Kiprdəki azərbaycanlı tələbələrdən unudulmaz tədbir
Tarix: 30.05.2014 | Saat: 17:06:00 | E-mail | Çapa göndər


Şimali Kipr, Doğu Akdeniz Universitetində 28 May Respublika Günü ilə bağlı tədbir keçirilib. Tədbir Gazimağusa şəhəri Rauf Denktaş Mədəniyyət və Konqres Sarayında Azərbaycan-Kipr Tələbə Assosiasiyasının (Azerbaijan Student Association in Cyprus - ASAC) təşkilatçılığı və Doğu Akdeniz Universiteti, ŞKTC-Azərbaycan Mədəniyyət Mərkəzi, Yakın Doğu Universiteti və Uluslarlarası Kıbrıs Universitetinin dəstəyi ilə keçirilib. Tədbiri açıq elan etmədən öncə aparıcılar Rəşad Hacıyev və Nigar Şərifli Azərbaycan şəhidlərinin və 13 may qardaş Türkiyənin Manisa vilayətinin Soma qəsəbəsində həyatını itirmiş insanların xatirəsinə 1 dəqiqəlik sükut elan ediblər. Ardından isə Azərbaycan və Türkiyənin himnləri səsləndirilib.
ASAC-ın təşkil etdiyi ilk tədbirin açılış nitqini təşkilatın həmtəsisçisi və sədri Kamran Əliyev gerçəkləşdirib. Kamran Əliyev öz çıxışında yeni yaradılan ASAC və 28 May Respublika Günü ilə bağlı məlumat verib. Məlumatda yeni yaradılan ASAC-ın universitetlər üzrə prezidentlərinin adları açıqlanıb. Beləliklə, Doğu Akdeniz Universiteti üzrə prezident Toğrul İbrahimli, Yakın Doğu Universiteti üzrə Rizvan Allahverdiyev, Uluslararası Kıbrıs Universiteti üzrə Müqəddəs Abbasov, ASAC-ın baş katibi isə Toğrul Abbasov olub. Sonda isə qeyd edilib ki, ASAC-ın ilk tədbiri məhz 28 May Respublika Günü ilə bağlıdır. Açılış nitqindən sonra Doğu Akdeniz Universiteti adından Tanya Barkinay Serenli, Yakın Doğu Universiteti adından Azərbaycan Respublikasının Əməkdar incəsənət xadimi, professor Cavanşir Quliyev, ardından isə Uluslararası Kıbrıs Universitetinin biznes elmi kafedrasının həmsədri, professor Vəfa Əfəndizadə çıxış edib Azərbaycan xalqını bayram münasibətilə və həmçinin ASAC-ın ilk tədbiri olduğu üçün təbrik ediblər. Tədbir boyunca azərbaycanlı və xarici tələbələr rəngarəng çıxışlarla Azərbaycanın mədəniyyətini və adət-ənənələrini fərqli ölkələrin vətəndaşlarına çatdırıblar.
Gecə, Azərbaycanın və Dağıstanın Əməkdar artisti, tədbirin fəxri qonağı Ədalət Şükürovun konserti ilə yaddaşlarda qalıb. Əməkdar artistin çıxışından sonra ASAC-ın Doğu Akdeniz Universiteti üzrə prezidenti Toğrul İbrahimli Ədalət Şükürova xatirə plaketini təqdim edib. Tədbir rəngarəng atəşfəşanlıq ilə sona çatıb.
Tural




 
Bölməyə aid digər xəbərlər
19.11.2018
Mətbuat Şurası ilə Rusiya Jurnalistlər İttifaqı arasında əməkdaşlıq haqqında Memorandum imzalanıb
19.11.2018
“Azərbaycanda sosial müdafiə sisteminin inkişafı: dünən, bu gün, sabah” mövzusunda müsabiqə elan edildi
19.11.2018
Türkdilli dövlətlərin PR mütəxəssisləri Bakıya gələcəklər
19.11.2018
Qaradağ məktəbliləri “Ölkəmizi tanıyaq” tur-aksiya çərçivəsində yola salındılar
19.11.2018
KİV nümayəndələri “Mazımçay“ gömrük postundakı yeniliklərlə tanış olublar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info