Naxçıvanda magistrantların regional elmi konfransı keçirilib
Tarix: 10.06.2014 | Saat: 20:41:00 | E-mail | Çapa göndər


Naxçıvan Dövlət Universitetində magistrantların VI regional elmi konfransı keçirildi. Konfrans Universitet Televiziyasının hazırladığı, magistraturanın fəaliyyətini əks etdirən “Elmin zirvəsinə doğru” sənədli filminin nümayişi ilə başladı. Universitetin rektoru, professor Saleh Məhərrəmov giriş sözü ilə çıxış edərək universitetdə magistratura təhsil pilləsi üzrə təhsilin səviyyəsindən, regionda elmi potensiala olan tələbatın ödənilməsindəki rolundan, Naxçıvan Muxtar Respublikası Ali Məclisinin Sədri tərəfindən magistrantların iş yerləri ilə təmin olunmasının daim diqqət və nəzarətdə saxlanılmasından, qarşıda duran vəzifələrdən danışdı. Konfransda universitetin elmi işlər üzrə prorektoru, dosent Mübariz Nuriyev, Magistratura üzrə dekan, biologiya elmləri doktoru Etibar Məmmədov, “Mətbuat tarixi” ixtisaslaşması üzrə I kurs magistrant Kifayət Heydərova çıxış etdilər. Çıxışlarda magistrantların təhsil alması üçün yaradılan şəraitdən, maddi-texnika bazadan, onların elmdə və təhsildə qazandıqları nailiyyətlərdən bəhs olundu. Qeyd olundu ki, burada yaradılmış “Azərbaycanşünaslıq mərkəzi”, “Tələbə Turizm Assosasiyası”, kitabxana, kompüter mərkəzi magistrantların elmi-nəzəri biliklərə yiyələnmələrinə, dünyagörüşlərini artırmağa xidmət edir. 1997-ci ildən fəaliyyət göstərən Magistraturada hazırda 268 nəfər magistr təhsil alır ki, onlardan 41 nəfəri xarici ölkə vətəndaşıdır. 2013-2014-cü tədris ilində 27 istiqamət, 41 ixtisaslaşma üzrə əyani və qiyabi şöbədə 190 magistr üçün yer ayrılmışdır. Plenar iclasda elmi-ictimai fəallığına görə “İlin magistrantı” seçilən “Mətbuat tarixi” ixtisaslaşması üzrə I kurs magistrant Kifayət Heydərovaya xüsusi diplom təqdim olundu. Elmi konfrans müxtəlif ixtisaslar üzrə 23 bölmə iclası ilə işini davam etdirdi. Azərbaycanın müxtəlif ali məktəblərində təhsil alan magistrantların da təmsil olunduğu elmi konfransda 110 məruzə dinlənildi, onlardan ən yaxşıları seçilərək müxtəlif xüsusi diplomlarla təltif olundu.

Mehriban SULTAN
NDU-nun Mətbuat şöbəsinin müdiri




 
Bölməyə aid digər xəbərlər
25.09.2018
“ADEX-2018” Azərbaycanın müdafiə sənayesi kompleksinin gücü və qüdrətinin nümayişidir
25.09.2018
Nəsimi rayonunda yeni park istifadəyə verilib
25.09.2018
Yaponiya Zaqatala və Qax rayonlarına təcili tibbi yardım maşınları verib
25.09.2018
“Loqos” psixoloji maarifləndirilmə sahəsində yeni bir fəaliyyətə imza atıb
25.09.2018
Azərbaycana, o cümlədən Naxçıvana gələn turistlərin sayını artırmaq üçün geniş imkanlar var

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Azərbaycanda xalq yaradıcılığına maraq artıb”
3 “Vətən uzaqda deyil” telelayihəsi dünya azərbaycanlılarının sevincinə səbəb olub
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info