Azərbaycan və Toqo gömrük əməkdaşlığıyla bağlı saziş imzalayıblar
Tarix: 13.05.2014 | Saat: 21:17:00 | E-mail | Çapa göndər


Azərbaycan və Toqo hökumətləri arasında gömrük əməkdaşlarının potensialının gücləndirilməsi sahəsində qarşılıqlı yardım haqqında saziş imzalanıb.
Dövlət Gömrük Komitəsinin (DGK) mətbuat xidmətindən verilən məlumata görə, Azərbaycan və Toqo gömrük xidmətləri arasında əməkdaşlığın inkişaf etdirilməsi məsələlərini müzakirə etmək məqsədilə Dövlət Gömrük Komitəsinin sədri, gömrük xidməti general-leytenantı Aydın Əliyevin başçılıq etdiyi nümayəndə heyəti bu ölkəyə səfər edib.
Səfərin ilk günü A.Əliyevlə Toqo Gömrük və Vasitəli Vergilər Komissarlığının baş komissarı Kodjo Adedze arasında görüş keçirilib.
Yarandığı tarixdən bəri əldə edilən nailiyyətlərlə yanaşı, ölkəsinin gömrük xidməti olaraq dövrün tələbatlarına çətinliklə cavab verə bildiklərini nəzərə çatdıran baş komissar bu sahədə Azərbaycan gömrük xidmətinin dəstəyinə ehticay duyduqlarını vurğulayıb və bu səbəbdən edilən səfərə görə öz dərin təşəkkürünü bildirib.
Öz növbəsində, DGK sədri A.Əliyev hazırkı səfərin də ölkələrimizin gömrük xidmətləri arasında beynəlxalq müstəvidə əməkdaşlığın inkişaf etdirilməsinə və prespektiv məsələlərin öz müsbət həllinin tapmasına töhfə verəcəyinə əminliyini ifadə edib.
Azərbaycan Gömrük Xidməti nümayəndə heyətinin Toqoya səfərinin Azərbaycan xalqının ümummilli lideri Heydər Əliyevin anadan olmasının 91-ci ildönümü ərəfəsinə təsadüf etdiyini diqqətə çatdıran komitə sədri onu da vurğulayıb ki, ulu öndər hər zaman gömrük xidmətinin beynəlxalq əlaqələrinin genişləndirilməsi və inkişaf etdirilməsinə xüsusi önəm verib.
Görüş zamanı qarşılıqlı maraq doğuran bir sıra məsələlər müzakirə edildikdən sonra "Azərbaycan Respublikası Hökuməti və Toqo Respublikası Hökuməti arasında gömrük əməkdaşlarının potensialının gücləndirilməsi sahəsində qarşılıqlı yardım haqqında Saziş" hər iki ölkənin nümayəndə heyətləri tərəfindən paraflanıb.
Görüşdən sonra Azərbaycan Dövlət Gömrük Komitəsi adından bu ölkənin gömrük xidmətinə noutbuklar və planşetlər hədiyyə edilib. Daha sonra Azərbaycan Dövlət Gömrük Komitəsi adından hədiyyə edilən iki kinoloji xidmət itinin narkotik vasitələrin axtarışı üzrə təqdimatı keçirilib, axtarış itləri bu ölkənin gömrük xidmətinə təhvil verilib.
Mərasimdən sonra hər iki ölkənin gömrük xidmətləri rəhbərləri kütləvi informasiya vasitələri qarşısında bəyanatlarla çıxış ediblər.
Toqo Gömrük və Vasitəli Vergilər Komissarlığının baş komissarı K.Adedze Azərbaycan Gömrük Xidməti tərəfindən ölkəsinin analoji qurumuna edilən davamlı yardımlara, xüsusilə narkotik vasitələrin axtarışı üzrə təlim keçmiş kinoloji xidmət itlərinin təhvil verilməsinə görə öz dərin təşəkkürünü bildirib, ölkələrimiz arasında qarşılıqlı əməkdaşlığın daha da dərinləşəcəyinə əminliyini ifadə edib.
Azərbaycan Dövlət Gömrük Komitəsinin sədri A.Əliyev, öz növbəsində, iki ölkənin gömrük xidmətləri arasında əməkdaşlığın tarixinə toxunaraq xatırladıb ki, Ümumdünya Gömrük Təşkilatının sessiyası çərçivəsində toqolu həmkarları Azərbaycan tərəfinə gömrük sahəsində əməkdaşlıq, eyni zamanda, narkotik vasitələrin aşkarlanması sahəsində Azərbaycan Gömrük Xidmətinin təcrübəsindən yararlanmağı təklif edib və bu təklif müsbət qarşılanıb. A.Əliyev bundan sonra da hər zaman toqolu həmkarlarına yardım etməyə hazır olduqlarını bildirib.
