“Sosial Müdafiənin İnkişafı Layihəsi”nin icra mexanizmi təkmilləşdirilir
Tarix: 30.05.2014 | Saat: 21:07:00 | E-mail | Çapa göndər


Əmək və Əhalinin Sosial Müdafiəsi Nazirliyi (ƏƏSMN) və Dünya Bankının birgə layihəsi olan “Sosial Müdafiənin İnkişafı Layihəsi”nin öz əsas komponentləri üzrə icra mexanizminin təkmilləşdirilməsi istiqamətində islahatyönümlü tədbirlərə başlanılıb. Tədbirlər çərçivəsində ƏƏSMN-nin müvafiq əmri ilə Elnur Süleymanov Layihənin direktoru təyin olunub.
E.Süleymanov 1976-cı ildə anadan olub. 1997-ci ildə Azərbaycan Dövlət İqtisad Universitetinin Beynəlxalq iqtisadi münasibətlər fakültəsini, 2000-ci ildə Asiya Universitetinin hüquq fakültəsini bitirib. 2003-2005-ci illərdə Moskva şəhərində “Ali İqtisadiyyat Məktəbi” Dövlət Universiteti yanında Ali Menecment Məktəbində strateji menecmentlik ixtisası üzrə MBA dərəcəsinə yiyələnib. Rusiya Sahibkarlıq Akademiyasının aspirantıdır.
1996-2001-ci illərdə Azərbaycan Beynəlxalq Bankında, 2001-2003-cü illərdə “Allianz Group” Şirkətinin əməkdaşı kimi AFR, ABŞ və RF-da fəaliyyət göstərib. 2003-2011-ci illərdə Moskva şəhərində “ROSNO” ASC sığorta şirkətində məsul vəzifələrdə, habelə İdarə Heyətinin üzvü vəzifəsində çalışıb. 2011-2012-ci illərdə “ONEXİM GROUP” şirkətinin icraçı direktoru, 2012-2013-cü illərdə “Soqlasie” MMC-nin Baş direktoru və İdarə Heyətinin sədri, 2013-cü ilin may ayından hazırkı dövrədək NPO MAKSS GRUPP şirkətinin Müşahidə Şurasının sədri olub. Türk, rus və ingilis dillərini mükəmməl bilir.
“Sosial Müdafiənin İnkişafı Layihəsi”nin ƏƏSMN-nin institusional və insan resursları imkanlarının genişləndirilməsi, idarəetmə sisteminin və sosial təminat proqramlarının təkmilləşdirilməsi, əmək bazarının inkişafı və digər istiqamətlərdə fəaliyyəti gücləndiriləcək. Sosial müdafiə sistemində müasir tələblərə uyğun iş metodlarının hazırlanması və tətbiqi, əhaliyə xidmət səviyyəsinin keyfiyyətcə yüksəldilməsi və bu sahədə şəffaflığın təminatı sahələrində ƏƏSMN tərəfindən aparılan islahatlarda layihənin rolu artırılacaq.
Eyni zamanda, müasir bazar iqtisadiyyatının tələbləri ilə uyğunlaşan keyfiyyətli əmək ehtiyatları bazasının yaradılması, sosial təminat sisteminin təkmilləşdirilməsində yeni texnologiyaların tətbiqi, xidmət sferasında avtomatlaşdırmanın təmin olunması kimi işlərdə Layihənin imkanlarından daha səmərəli istifadə olunacaq.


İlkin




 
Bölməyə aid digər xəbərlər
16.01.2019
“Bizim həyət” layihəsi paytaxtın Sabunçu rayonunda icra olunur
16.01.2019
Yanvar ayı üzrə pensiyaların maliyyələşdirilməsinə başlandı
16.01.2019
Nazirlik işəgötürən şirkətlərə xəbərdarlıq etdi
15.01.2019
Ötən il sosial sığorta daxilolmalarında 11,8% artım qeydə alınıb
15.01.2019
Bu ildən pensiya təyinatı avtomatlaşdırılmış rejimdə həyata keçirilir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info