“Azərbaycanın ərazi bütövlüyünün dəstəklənməsi bizim üçün prioritetdir”
Tarix: 13.06.2014 | Saat: 01:10:00 | E-mail | Çapa göndər


ABŞ üçün Azərbaycanla əməkdaşlıq böyük əhəmiyyət kəsb edir. Bunu Helsinki Komitəsində Azərbaycan üzrə dinləmələr zamanı ABŞ dövlət katibinin Avropa və Avrasiya işləri üzrə köməkçisinin müavini Erik Rubin bəyan edib.
ABŞ-ın Azərbaycanla enerji sahəsində əməkdaşlığın inkişafından məmnun olduğunu deyən diplomat qeyd edib ki, iki ölkə arasında əməkdaşlıq əsasən təhlükəsizlik, iqtisadiyyat, energetika və demokratik inkişaf istiqamətləri üzrə edəcək: “20 ildən çoxdur ABŞ Azərbaycanla birgə demokratik, firavan və təhlükəsiz cəmiyyətin qurulması üçün səylər göstərir. Azərbaycan NATO və ABŞ-ın Kabildən Kosovoyadək əsas müttəfiqlərindən biri olub. Hazırda Azərbaycanın 94 nəfərdən ibarət kontingenti Əfqanıstanda xidmət edir və 2014-cü ildən sonra da orada xidməti davam etdirmək niyyətindədir. Azərbaycan Şimal Təchizat Şəbəkəsində (NDN) əsas bağlayıcıdır. Əfqanıstana və oradan qeyri-hərbi yüklər Azərbaycanın hava məkanı vasitəsi ilə daşınır. Xəzər dənizində təhlükəsizliyin möhkəmləndirilməsi, terrorçuluğa qarşı mübarizə, kütləvi qırğın silahlarının yayılmasının qarşısının alınması və dəniz domen məlumatlandırma sistemi ABŞ-ın Azərbaycana göstərdiyi əsas yardımlar siyahısında prioritetdir”. ABŞ-ın postsovet məkanında gedən proseslərlə bağlı siyasətinə toxunan E.Rubin qeyd edib ki, Vaşinqtonun Ukrayna qismində müdafiə etdiyi ərazi bütövlüyü prinsipi regionun bütün ölkələrinə şamil edilir: “Azərbaycan çox təhlükəli regionda, Rusiya ilə İran arasında yerləşir. ABŞ, Azərbaycan hökuməti ilə onun ərazi bütövlüyü və müstəqilliyini müdafiə etmək qabiliyyətinin gücləndirilməsi istiqamətində işləyir”.
E.Rubin həmçinin Azərbaycan-İsrail münasibətlərini nümunəvi adlandırıb: ”Bu əlaqələr terrorçuluğa qarşı mübarizə baxımından çox mühüm rol oynayıb və biz bunu yüksək qiymətləndiririk. Azərbaycanın əhəmiyyətini bir daha təsdiqləyirik. Eyni zamanda Əfqanıstandakı sülhməramlı əməliyyatda və enerji sahəsində Azərbaycanın oynadığı rolu qeyd etmək vacibdir. Biz bunu yüksək qiymətləndiririk. Azərbaycanın müstəqilliyinin və ərazi bütövlüyünün dəstəklənməsi bizim üçün yüksək prioritetdir”. Dinləmələr zamanı senator Ben Kardin bəyan edib ki, ABŞ Azərbaycanı regionda özünün vacib dostu hesab edir: “Bu səbəbdən də biz Azərbaycanın inkişaf etməsində maraqlıyıq”. Qarabağ nizamlanmasından danışan senator qeyd edib ki, münaqişə regiondakı sabitliyə böyük maneədir: “Biz təhlükəsizlik sahəsində irəliləyiş görmək istəyirik. “Status-kvo” isə qəbulolunmazdır”. Kardin bildirib ki, Azərbaycan və ABŞ BMT Baş Assambleyasının sessiyasında Ukraynanın ərazi bütövlüyünə səs verib. Gələcək əməkdaşlıqdan danışan senator qeyd edib ki, ABŞ Azərbaycanı sabit və çiçəklənən ölkə kimi görmək istəyir.




 
Bölməyə aid digər xəbərlər
18.09.2018
ABŞ ilə Çin arasındakı danışıqlar gərgin mərhələyə qədəm qoyub
18.09.2018
NATO Azərbaycanın beynəlxalq təhlükəsizliyə verdiyi töhfəni alqışlayır
18.09.2018
Bakıda Azərbaycan və Türkiyə əsgərlərini eyni sırada görmək tarixlərə işıq saçan xoşbəxtlikdir
18.09.2018
Ölkəmizə faydalı vətəndaşlar yetişdirməyə çalışırıq
17.09.2018
“Dünya görür ki, Türkiyə və Azərbaycan bir yerdədir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 “Bu il sığorta bazarı 40 faizdən çox genişlənib, yığımlar artıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info