ABŞ “Manas”a əvəz axtarır
Tarix: 24.06.2014 | Saat: 00:55:00 | E-mail | Çapa göndər


Bu günlərdə Özbəkistanın xarici işlər naziri Abdulaziz Kamilovla ABŞ-ın Əfqanıstan və Pakistan üzrə xüsusi nümayəndəsinin müavini Laurel Miller arasında görüş keçirilib. Özbəkistan Xarici İşlər Nazirliyinin mətbuat xidmətinin rəsmi bəyanatında deyilir ki, görüşdə əsas mövzu kimi, Əfqanıstandakı vəziyyət və onun bölgədəki hadisələrə təsiri müzakirə edilib.
Ekspertlər hesab hesab edirlər ki, ABŞ Qırğızıstandakı "Manas" aviabazasında öz bayrağını endirdikdən sonra, Əfqanıstanda yerləşən və bu ilin sonundan başlayaraq 2017-ci ilə qədər çıxarılması sona çatacaq hərbi qüvvələrinə dəstək üçün yeni platforma axtarır. Təbii ki, Özbəkistan da bu baxımdan diqqət mərkəzindədir.
Son günlər ABŞ Dövlət Departamenti və digər ABŞ agentliklərinin nümayəndələrinin Daşkəndə və ümumiyyətlə, Orta Asiya respublikalarının paytaxtlarına səfərləri artıb.Bu, Əfqanıstandakı Amerika qoşunlarının gözlənilən çıxarılması ilə bağlıdır.
Artıq ABŞ dövləti də bəyan etdiyi kimi, o, bu ölkədə bəzi xüsusi qüvvələri saxlamaq niyyətindədir. Dövlət Departamentinin məlumatına görə, bu qüvvələrin tərkibi, sayı və yerləşdirilməsi haqqında məlumat sonralar elan ediləcək.
ABŞ prezidenti Barak Obama da son çıxışlarının birində bəyan etmişdi ki, Əfqanıstanda hərbiləşdirilmiş qüvvə mərkəzi ən azı 2016-ci ilə qədər mövcud ola bilər. Hərbi qüvvələrin çıxarılacağı təqdirdə, Pakistan vasitəsilə cənub marşrutu ilə yanaşı, Pentaqon şimal marşrutundan da istifadə etmək məcburiyyətində qalacaq. Qırğızıstandakı "Manas" aviabazasının itirilməsindən sonra, təbii ki, şimal marşrutu dəyərini itirib. Buna görə də, Dövlət Departamentinin nümayəndələri Orta Asiya ölkələrini tez-tez ziyarət edirlər. Xüsusilə, son günlər ABŞ-ın Milli Təhlükəsizlik Şurasının Rusiya bölməsinin baş direktoru Selen Uollander, bundan bir müddən əvvəl ABŞ dövlət müşaviri Uilyam Bernsin Daşkəndə səfəri xüsusi önəm kəsb edir. Belə ki, dövlət müşaviri Berns Özbəkistana səfəri zamanı gəlişinin əsas məqsədi kimi, Əfqanıstandakı hərbi qüvvələrin daşınması üçün ölkə ərazisində aviasiya məntəqəsinin yaradılmasını təklif edib. O, daha sonra izah etməyə çalışıb ki, bunu vəziyyət tələb edir: “ABŞ 2014-cü ildən sonra da Əfqanıstanda, eləcə də regionda sülh və sabitliyə sadiqdir. Dünyanın bir çox mühüm regionlarında sülhün saxlanılması ABŞ-ın ümdə öhdəliklərindən biridir”. Bunu Berns özbək jurnalistləri ilə görüşündə deyib.
Qeyd edək ki, amerikalılar Özbəkistan tərəfindən onlara 2001-ci ildə verilmiş, lakin 2005-ci ildə Əndican hadisələrindən sonra yerli radikalların verdiyi dəstəyə görə tərk etdikləri "Xanabad" aviabazasına maraq göstərirlər. Həmin ərəfədə Vaşinqton cavab olaraq Daşkəndə qarşı bir sıra sanksiyalar tətbiq etmişdi.
Amma beş il sonra, ABŞ Daşkəndlə əməkdaşlığı bərpa etmək üçün yollar axtarmağa başladı.
Xatırladaq ki, Orta Asiya ölkələri arasında Özbəkistanın seçimi təsadüfi deyil. Belə ki, 2013-cü ildə Kollektiv Təhlükəsizlik Müqaviləsi Təşkilatından imtina edən Özbəkistanda bu ilin mayında NATO-nun xüsusi nümayəndəliyi açılıb.
Ağasəf Babayev




 
Bölməyə aid digər xəbərlər
18.11.2018
Ermənistanda cinayətlərin sayı artır
17.11.2018
“Küçə demokratiyasının qaydaları böyük siyasətdə qəbul edilə bilməz”
17.11.2018
Viqen Sarkisyan: “Ötən aylar Ermənistanın xarici siyasəti ilə bağlı narahatlıqlar yaradır“
16.11.2018
«Rosbalt»: «Ermənistandan güclü şantaj və oğurluq qoxusu gəlir»
15.11.2018
Makron: “ABŞ-ın müttəfiqi olmaq vassal dövlət olmaq demək deyil”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info