İndoneziyada Respublika Gününə həsr olunmuş tədbir keçirilib
Tarix: 21.05.2014 | Saat: 21:25:00 | E-mail | Çapa göndər


Azərbaycanın İndoneziyadakı səfirliyi 28 May - Respublika Günü və "İrs-Warisan" jurnalının İndoneziyada təqdimatı münasibətilə rəsmi qəbul təşkil edib.
Səfirlikdən verilən məlumata görə, səfir Tamerlan Qarayev tədbiri açaraq 1918-1920-ci illərdə Azərbaycan Xalq Cümhuriyyətinin (AXC) mövcudluğunu, onun demokratik prinsiplər əsasında qurulduğunu vurğulayıb, 18 oktyabr 1991-ci ildə müstəqilliyini bərpa etmiş Azərbaycan Respublikasının AXC-nin davamçısı olduğunu qeyd edib.
T.Qarayev müstəqilliyin ilk illərində Azərbaycanın qarşılaşdığı daxili və xarici qarşıdurma ilə mübarizədə ulu öndər Heydər Əliyevin apardığı siyasətin ölkəni xilas etdiyinə, 1920-ci ildə baş vermiş fəlakətin yenidən təkrar edilməsinin qarşısını aldığına diqqəti çəkib.
Diplomat toplantı iştirakçılarının diqqətini Azərbaycan Respublikasının Prezidenti cənab İlham Əliyevin rəhbərliyi altında Heydər Əliyev siyasətinin davam etdirildiyinə, Azərbaycanda aparılan demokratik proseslərə, ölkənin iqtisadi inkişafına, beynəlxalq aləmdə və regionda artan nüfuzuna, Azərbaycan-İndoneziya əməkdaşlığına cəlb edib.
Azərbaycan-İndoneziya münasibətlərinə toxunan səfir iki ölkə arasında diplomatik münasibətlərin qurulmasının 2013-cü ildə 22 illiyinin qeyd olunduğunu nəzərə çatdırıb, siyasi cəhətdən münasibətlərin yüksək səviyyədə olduğunu bildirib və iqtisadi sahədə əməkdaşlığın inkişaf etdirilməsinin vacibliyini vurğulayıb. Dövlətlərimiz arasında ticarət əlaqələrinin sürətlə inkişaf etdiyini, 2013-cü ildə təxminən 2,7 milyard ABŞ dollarına çatdığını, lakin adıçəkilən rəqəmin əsasən Azərbaycandan İndoneziyaya xam neftin ixracı ilə bağlı olduğunu qeyd edən səfir digər sahələrdə əlaqələrin gücləndirilməsinin vacibliyini vurğulayıb.
T.Qarayev bildirib ki, iki dövlət arasında qarşılıqlı yüksək səviyyəli səfərlərin, müqavilə-hüquq bazasının təkminləşdirilməsi və digər məsələlər üzrə ciddi işlər aparılır. O, Azərbaycan-İndoneziya arasında ticarət dövriyyəsinin yaxın beş ildə iki-üç dəfə artacağına ümidvar olduğunu qeyd edib.
Səfir Ermənistan-Azərbaycan, Dağlıq Qarabağ münaqişəsində Azərbaycanın suverenliyi və ərazi bütövlüyünü davamlı dəstəklədiyinə görə İndoneziya hökuməti və xalqına minnətdarlıq ifadə edib.
İndoneziyanın kənd təsərrüfatı naziri H.Susvono, İndoneziya parlamentinin Regional Nümayəndələr Palatasının sədri İ.Qusman tədbirin əsas qonaqları olublar.
Qəbulda İndoneziyanın parlament üzvləri, siyasi partiya rəhbərləri, ictimai və siyasi xadimlər, diplomatik korpusun, beynəlxalq təşkilatların nümayəndələri, ARDNŞ-nin Sinqapurdakı nümayəndəliyinin əməkdaşları, İndoneziya-Azərbaycan parlament işçi qrupunun üzvləri, Azərbaycan və türk icmaları və kütləvi informasiya vasitələrinin nümayəndələri iştirak ediblər.
Çıxış edən H.Susvono Azərbaycan xalqını və hökumətini İndoneziya xalqı və hökuməti adından təbrik edərək xoş arzularını bildirib, uğurlar diləyib. İki ölkə arasında əməkdaşlığın bütün sahələrdə yüksələn xətlə inkişaf etdiyini söyləyib, son illər ərzində iki dövlət arasında ticarət dövriyyəsinin artımını xüsusi qeyd edib. Nazir Azərbaycan və İndoneziya arasında müxtəlif sahələr üzrə nəzərdə tutulmuş proqramların həyata keçirilməsi məqsədilə dövlətlər arasında əlaqələrin daha da genişlənəcəyinə əminliyini ifadə edib. H.Susvono hər iki ölkənin separatçılığa qarşı mübarizəsini xüsusilə qeyd edib və İndoneziyanın Azərbaycanın ərazi bütövlüyünü hər zaman dəstəkləyəcəyini vəd edib.
Tədbirdə iştirak edən "İrs" jurnalının baş redaktoru M.Mərcanlı çıxış edərək jurnal haqqında qonaqlara geniş məlumat verib.
Tədbirdə Azərbaycan haqqında DVD materialları və fotoşəkillər nümayiş etdirilib, milli mətbəximizin nümunələri təqdim edilib, qonaqlara "İrs-Warisan" jurnalı paylanıb, Azərbaycan musiqisi səsləndirilib.
İndoneziyanın bir sıra rəsmiləri, qeyri-hökumət təşkilatları, Azərbaycana dost münasibət bəsləyən nüfuzlu ictimaiyyət nümayəndələri, İndoneziyada akkreditə olunmuş xarici nümayəndəliklər 28 May - Respublika Günü münasibətilə səfirliyə təbrik məktubları və gül çələngləri göndəriblər.
Tural




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info