“Bütün bunlar prezident İlham Əliyevin apardığı uğurlu siyasətin nəticəsidir”
Tarix: 24.06.2014 | Saat: 20:42:00 | E-mail | Çapa göndər


Azərbaycanda səfərdə olan Rusiya Federasiyası İnquşetiya Respublikasının rəhbəri Yunusbek Yevkurov Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə ilə görüşüb.
Görüşdən əvvəl Y.Yevkurov Təzə Pir məscidi ilə tanış olub və namaz qılıb.
Daha sonra QMİ-də davam edən görüşdə Allahşükür Paşazadə İnquşetiya rəhbərini Ramazan ayı münasibətilə təbrik edir. Şeyx regionda İslamın inkişafından danışaraq bildirib ki, Azərbaycanda nəinki bütün müsəlman təriqətlərinə, o cümlədən bütün dinlərə eyni və yüksək şərait yaradılıb. Şeyx buna Azərbaycanın günü-gündən inkişaf edən qüdrətini əsas gətirib. A.Paşazadə Azərbaycanın başlıca problemi olan işğal olunmuş torpaqlarından, Dağlıq Qarabağdan da danışaraq bildirib ki, Ermənistanın Azərbaycana təcavüzü olmasaydı, daha da güclü inkişaf edərdi: “Amma Azərbaycanın bu inkişafını gözü götürməyən dövlətlər, qüvvələr də var”.
Şeyx Dağlıq Qarabağ münaqişəsinin həlli, işğal olunmuş torpaqların qaytarılması məsələsini də qaldırıb: “Azərbaycan və Rusiya arasında çox güclü və kökləri olan münasibətlər var. Biz ümid edirik və gözləyirik ki, siz dostların, o cümlədən Rusiya prezidenti Vladimir Putinin köməyi ilə işğal olunmuş torpaqlar, nəhayət, qaytarılacaq, münaqişə sülh yolu ilə həll olunacaq. Biz müharibə tərəfdarı yox, sülh tərəfdarıyıq”.
Şeyx İnquşetiya rəhbəri vasitəsilə Şimali Qafqaz müsəlmanlarına bayram təbriklərini də çatdırıb.
Yunusbek Yevkurov isə Azərbaycanda, Qəbələdə keçirilən forumda iştirak etdiyini bildirərək, ətraf bir neçə rayonda da olduğunu, orada olan rusiyalıların necə firavan yaşadığını qeyd edib: “Bütün bunlar prezident İlham Əliyevin apardığı uğurlu siyasətin nəticəsidir”. O, Şeyxin də fəaliyyətini qiymətləndirərək onu heç vaxt unutmayacaqlarını, xidmətini dəyərləndirəcəklərini bildirib.
Sonda qarşılıqlı hədiyyələr təqdim olunub. Y.Yevkurov Şeyxə qiymətli işləmələrdən ibarət Qurani-Kərim hədiyyə edib.
Tural




 
Bölməyə aid digər xəbərlər
20.11.2018
Belarus KİV-ləri: “Azərbaycan Prezidentinin səfəri strateji tərəfdaşlıq münasibətlərində yeni səhifələr açır”
20.11.2018
İki Assosiasiya arasında əməkdaşlığın qurulması üçün ilkin addımlar atılıb
20.11.2018
Novruz Məmmədov ATƏM-in Minsk konfransının ilk sədri ilə görüşüb
20.11.2018
Fikrət Məmmədov 1-ci dərəcəli “Vətənə xidmətə görə” ordeni ilə təltif edilib
20.11.2018
Diaspor fəaliyyətində qadınların rolu güclənir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info