28 May - Respublika Günü Londonda qeyd edilib
Tarix: 26.05.2014 | Saat: 21:44:00 | E-mail | Çapa göndər


28 May - Respublika Günü münasibətilə Azərbaycanın Böyük Britaniyadakı səfirliyi tərəfindən Londonun "The Royal Horseguards" mehmanxanasında tədbir və ziyafət təşkil edilib.
Səfirlikdən verilən məlumata görə, tədbirdə Böyük Britaniya Xarici İşlər Nazirliyinin nümayəndələri, Britaniya parlamentinin üzvləri, lordlar, Londonda akkreditə olmuş diplomatik korpusun üzvləri, səfirlər, ictimaiyyət nümayəndələri, jurnalistlər, Britaniyadakı azərbaycanlı icmasının çoxsaylı üzvləri, o cümlədən tələbələr və icma təşkilatlarının nümayəndələri, Böyük Britaniyada fəaliyyət göstərən Azərbaycan təşkilatlarının təmsilçiləri iştirak ediblər.
Qonaqları salamlayan səfir Fəxrəddin Qurbanov 28 May - Respublika Gününün mahiyyəti haqqında məlumat verib və 1918-1920-ci illərdə mövcud olmuş Azərbaycan Xalq Cümhuriyyəti, əldə etdiyi nailiyyətlər barəsində danışıb. Səfir, həmçinin çıxışında müstəqil Azərbaycanın son 23 il ərzində müxtəlif sahələrdə qazandığı uğurlardan bəhs edərək, bu gün ölkəmizin beynəlxalq ictimaiyyətin etibarlı və dinamik inkişaf edən üzvünə çevrildiyini vurğulayıb. Azərbaycanın həyata keçirdiyi uğurlu siyasət nəticəsində ölkəmizin beynəlxalq nüfuzunun artdığını, çoxsaylı beynəlxalq platformalarda uğurla təmsil olunduğunu vurğulayıb.
Azərbaycan və Böyük Britaniya arasında siyasi, iqtisadi, mədəni və başqa sahələrdə sürətlə inkişaf edən əlaqələrdən bəhs edən səfir enerji sahəsindəki əməkdaşlığımızın ikitərəfli münasibətlərin əsasını təşkil etdiyini vurğulayıb, iki ölkə arasındakı münasibətlərin bundan sonra daha da inkişaf edəcəyinə əminliyini bildirib.
Böyük Britaniya Xarici İşlər Nazirliyinin idarə rəisi Qaret Beyli Respublika Günü münasibətilə Azərbaycan xalqına təbriklərini çatdırıb, ölkəsinin Azərbaycanı etibarlı tərəfdaş hesab etdiyini vurğulayıb. İki ökə arasında müxtəlif sahələrdə əməkdaşlığın dinamik şəkildə inkişaf etdiyini qeyd edərək, Azərbaycanın Əfqanıstandakı rolunun ölkəsi tərəfindən yüksək qiymətləndirildiyini nəzərə çatdırıb. Son illə ərzində ölkələrimiz arasında yüksək səviyyəli təmasların sıxlaşdığını, qarşılıqlı səfərlərin həyata keçirildiyini vurğulayan Q.Beyli iqtisadi sahədə Böyük Britaniyanın Azərbaycan iqtisadiyyatına qoyulan xarici investisiyaların həcminə görə lider mövqe tutmasının sevindirici hal olduğunu vurğulayıb.
Tədbir çərçivəsində qonaqlara ölkəmizin milli mədəniyyətindən, turizm imkanlarından bəhs edən müxtəlif kitab və bukletlər hədiyyə edilib.
Sonda Respublika Günü münasibətilə ziyafət təşkil edilib.




 
Bölməyə aid digər xəbərlər
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub
20.03.2019
Metropolitendə ilk dəfə Novruz şənliyi təqdim olunur
20.03.2019
Gənclər Aprel şəhidlərinin ailələrini ziyarət ediblər

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10701

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 “Bahar“ Qadınlar İnkişaf Qrupuna müasir tikiş maşınları verilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info