“TAP, TANAP, AGRİ kimi birgə layihələr təbliğ olunmalıdır”
Tarix: 24.05.2014 | Saat: 02:40:00 | E-mail | Çapa göndər


Rumıniya-Azərbaycan parlamentlərarası işçi qrupunun sədri Yulian Yanku bildirib ki, Rumıniya ilə Azərbaycan arasındakı əlaqələr yalnız diplomatik əlaqələr deyil, dostluq əlaqələridir:
“Xalqlarımız arasında güclü dostluq, qarşılıqlı hörmət hissləri mövcuddur. Bu hisslərin kökü qədim tarixdən, 1472-ci ildə Rumıniya hökmdarı Ştefan Cel Marenin dövründən başlayıb. O zamandan bəri davam edən və qarşılıqlı dəstəklənən tarixi əlaqələr bu gün ölkələrimiz arasında strateji tərəfdaşlıq səviyyəsinə çatıb. Eyni zamanda, bizim böyük məsuliyyətimiz də var. İqtisadi böhran, Xəzər və Qara dənizləri hövzəsindəki problemlər fəaliyyətimizi sülhün, ədalətin, həqiqətin, insan dəyərlərinə, ətraf mühitə sevgi istiqamətində yönəltməyimizi tələb edir”. O, qeyd edib ki, strateji tərəfdaşlıq bir çox sahələri əhatə edir: “Burada biz həm mədəni, həm də iqtisadi əlaqələrin inkişafından danışa bilərik. Xüsusilə mədəniyyət və xeyriyyəçilik sahəsində Heydər Əliyev Fondunun Rumıniyadakı çoxşaxəli fəaliyyəti iki xalq arasında olan əlaqələri daha da möhkəmləndirir, dost Azərbaycanın Rumıniyanın hər zaman yanında olduğunu göstərir. Rumıniya Mədəniyyət İnstitutu ilə fond arasında imzalanmış saziş isə mədəni sahədə birgə layihələrin reallaşmasına, iki xalqı bir-birini daha da yaxından tanımasına xidmət edir. Mədəni əlaqələr sahəsində bir çox layihələrin reallaşdırılması ilə istənilən nəticələri əldə edə bilərik. Bu baxımdan Rumıniya Mədəniyyət İnstitutunun Azərbaycanda nümayəndəliyinin, Bakıda və Buxarestdə mədəni-bədii mərkəzlərin açılmasının, gənclər üçün təhsil layihələrinin təşkil edilməsinin, texniki, musiqi, ədəbi, bədii və digər sahələrdə təqaüdlərin verilməsinin mühüm faydası ola bilər. İqtisadi sahədə isə Dünya Enerji Şurasının Rumıniya Milli Komitəsi ilə bağlanmış sazişi qeyd etmək istərdim. Strateji tərəfdaşlıq əlaqələrinin enerji sahəsini xüsusilə vurğulamaq istərdim. Rusiya ilə Ukrayna arasında baş vermiş hadisələr enerji sahəsinin ölkələrin təhlükəsizliyi və iqtisadi inkişaf üçün nə qədər mühüm olduğunu göstərdi. Ona görə də, TAP, TANAP, AGRİ kimi birgə layihələr prioritet sahələr kimi təbliğ olunmalıdır. Eyni zamanda, bu böhran enerji sahəsində ümumi siyasətə, təhlükəsizlik tədbirlərinə yenidən baxılmasının zəruriliyini göstərir. Bu baxımdan, neft, qaz məhsullarının, enerjinin saxlanması, “Romqaz”, “Chevron”, “Exxon”, OMV kimi şirkətlərlə bir yerdə təbii qazın quruda və dənizdə çıxarılması və istehsalı kimi layihələrə Azərbaycan şirkətlərinin birbaşa sərmayə yatırması mühüm rol oynaya bilər. Həmçinin elektrik enerjisi, təbii qaz, neft nəqli sistemlərinin əlaqələndirilməsini inkişaf etdirmək kimi layihələr çox mühümdür. Azərbaycan Respublikası Dövlət Neft Şirkəti kimi Azərbaycan şirkətləri üçün neft məhsullarının satış bazarının inkişafı kimya və neft-kimya məhsulları sahəsinə sərmayələrin qoyulması ilə müşayiət olunmalıdır”.
Yulian Yanku deyib ki, Rusiya-Ukrayna münaqişəsi nəticəsində yaranmış etimadsızlıq mühitinə görə “Şahdəniz-2”, TAP layihələrini Rumıniya üçün fürsət kimi qiymətləndirir: “Düşünürəm ki, bunlar Azərbaycan ilə Rumıniya arasında olan fəaliyyət planının prioritet layihələri kimi təbliğ olunmalıdır. Gördüyünüz kimi, bizi ahəngdar, ənənəvi tarixi münasibətlər birləşdirir ki, bu da layihələrin reallaşmasına fürsət yaradır”.
Cavidan




 
Bölməyə aid digər xəbərlər
25.05.2019
Repressiyaya məruz qalanların sırasında böyük ədiblərin, şəxsiyyətlərin, ziyalıların adları daha çoxdur
24.05.2019
“Amnesty International“ idmanın siyasiləşdirilməsi istiqamətində ermənilərlə ortaq taktika həyata keçirir
24.05.2019
Nikol Paşinyan Qarabağ klanından qorxduğu üçün oğlunu təhlükəsiz yerə köçürüb
24.05.2019
Rusiya ilə Azərbaycan arasında münasibətləri korlamaq cəhdləri baş tutmayacaq
24.05.2019
“Çimərlikdə qadağanedici şarları keçmək olmaz”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info