Sonra jurnalistləri maraqlandıran suallar ətraflı cavablandırılıb.
Səfərin ikinci günü Azərbaycan nümayəndə heyəti Toqo Gəlirlər İdarəsinin baş komissarı Henri Qater ilə görüşüb. Görüşdə ölkələrimiz arasında gömrük sahəsində əməkdaşlıq və bu əməkdaşlığın gələcək prespektivləri müzakirə edilib, həmçinin qarşılıqlı maraq doğuran bəzi məsələlər ətrafında fikir mübadiləsi aparılıb.
Sonra Azərbaycan Dövlət Gömrük Komitəsinin sədri A.Əliyevin rəhbərlik etdiyi nümayəndə heyəti Toqonun iqtisadiyyat və maliyyə naziri Adji Ote Ayasor ilə görüşüb.
Qonaqları səmimiyyətlə salamlayan A.O.Ayasor Azərbaycan Respublikası ilə hökumət səviyyəsində ilk əlaqələrin məhz gömrük xidmətləri arasında baş tutmasını məmnunluqla xatırladıb və ümidvar olduğunu bildirib ki, gələcəkdə bu əlaqələr daha geniş trayektoriyanı əhatə edəcək. Eyni zamanda, Azərbaycan Gömrük Xidməti tərəfindən toqolu həmkarlarına göstərilən yardımlara görə təşəkkürünü bildirən nazir qarşılıqlı əməkdaşlıq əlaqələrinin daha da genişlənəcəyinə əminliyini ifadə edib.
A.Əliyev əsası Azərbaycan xalqının ümummilli lideri Heydər Əliyev tərəfindən qoyulan və bu gün Azərbaycan Prezidenti İlham Əliyevin rəhbərliyi altında davamlı iqtisadi inkişaf tempi ilə irəliləyən Azərbaycan Respublikasının bütün dünya dövlətləri, o cümlədən, Toqo Respublikası ilə bütün sahələrdə əməkdaşlıq əlaqələri yaratmaqda maraqlı olduğunu diqqətə çatdırıb, eləcə də iki ölkənin gömrük xidmətləri arasında əlaqələrə toxunub, bu gün imzalanacaq sazişin ölkələrimizin uyğun qurumları arasında əlaqələrin inkişafına stimul verəcəyinə və beləliklə, tərəflərin inteqrasiyasını sürətləndirəcəyinə əminliyini ifadə edib.
Görüşdən sonra "Azərbaycan Respublikası Hökuməti və Toqo Respublikası Hökuməti arasında gömrük əməkdaşlarının potensialının gücləndirilməsi sahəsində qarşılıqlı yardım haqqında Saziş"in imzalanma mərasimi keçirilib.
Sənədi Azərbaycan Dövlət Gömrük Komitəsinin sədri A.Əliyev və Toqonun iqtisadiyyat və maliyyə naziri A.O.Ayasor imzalayıblar.
Qeyd edək ki, Dövlət Gömrük Komitəsinin sədri, gömrük xidməti general-leytenantı A.Əliyevin başçılıq etdiyi nümayəndə heyətinin Toqo Respublikasına səfəri bu ölkənin aparıcı kütləvi informasiya vasitələri tərəfindən geniş işıqlandırılıb.

Tural




 
Bölməyə aid digər xəbərlər
19.09.2018
Neftçilərə yeni mənzillərin orderləri təqdim edilib
19.09.2018
Astarada keçirilən əmək yarmarkasında 45 nəfərə göndəriş vərəqəsi verilib
18.09.2018
Aşıq Hüseyn Bozalqanlının “Xalxal səfəri” dastanı belə başlayır...
18.09.2018
Biləsuvar şəhərində 1176 şagird yerlik yeni ümumtəhsil məktəbi tikiləcək
18.09.2018
Məcburi köçkünlərin növbəti qəbulu keçirilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10121

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Bu il sığorta bazarı 40 faizdən çox genişlənib, yığımlar artıb”
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info