“The Nation”: “Ukraynada gərginliyin artması yeni silahlanma yarışına səbəb ola bilər”
Tarix: 12.05.2014 | Saat: 22:03:00 | E-mail | Çapa göndər


ABŞ-ın “OpEdNews.com” media qurumu Ukraynada baş vermiş dövlət çevrilişi ilə bağlı maraqlı yazı yazıb. Yazıda qeyd edilir ki, Ukraynanın seçki yolu ilə formalaşmış hakimiyyətini devirməyə səbəb olan Obama Rusiya ilə təhlükəli və baha başa gələn soyuq müharibəni yeniləyib: “Bu müharibə isə bizim planetdə həyatı təhdid edir. Bu prezident altı ölkəni - Liviyanı, Yəməni, Somalini, Pakistanı, Əfqanıstanı və İraqı bombalamağa məruz qoyandan sonra Rusiyaya qarşı müharibə törətməyə cəhd edir.
Avropa və Avrasiya üzrə dövlət katibinin müavini Viktoriya Nuland dekabrın 13-də Vaşinqtondakı konfransda bəyan edib ki, 1991-ci ildən ABŞ Ukraynaya “demokratiyanın yaxşı formasının” bərqərar olması üçün 5 milyard dollar pul ayırıb. “Global Research”də dərc olunmuş məqaləsində Bill van Auken ABŞ-ın Ukraynada kömək etdiyi, fevralda çevrilişlə güclü mövqe qazanmış “Sağ sektor” və “Azadlıq” partiyalarını “yaxşı demokratlar” kimi qeyd edir.
“Institute For Political Economy”dən olan Pol Kreyq Roberts yazır ki, ABŞ-ın hazırkı böhranda məqsədi ”soyuq müharibənin yenidən başlanması” ilə bağlıdır: “Birləşmiş Ştatlar istəyir ki, Rusiya hakimiyyətini bugünkü Ukraynanın rusdilli əhalisinin yaşadığı rayonları işğal etməyə məcbur etsin. Orada etirazçılar amerikan çevrilişindən sonra Kiyevdə bərqərar olmuş antirus hakimiyyətinə qarşı çıxış edirlər”.
“The Nation” yazır ki, gərginliyin güclənməsi yeni silahlanma yarışına səbəb ola bilər: “Obama isə özünün təxribat xarakterli bəyanatı ilə bu perspektivi daha da gücləndirir. Belə ki, o bildirib: “Bizim nüvə güclərimiz Rusiyanınkını çox geridə qoyub”.
İllinoys Universitetindən Rusiya üzrə mütəxəssis professor Frensis Boyl deyir ki, ABŞ və NATO Ukraynanın destabilləşməsinə və parçalanmasına çalışırlar ki, özlərinin NATO ilə bağlı məqsədlərinə çatsınlar və Rusiya yaxınlığındakı Ukrayna torpaqlarına girsinlər.
O qeyd edir ki, Birləşmiş Ştatlar çoxdandır, Ukraynanı NATO-ya bağlamağa çalışır”.
Qeyd edək ki, yazıda digər başqa ekspertlərin də bu səpkidən fikir və mövqeləri sitat gətirilir.

İlkin AĞAYEV




 
Bölməyə aid digər xəbərlər
15.09.2019
Özbəkistan da Türk Keneşinə qoşulur
13.09.2019
Ermənistan ordusunda intihar
13.09.2019
Rusiyada müxaliflərin ev və ofislərində axtarış edilib
13.09.2019
“Rusiya Ermənistanın suverenliyini tanımaq niyyətində deyil”
13.09.2019
Rusiya ABŞ dollarından imtina edir

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10886

1 Tələbələrə Prezident təqaüdünün verilməsi haqqında Sərəncam imzalandı
2 Prezident İlham Əliyev AŞPA-nın prezidentini qəbul edib
3 Müəllimlərin dərs yükü norması artırıldı
4 Daxili İşlər nazirindən yeni təyinat
5 Prezident təqaüdü alacaq tələbələrin yarısı regionların payına düşür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info