“Azərbaycan iqtisadiyyatı qeyri-neft sektorunda ciddi irəliləyişlər əldə edib”
Tarix: 22.05.2014 | Saat: 16:39:00 | E-mail | Çapa göndər


“Azərbaycan rabitə və informasiya texnologiyaları sahəsində ciddi irəliləyişlər əldə edib”.
Bu fikirləri Azərbaycanın Misirdəki səfiri Şahin Abdullayev “Nil Əl-Əxbar” televiziya kanalına verdiyi müsahibəsində söyləyib. Xarici İşlər Nazirliyinin mətbuat xidmətinin yaydığı xəbərə görə, Ş.Abdullayev Misirin geniş tamaşaçı auditoriyasına malik olan “Nil Əl-Əxbar” televiziya kanalına verdiyi müsahibədə ölkəmizlə bağlı bir çox məqamları ərəb xalqına çatdırıb. Səfir Azərbaycan haqqında danışaraq, ölkəmizin tarixi keçmişi barədə məlumat verib və Ermənistan-Azərbaycan münaqişəsindən söz açaraq, Azərbaycanın 20% torpaqlarının Ermənistan silahlı qüvvələri tərəfindən işğal olunduğunu, bir milyondan çox azərbaycanlının öz doğma torpaqlarından çıxarıldığını qeyd edərək, BMT Təhlükəsizlik Şurası tərəfindən 1993-cü ildə qəbul olunmuş dörd qətnamənin Ermənistan tərəfindən indiyədək yerinə yetirilmədiyini və bununla bağlı beynəlxalq təşkilatlar tərəfindən Ermənistana qarşı heç bir sanksiyanın tətbiq olunmadığını vurğulayıb.
Şahin Abdullayev Azərbaycan iqtisadiyyatının son on ildə yüksək sürətlə inkişaf edərək, dünyada ən dinamik inkişaf edən ölkə iqtisadiyyatlarından biri olduğunu bildirib. O, müsahibədə xüsusi olaraq vurğulayıb ki, yoxsulluq həddi ötən səkkiz il ərzində 49%-dən 5%-ə qədər aşağı düşüb.
Müsahibədə qeyd edilir ki, ölkəmizin xarici valyuta ehtiyatı 53 milyard dolları keçib. Azərbaycanın nefti və qazı boru xətləri vasitəsi ilə dünyanın müxtəlif yerlərinə ixrac edilir:
“Həmçinin Azərbaycan iqtisadiyyatı qeyri-neft sektorunda - turizm, rabitə və informasiya texnologiyaları, sənaye və kənd təsərrüfatı sahələrində ciddi irəliləyişlər əldə edib”.
Azərbaycanın turizm potensialı haqqında danışan səfir ölkəmizdə mövcud olan yay və qış turizmi barəsində məlumat verərək, 2013-cü ildə 2 milyondan artıq turistin Azərbaycana səfər etdiyini bildirib.
Tural




 
Bölməyə aid digər xəbərlər
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür
13.01.2019
Azərbaycanın uğurlu siyasəti Ermənistanın kriminal xunta rejiminin mahiyyətini açıb ortaya qoydu

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info