Talibandan seçkilərə qarşı yeni dalğa
Tarix: 16.05.2014 | Saat: 00:21:00 | E-mail | Çapa göndər


Əfqanıstanda prezident seçkilərinin ikinci turu yaxınlaşır. Beynəlxalq təhlükəsizlik qüvvələrinin də dəstək nümayiş etdirdiyi bu hadisə ölkədə taliban qüvvələrinin fəallaşması ilə müşayiət olunmaqdadır.
Mayın 12-də taliban qüvvələri “Qərb işğalçılarına”, eləcə də onların ölkədəki havadarlarına qarşı genişmiyqyaslı hücuma başlayacaqlarını bəyan ediblər. Elə həmin gün onlar ölkənin şərqindəki Nanqarhar əyalətindəki hökumət binasına hücum ediblər. Atışma nəticəsində Celalabad Ədliyyə Departamentinin 10 üzvü həlak olub. Taliblərin növbəti hədəfi Kandahar şəhərində olub. Terror aktı nəticəsində ölənlərin sayı bərədə müfəssəl məlumat yoxdur.
Hökumət qoşunlarının Talibana qarşı əməliyyatı üzrə hesabatında təşəbbüsün qarşı tərəfdə olduğunu etiraf ediblər. Qeyd edək ki, prezidentliyə namizədlərdən olan Abdullah Abdullah faktoru ölkədəki vəziyyəti çətinləşdirir. Bu yaxınlarda prezident seçkilərinin birinci turunda 11,5 % səs toplayan Zalmay Rasul Abdullah Abdullaha (44,9 %) dəstək verdiyini bəyan edib. Bu ittifaq onlara imkan verir ki, Hamid Karzainin himayəsi altında olan və seçkinin ilk turunda 31,5 % səs toplayan Əşrəf Qəni Ahmadzai üzərində qələbə çalıb. Xatırladaq ki, Abdullah Abdullahın ölkədə tərəfdarları ilə yanaşı əleyhdarları da kifayət qədərdir. Bu ilk növbədə Abdullahın tacik əsilli olması ilə bağlıdır ki, bu da taliban qüvvələrində çoxluq təşkil edən puştunlar tərəfindən birmənalı qarşılanmır. Bununla yanaşı, Abdullah Karzai üçün də ölkədə siyasi proseslərə əhəmiyyətli dərəcədə təsir gücünə malik şəxs kimi münasib deyil. Məhz buna görə də prezident seçkilərinin ikinci turunda Əşrəf Qəni Ahmadzainin lehinə kütləfi saxtakarlıq olacağı gözlənilir.
Bununla yanaşı, seçkilərin ikinci turunun elan edildiyi kimi, mayın 28-də yox, iyunun 14-də baş tutacağı bildirilib. Bu ərəfədə müstəqil seçki komissiyası seçkinin ilk turunda təqdim edilmiş çoxsaylı şikayətlərə baxacaq. Ehtimal edilir ki, Taliban seçkilərin ikinci turunu pozmaqda daha çox fəallıq nümayiş etdirəcək. Qeyd edək ki, Taliban rəhbərliyi bundan əvvəl, aprelin 5-də keçirilmiş seçklərin birinci turunda seçkiyə qarşı fəallıq göstərə bilməmiş səhra komandiri Molvi Abdul Qayyum vəzifəsindən kənarlaşdırıb.
Xatırladaq ki, Əfqanıstanda Kollektiv Təhlükəsizlik Müqaviləsi Təşkilatının (KTMT) təzyiqi gücləndiyi bir vaxtda, NATO-nun təsir gücü azalmaqdadır. Belə bir anda, taliblərin əsas niyyəti hakimiyyəti ələ keçirə bilimədikləri halda, ölkəni təsir zonalarına bölməkdir. Bu halda onların prioritet məqsədi Orta Asiya ölkələrində sabitliyi pozmağa hesablanacaq. Bununla yanaşı , talibanın əbədi müttəfiqi olan Pakistan üçün Hindistanın Əfqanıstanda əhəmiyyətli dərəcədə artan nüfuzunu neytrallaşdırmaq daha asan görünə bilər
Ağasəf Babayev




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info