Gənclərimiz Hindistanın Azərbaycandakı səfiri ilə görüşüb
Tarix: 18.06.2014 | Saat: 18:17:00 | E-mail | Çapa göndər


Beynəlxalq Mətbuat Mərkəzində Azərbaycan Respublikası Prezidenti yanında Dövlət İdarəçilik Akademiyasının Siyasi Araşdırmalar İnstitutu və Azərbaycan Gənc Diplomatlar Birliyinin birgə təşkilatçılığı ilə "Auditoriyada səfirdir" layihəsi çərçivəsində 5-ci görüş keçirilib.
Tədbirdə Azərbaycanın müxtəlif ali təhsil müəssisələrində təhsil alan bakalavr, magistr, doktorantlar və dövlət, özəl qurumların gənc əməkdaşları iştirak edib. Layihə çərçivəsində gənclərin qonağı Hindistan Respublikasının Azərbaycandakı Fövqəladə və səlahiyyətli səfiri Vinod Kumar olub.
Tədbiri giriş sözü ilə açan Azərbaycan Gənc Diplomatlar Birliyinin baş katibi Eltun İbrahimov tədbir iştirakçılarını salamlayaraq bildirib ki, ilin əvvəlindən start verilən layihə çərçivəsində artıq bir neçə ölkənin səfirləri və tanınmış iş adamları ilə görüşlər keçirilib, bir neçə ölkənin səfirləri və iş adamları ilə isə görüş üçün razılıq əldə olunub. Eltun İbrahimov çıxışı zamanı bildirib ki, AGDB iyul ayı ərzində Qazaxıstan Respublikasında TÜRKPA ilə birgə böyük bir beynəlxalq layihə həyata keçirməyi planlaşdırır ki, bu layihə türkdilli ölkələrin gəncləri, xüsusi ilə də Qazaxıstan-Azərbaycan gəncləri arasında böyük bir şəbəkənin yaranmasına təkan verəcək. Məqsəd bu ölkələrdə Azərbaycan həqiqətlərinin və zəngin mədəni dəyərlərin geniş təbliğinə, ölkələrimizi və xalqlarımızı bir-birinə bağlayan dəyərlərin önəmliliyini və regional inkişafın birgə əməkdaşlıq resurslarından maksimum yararlanmağın zəruriliyini ictimaiyyətə çatdırmaq və geniş gənclər auditoriyasında müzakirə etməklə dostluq əlaqələrinin inkişafına töhvə verməkdir.
Daha sonra Hindistan Respublikasının Azərbaycandakı Fövqəladə və səlahiyyətli səfiri Vinod Kumar çıxış edərək bildirib ki, neçə əsrlərdir ki, Azərbaycan-Hindistan dövlətləri arasında böyük dostluq əlaqələri mövcuddur: “Bizim bu gün Azərbaycanla mədəni, maliyyə sahəsində və s. əlaqələrimiz var. Ümumiyyətlə, Hindistanda tələbələrin bilik səviyyəsi çox yüksəkdir. Hətta deyə bilərəm ki, Hindistanda bir neçə texnoloji universitetlər mövcuddur. Buna misal olaraq göstərə bilərəm ki, məşhur “Microsoft” şirkətinin əsas mərkəzi Hindistanda yerləşir və oradan idarə olunur. Təbii ki, Azərbaycanda da bu kimi yüksək texnolji universitetlər var”.
Tədbirin moderatoru Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutunun direktoru, siyasi elmlər doktoru, professor Elman Nəsirov səfirə Azərbaycanın müxtəlif ali təhsil müəssisələrində bakalavr, magistr, doktorontlar və dövlət, özəl qurumların gənc əməkdaşları ilə görüşə razılıq verdiyinə görə təşəkkürünü bildirib.
Görüş sual-cavab şəklində davam edib.

Fuad




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info