Hilton Baku otelinin nümayəndələri ATİ tələbələri ilə görüşüblər
Tarix: 16.05.2014 | Saat: 21:03:00 | E-mail | Çapa göndər


Azərbaycan Turizm İnstitutunun mətbuat xidmətindən aldığımız məlumatda bildirilir ki, Hilton Baku otelinin təşəbbüsü ilə keçirilmiş “Karyera həftəsi” layihəsi çərçivəsində ATİ tələbələri ilə otel nümayəndələrinin görüşü təşkil edilib.
Hilton Baku otelinin baş meneceri Todori Kalamaris tələbələrlə nəzərdə tutulmuş tədbirdən əvvəl ATİ-nin rektoru tarix elmləri doktoru, professor Cəfər Cəfərovla görüşüb, Azərbaycan Turizm İnstitutunda səmimi qarşılandığı üçün təşəkkürünü bildirib. Rektor C.Cəfərov tanınmış turizm mütəxəssislərini rəhbərlik etdiyi ali təhsil ocağında hər zaman görməkdən məmnunluğunu ifadə edib. Belə görüşlərin mütəmadi xarakter almasında maraqlı olduğunu da diqqətə çatdırıb. Rektor C.Cəfərov daha sonra bildirib ki, dünyanın aparıcı otel brendi sırasında layiqli yerə sahiblənən Hilton Baku otelinin nüfuzlu nümayəndələrinin tələbələrlə bu görüşü ATİ məzunlarının uğurlu karyera qazanmasına təkan ola bilər.
Təqdimat-seminar formatlı tədbirdə Hilton Baku otelinin baş meneceri Todori Kalamaris və İnsan resursları şöbəsinin koordinatoru Rəşad Hüseynzadə çalışdıqları otellər şəbəkəsinin əsasının 95 il əvvəl ABŞ-da Konrad Hilton tərəfindən qoyulduğunu, “Dünyanı qonaqpərvərlik işığı və istisi ilə sevindirək” devizinə hər zaman sadiq qaldığını xüsusi vurğulayıb. Rəşad Hüseynzadə tələbələrin diqqətinə çatdırıb ki, qonaqpərvərlik biznesində təkcə otellər şəbəkəsindəki otaqların sayına görə deyil, göstərilən yüksək xidmət mədəniyyəti sayəsində mənfəətlə bərabər, nüfuz da qazanmaq olar. İş prosesində komanda fəaliyyətinə xüsusi önəm verildiyi səbəbindəndir ki, Hilton Baku otelinin nüfuzu gündən-günə artır.
Təqdimat-seminarda institutun tələbələri əsasən karyeranı necə qurmaq olar, Hilton Bakuda çalışmaq üçün başlıca şərt nədir, komanda deyilən heyətdə bizləri görmək istərdinizmi, otellərdə vəzifə bölgüsü necə aparılır? kimi suallar cavablandırılıb. Eyni zamanda CV-lərin tərtib edilməsi qaydaları və müsahibə zamanı özünü təqdim etmək bacarığı barədə tələbələrə ətraflı məlumat verilib. Otelin baş meneceri ATİ-də olarkən İnstitutun Turizm və Qonaqpərvərlik fakültəsinin dekanlığı və Mehmanxana və restoran biznesi kafedrasının əməkdaşları ilə də görüşüb. Hilton Baku oteli əməkdaşlarının təşəbbüsü ilə “Karyera həftəsi” layihəsi çərçivəsində təşkil olunmuş növbəti təqdimat-görüşün sonunda ATİ-nin Tədris şöbəsinin müdiri Nərminə Abdullayeva kollektiv adından qonaqlara təşəkkürünü bildirib.

Nigar




 
Bölməyə aid digər xəbərlər
24.04.2019
Azərbaycanda tullantılardan nə qədər elektrik enerjisi istehsal edilir?
24.04.2019
Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb
23.04.2019
Azərbaycanda Çernobıl əlilləri dövlətin qayğısı ilə əhatə olunublar
23.04.2019
Real TV-yə ümumrespublika televiziya yayımı üçün müddətsiz lisenziya verilib
23.04.2019
Frankofoniya həftələrinin yekun konserti “Bakcell”in dəstəyilə keçirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 Gülnar Səmanın kitabının təqdimatı keçiriləcək
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info