Azərbaycan Dövlət Neft Fondunun aktivləri artıb
Tarix: 20.05.2014 | Saat: 16:46:00 | E-mail | Çapa göndər


Azərbaycan Dövlət Neft Fondu (ARDNF) 2014-cü ilin yanvar-mart ayları üzrə gəlir və xərclərinə dair məlumatları açıqlayıb. Fonddan verilən məlumata görə, bu ilin I rübündə ARDNF-ın büdcə gəlirləri 3 005,0 mln. manat, büdcə xərcləri isə 2 443,3 mln. manat təşkil edib.
2014-cü ilin ilk 3 ayı ərzində Dövlət Neft Fondunun neft və qaz sazişlərinin həyata keçirilməsi ilə bağlı gəlirləri 3 006,8 mln. manat, o cümlədən mənfəət neftinin və qazın satışından 2 991,2 mln. manat, tranzit gəlirləri 2,3 mln. manat, bonus ödənişləri 13,3 mln. manat olub.
Hesabat dövrü ərzində ARDNF-ın 2014-cü il büdcəsinin icrası çərçivəsində 2 342,6 mln. manat vəsait dövlət büdcəsinə transfert edilib. Qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 70,1 mln. manat, Samur-Abşeron suvarma sisteminin yenidən qurulmasına 5,6 mln. manat vəsait ayrılıb. Bakı-Tbilisi-Qars dəmir yolu layihəsinin maliyyələşdirilməsinə Neft Fondundan 5,1 mln. manat vəsait yönəldilib. 3,0 mln. manat vəsait "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nın maliyyələşdirilməsinə sərf olunub. 2014-cü ilin yanvar-mart ayları ərzində ARDNF-ın idarə edilməsi ilə bağlı xərcləri 16,9 mln. manat təşkil edib.
Cari ilin əvvəlində Ukrayna ilə bağlı hadisələrin nəticəsi olaraq fondun Rusiyadakı investisiyalarının qiymətlərində kəskin enmə müşahidə olunub. Bununla bağlı digər investisiyalardan əldə edilən gəlirlərə baxmayaraq, ARDNF-ın vəsaitlərinin idarə olunması cari ilin I rübü ərzində 1,8 mln. manat həcmində zərərlə nəticələnib. Sonrakı aylarda Rusiya şirkətlərinin səhmlərinin qiymətlərində sabitləşmə və müəyyən artım baş verib və 2014-cü ilin 1 yanvar-15 may tarixləri ərzində fondun vəsaitlərinin idarə olunmasından əldə olunan gəlirlər 87,8 mln. manat təşkil edib.
2014-cü ilin yanvar-mart ayları ərzində valyuta məzənnələrinin dəyişməsindən yaranan fərq üzrə ARDNF-ın büdcədənkənar gəlirləri 10,1 mln. manat olub. O cümlədən qızılın qiymətinin dəyişməsindən yaranan fərq üzrə fondun büdcədənkənar gəlirləri 60,8 mln. manat, dollar, avro, funt sterlinq və digər valyutalarının dəyişməsindən yaranan fərq üzrə fondun büdcədənkənar xərcləri isə 50,7 mln. manat təşkil edib.
2014-cü il aprelin 1-ə ARDNF-ın aktivləri 2014-cü ilin əvvəlinə (35 877,5 mln. dollar) nisbətən 2,07% artaraq 36 618,4 mln. ABŞ dollarına bərabər olub.
2012-ci ildən etibarən ARDNF qızılın alınmasına başlayıb. Bu il aprelin 1-nə Fond tərəfindən alınmış qızılın miqdarı 30 175 kq (970 146 troya unsiyası) təşkil edib.
Tural




 
Bölməyə aid digər xəbərlər
20.09.2018
“Əsrin müqaviləsi”nin ildönümü: istehsalat müəssisəsi istismara verilib
20.09.2018
SOCAR-ın bir qrup əməkdaşı “Fəxri neftçi” döş nişanı ilə təltif olunub
20.09.2018
Özbəkistan Bakı-Tbilisi-Qars vasitəsilə yük daşınmasını artıracaq
20.09.2018
Azərbaycanın dostlarının sayı artır
20.09.2018
Kənd təsərrüfatının istehsalı 4,2 faiz artıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info