“Azərbaycan investorların hüquqlarının tam müdafiəsini təmin edir”
Tarix: 16.05.2014 | Saat: 01:54:00 | E-mail | Çapa göndər


“Azərbaycan biznesin idarə edilməsində hamıya bərabər imkanlar verərək əcnəbi və yerli investorların hüquq və maraqlarının tam müdafiəsini təmin edir”. Bu barədə iqtisadiyyat və sənaye naziri Şahin Mustafayev "The Business Year" jurnalına müsahibəsində bildirib. Ş.Mustafayev deyib ki, bu gün Azərbaycan bütün dünyada təkcə qonşu ölkələrin deyil, eləcə də bir sıra Avropa ölkələrinin biznesinə sərmayə yatıran ölkə kimi tanınır.
Nazirin qeyd etdiyi kimi, Azərbaycanın dinamik inkişafı sayəsində beynəlxalq təşkilatlar, çoxmillətli korporasiyalar və sərmayəçilər ölkəyə əhəmiyyətli maraq göstərirlər. Onun sözlərinə görə, ölkənin cəlbediciliyinin əsas amillərindən biri əlbəttə ki, əlverişli biznes və investisiya mühitidir. Ş.Mustafayev qeyd edib ki, ötən il Azərbaycan iqtisadiyyatına rekord həcmdə, yəni 28 milyard dollar həcmində investisiya qoyulub: "Bu gün ölkəyə qoyulan investisiyaların ümumi həcmi 172 milyard dollar təşkil edir və bu həcmin təxminən yarısı birbaşa xarici investisiyaların payına düşür". Nazir, həmçinin ölkə iqtisadiyyatının bütün sektorlarında dinamik inkişafın olduğunu vurğulayıb: "2013-cü ildə ÜDM-də 5,8 faizlik artım iqtisadiyyatın qeyri-neft sektorunda artım hesabına əldə olunub. Son 10 ildə ölkənin qeyri-neft sektoru 2,6 dəfə, qeyri-neft sənayesi 1,9 dəfə, qeyri-neft sektoruna investisiyalar isə 15,2 dəfə artıb". Onun sözlərinə görə, son on il ərzində Azərbaycanın ÜDM-i 3,2 dəfə, dövlət büdcəsinin gəlirləri 16 dəfə, sənaye istehsalı 2,7 dəfə, əsas kapitala investisiyalar isə 4,7 dəfə artıb: "Göstərilən dövr ərzində orta illik artım 12,9 faiz təşkil edib ki, bu da dünyada ən yaxşı göstəricilərdən biridir".
İqtisadiyyat və sənayə naziri bildirib ki, son onillikdə əhalinin gəlirləri 6,5 dəfə, orta aylıq əməkhaqqı 5,5 dəfə artıb. Göstərilən dövrdə ölkədə 1,2 milyondan artıq iş yeri açılıb, işsizliyin səviyyəsi 5, yoxsulluğun səviyyəsi isə 5,3 faizədək azalıb. Ş.Mustafayevin qeyd etdiyi kimi, xarici ticarət dövriyyəsi 6,6 dəfə, o cümlədən, ixrac 9,3 dəfə, idxal isə 4,1 dəfə artıb. Qeyri-neft sektorunda məhsul ixracı 4,7 dəfə çoxalıb: "Hazırda Azərbaycan təxminən 150 ölkə ilə ticarət əməliyyatları aparır".




 
Bölməyə aid digər xəbərlər
22.02.2019
Özəl telekanallarda yayımlanan bayağı seriallar bizi çox narahat edir
22.02.2019
Müxalifət özü də bilir ki, bu aksiyalar mənasızdır, xalqın iradəsini ifadə etmir
22.02.2019
“Talibana hərbi təzyiq göstərməyə davam edəcəyik“
22.02.2019
Azərbaycan “Şimal-Cənub” nəqliyyat dəhlizinin regional qovşaqlarından biridir
21.02.2019
“Yeni fərman ciddi bir sosial məsələnin həlli istiqamətində atılan addımdır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10614

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 ABŞ-da atışma: xəsarət alanlar var
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info