İyuldan müqavilələrinin elektron informasiya sistemində “Asan İmza“nın tətbiqinə başlayır
Tarix: 20.06.2014 | Saat: 17:13:00 | E-mail | Çapa göndər


2014-cü il iyulu 1-dən etibarən Əmək və Əhalinin Sosial Müdafiəsi Nazirliyi əmək müqavilələrinin elektron informasiya sistemində "Asan İmza"nın tətbiqinə başlayır. Bunu "B.EST Solutions" ("Asan İmza" mobil elektron imza xidmətinin operatoru) şirkətindən deyiblər.
Əmək müqavilələrinin elektron sisteminin tətbiqi qaydaları qanunsuz məşğulluqla mübarizə çərçivəsində Vergilər Nazirliyi ilə birlikdə işlənib hazırlanıb. Əmək müqaviləsinin bağlanılmasının, ona dəyişiklik edilməsinin və ya xitam verilməsinin elektron qaydada qeydiyyata alınması məqsədi ilə "Asan İmza" vasitəsilə bütün hüquqi şəxslər, o cümlədən fərdi sahibkarlar Əmək və Əhalinin Sosial Müdafiəsi Nazirliyinin vahid elektron bazasına əmək müqaviləsi bildirişini daxil edəcəklər.
Əmək müqavilələrinin vahid elektron bazasının tətbiqi nəticəsində işçilər üçün iş yeri və əməkhaqqı ilə bağlı arayışların alınması asanlaşacaq. Arayışda faktiki əməkhaqqı ilə bağlı informasiya əks olunacaq ki, bu da onlayn kreditlərin verilişi prosedurunu əhəmiyyətli dərəcədə sadələşdirmiş olacaq.
Azərbaycanda fəaliyyət göstərən sahibkarlar qüvvədə olan bütün əmək müqavilələri haqqında məlumatları 2014-cü il 1 iyul tarixinədək Əmək və Əhalinin Sosial Müdafiəsi Nazirliyinin elektron informasiya sisteminə daxil etməli idilər. Əks halda onları 7-10 min manat həcmində cərimə və ya üç ilə qədər azadlıqdan məhrum edilmə cəzası gözləyirdi. Edilən dəyişikliklərə uyğun olaraq, elektron bildirişlər bazaya təkcə əmək müqaviləsinin imzalanması halında deyil, eyni zamanda, bu sənədə dəyişiklik edilməsi, eləcə də onun ləğv edilməsi halında daxil olmalıdır. Sistem tam istismara verildiyi andan bildirişlər bir gün müddətində qeydiyyata alınacaq. İlkin olaraq, mövcud işçilərin qeydiyyatının bu sistemin istismara verilməsinədək, yəni cari ilin 1 iyul tarixinədək başa çatdırılması planlaşdırılırdı. Lakin Əmək və Əhalinin Sosial Müdafiəsi Nazirliyi sahibkarlara qüvvədə olan bütün əmək müqavilələrinin qeydiyyatı üzrə əməliyyatların həyata keçirilməsi üçün üç ay müddətində möhlət vermək qərarına gəldi.
2014-cü il iyunun 1-nə olan məlumata görə, Azərbaycanda 2,8 milyondan çox nəfərin icbari dövlət sosial sığorta üzrə fərdi hesabı var ki, bu da ilin əvvəlinə olan göstəricini 4,1 faiz üstələyir.
Cari ilin ilk 5 ayında Azərbaycanda əlavə olaraq 1,1 milyon sosial sığorta ödəyicisi qeydə alınıb.

Tural




 
Bölməyə aid digər xəbərlər
17.06.2019
Səyyar “ASAN xidmət” əhaliyə xidmətini davam etdirir
15.06.2019
İnstitut işçi axtarır
15.06.2019
Müstəqil sosial müdafiə sisteminin qurucusu
14.06.2019
Bank Hüquq şöbəsinin rəhbəri vəzifəsinə işçi axtarır
14.06.2019
Bankda işləmək istəyənlərin nəzərinə!

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info