun tələbidir və qanunun pozulması da turizm şirkətləri üçün ciddi sanksiyalara gətirib çıxara bilər. Müqavilə bağlanması həm də öz növbəsində şirkətin öz fəaliyyətinə peşəkar yanaşmasının bir göstəricisidir.
- Bu müqavilə standart olur, yoxsa, müştərilərin istəyi ilə bura hansısa əlavələr və ya dəyişikliklıər edilə bilər?
- Müqavilələr adətən standart olur lakin, müştərinin haqlı tələbləri olduqda bunları müqaviləyə daxil edirik.
- Səyahətə gedənlər xarici ölkələrdə ən çox hansı hüquqi problemlərlə rastlaşırlar?
- Burada ən müxtəlif məsələlər olur. Miqrasiya problemləri olur, avtomobil icarəsi ilə bağlı məsələlər olur, müxtəlif aviaşirkətlərin xidmətləri ilə bağlı çətinliklər olur.
- Məsələn, xaricdə hansısa qadağanı bilməyərəkdən pozduqda polislə problem yaranırmı? Belə hallar bas verirmi?
- Bəli təəssüf ki, bu cür hallar da baş verir, buna görə biz turizm şirkətlərinə həmişə tövsiyə edirik ki, turistləri qabaqcadan ətraflı məlumatlandırsınlar. Bu məsələ müxtəlif dövlətlərin qanunvericiliyndə müxtəlif formalarda tənzimlənir. Bizim turistlərin ən çox səyahət etdikləri dövlətlərdə fəaliyyət göstərən hüquq şirkətləri ilə əməkdaşlıq sazişlərimiz mövcuddur və bu cür hallarda biz ordakı həmkarlarımızın dəstəyindən istifadə etməyə çalışırıq.

Qorqud




 
Bölməyə aid digər xəbərlər
15.11.2018
Nağdəli Zamanov: “Aşıq Şəmşir Miskin Abdalın layiqli davamçılarından biridir”
13.11.2018
“Xaricdə təhsilimi davam etdirsəm, psixologiya sahəsini seçəcəyəm”
13.11.2018
“Biz övladlarımıza Azərbaycan dilini öyrədirik ki, onlar öz milli köklərini unutmasınlar”
12.11.2018
Norveçin Bakıda səfirliyinin fəaliyyətini dayandırması sıradan olan adi bir haldır
09.11.2018
Azərbaycan Prezidentinin rəhbərliyi ilə uğurlu xarici siyasət fəaliyyəti həyata keçirilir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10481

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info