Azərbaycanda Fransanın “Danone” brendi ilə məhsullar istehsal olunacaq
Tarix: 14.05.2014 | Saat: 02:04:00 | E-mail | Çapa göndər


İqtisadiyyat və sənaye naziri Şahin Mustafayev Fransa Respublikasının Prezidenti Fransua Ollandın Azərbaycana rəsmi səfəri çərçivəsində Bakıda olan Fransanın Burqundiya regionunun Yon vilayətinin Ali Şurasının prezidenti Andre Vilyenin rəhbərlik etdiyi nümayəndə heyəti ilə
görüşüb.

İqtisadiyyat və Sənaye Nazirliyinin mətbuat xidmətindən bildiriblər ki, görüşdə nazir Şahin Mustafayev Azərbaycan və Fransa arasında əməkdaşlığın uğurla davam etdiyini vurğulamış, yüksək səviyyəli səfərlərin, imzalanan sənədlərin ikitərəfli iqtisadi münasibətlərin genişlənməsində xüsusi əhəmiyyətini diqqətə çatdırıb. Bildirilib ki, Fransa Prezidentinin Azərbaycana səfəri mühüm hadisədir və siyasi əlaqələrin yüksək səviyyədə olması iş adamları arasında işgüzar əməkdaşlığın genişləndirilməsi üçün geniş imkanlar yaradır.
Görüşdə ölkəmizdə beynəlxalq əməkdaşlığa xüsusi önəm verildiyi, Azərbaycanın dünyanın 150-yə yaxın ölkəsi ilə ticarət əlaqələrinin olduğu diqqətə çatdırılıb.
Son illərdə iki ölkə arasında əlaqələrin daha da inkişaf etdiyini vurğulayan Şahin Mustafayev yaxın vaxtlarda Fransanın “Danone” brendi ilə Azərbaycanda da məhsullar istehsal olunacağını bildirib. Diqqətə çatdırılıb ki, ölkələrimizin regionları arasında, eləcə də heyvandarlıq, kənd təsərrüfatı sahələrində əlaqələrin inkişafı üçün böyük potensial var.
Azərbaycanın regionlarında görülən işlər barədə məlumat verən Şahin Mustafayev bu istiqamətdə təcrübə mübadiləsinin əhəmiyyətini vurğulayıb.
Görüşdə Azərbaycan və Fransada şərabçılıq festivallarının keçirildiyi qeyd edilib, festivalların formatının daha da genişləndirilə biləcəyi deyilib.
Fransanın Burqundiya regionunun Yon vilayətinin Ali Şurasının prezidenti Andre Vilye Azərbaycana səfərindən məmnunluğunu ifadə etmiş, ölkələrimiz arasında siyasi əlaqələrin yüksək səviyyədə olduğunu və mövcud iqtisadi potensialın əməkdaşlığın daha da genişləndirilməsinə böyük imkan yaratdığını qeyd edib.
Görüşdə iştirak edən fransalı qonaqlar Azərbaycanın əlverişli coğrafi mövqeyini vurğulayaraq, ölkəmizin tranzit potensialını yüksək qiymətləndiriblər. Həmçinin heyvandarlıq və şərabçılıq sahələrində Fransa təcrübəsinin Azərbaycanda tətbiqinə dair fikir mübadiləsi aparılıb.




 
Bölməyə aid digər xəbərlər
25.03.2019
Azərbaycanda martın 26-na gözlənilən hava proqnozu açıqlanıb
24.03.2019
Sabah bəzi bölgələrdə hava yağıntılı olacaq
24.03.2019
Qardaşlaşmış Xırdalan və Cocuq Mərcanlı məktəblərinin Novruz görüşü
23.03.2019
Bakıda güclü külək, rayonlarda qar gözlənilir
23.03.2019
Ölkə ərazisində sabaha olan hava proqnozu açıqlanıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Prezident və xanımı Bakıda Novruz şənliyində
5 Prezident Novruz bayramı münasibətilə xalqı təbrik edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info