“SABAH“ qruplarında təhsil almaq istəyən tələbələrin qeydiyyatı başladı
Tarix: 13.05.2014 | Saat: 21:41:00 | E-mail | Çapa göndər


Təhsil Nazirliyi "SABAH" qruplarında təhsil almaq istəyən tələbələrin qeydiyyatına başlayıb. Təhsil Nazirliyinin Elm və ali təhsil şöbəsinin sektor müdiri Sülhəddin Gözəlov mətbuat konfrasında bildirib ki, tələbələrin qeydiyyat müddəti mayın 31-də başa çatacaq. "SABAH" qruplarında təhsil almaq istəyən tələbələr www.sabah.edu.gov.az saytına daxil olaraq, qeydiyyatdan keçməlidirlər. Bu qruplarda oxumaq üçün yalnız 1-ci kurs və 1-ci semestrdə orta akademik göstəricisi 61-dən yuxarı olan tələbələr yalnız öz ixtisası üzrə qeydiyyatdan keçə bilərlər. "SABAH" qrupları 8 baza ali təhsil müəssisəsində 52 ixtisas üzrə formalaşacaq. Sənəd qəbulu bitdikdən sonra - iyunun 1-dən 15-dək müsabiqə və müsahibə aparılacaq və nəticədə 1300 tələbə "SABAH" qruplarına qəbul olunacaq. Həmin tələbələr II kursdan təhsillərini "SABAH" qruplarında davam etdirəcəklər.
S.Gözəlov deyib ki, "SABAH" qruplarını bitirən tələbələr baza ali təhsil müəssisəsinin diplomunu alacaqlar: "Onların diplomları digər tələbələrin diplomlarından fərqlənməyəcək. Sadəcə, diploma əlavədə həmin tələbənin "SABAH" qrupunda təhsil alması qeyd olunacaq".
Təhsil Nazirliyinin QHT və KİV-lə iş sektorunun müdiri Cəsarət Valehov deyib ki, "SABAH" qruplarının əvvəlcə dövlət ali təhsil müəsisələrinin tələbələri üçün yaradılması üçün nəzərdə tutulurdu. Lakin sonradan aparılan müzakirələrdən sonra "SABAH" qruplarında həm dövlət, həm də özəl ali təhsil müəssisələrində təhsil alan tələbələrin iştirak etməsi qərara alınıb.
Təhsil Nazirliyinin Aparat rəhbərinin müavini Yaqub Piriyev bildirib ki, "SABAH" qruplarının yaradılması təklifi ötən il müəllimlərin qurultayında təhsil naziri Mikayıl Cabbarov tərəfindən səsləndirilib və qısa müddətdə bu istiqamətdə işlər görülüb: "Ölkə iqtisadiyyatının inkişafına lazım olan kadrlar bəzən bu sürətə davam gətirə bilmir. Biz də həmin kadr potensialına olan tələbatı bu qrupların yaradılması ilə həll etmək istəyirik. Bu qrupların yaradılması əmək bazarının tələblərinə qulluq edəcək və bu istiqamətdə lazımlı kadrların hazırlanmasına şərait yaradacaq". C.Valehov deyib ki, "SABAH" qruplarında oxuyacaq aztəminatlı tələbələr yataqxana və yeməklə təmin olunacaq. Onun sözlərinə görə, Azərbaycan Memarlıq və İnşaat Universitetinin "Damla" yataqxanası Təhsil Nazirliyinin balansındadır. Həmin yataqxanada 300 tələbə yerlə təmin olunacaq.

Nigar




 
Bölməyə aid digər xəbərlər
30.03.2020
DİN: Xüsusi karantin rejiminin tələblərinin yerinə yetirilməsinə nəzarət edilir
30.03.2020
AMEA əməkdaşları əməkhaqqı saxlanılmaqla məzuniyyətə göndərilir
30.03.2020
Millət vəkili krediti olanlara 3 ay möhlət verilməsini təklif edib
30.03.2020
Azərbaycanda prokurorlara yeni səlahiyyətlər verilir
30.03.2020
Əlilliyi olan şəxslər evlərində reabilitasiya vasitələri ilə təmin ediləcək

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11486

1 “Bütün vətəndaşlar xüsusi karantin rejiminə əməl etməlidirlər”
2 Evdə qalmaq niyə vacibdir? – Rəşad Mahmudov səbəbləri açıqladı- VİDEO
3 Biləsuvar Rayon İcra Hakimiyyətinin rəsmi təkzibi
4 Həkim-fitoterapevt: “Koronavirusa qalib gəlmək üçün şəxsi gigiyena qaydalarına tam əməl edilməlidir”
5 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info