İraqda yeni hökumət formalaşır?
Tarix: 24.06.2014 | Saat: 23:41:00 | E-mail | Çapa göndər


İraqda üsyançılar ölkənin ən böyük neft emalı kompleksini tam nəzarətə götürdüklərini bəyan ediblər. Bağdadın 200 km şimalında yerləşən Baydji şəhəri uğrunda döyüşlər 10 gün idi ki, davam edirdi. Qeyd edək ki, bu zavod İraqda yanacaq istehsal edən üçüncü ən böyük zavod sayılır.
BBC-nin müxbiri Jim Muirin ölkənin şimalından verdiyi xəbərə görə, Baydjidəki neft emalı kompleksini ələ keçirmək və işğal edilmiş əraziləri yanacaqla təmin etmək üsyançıların əsas ümdə məqsədlərindən biri idi.
Bazar ertəsi, İraq ordu komandirləri Suriya sərhədlərinin 60 km-liyində yerləşən strateji əhəmiyyətli şəhər sayılan Telafardakı hərbi aerodromun da “İraq İslam Dövləti” tərəfindən ələ keçirildiyini etiraf ediblər. Şəhərin yaxınlığından keçən və Mosulu Suriya ilə birləşdirən əsas magistral yolun da üsyançılar tərəfindən zəbt edildiyi bildirilir.
Qeyd edək ki, son iki həftədə üsyançılar Bağdadın şimal və qərbində, Suriya və İordaniya ilə sərhəddə bütün məntəqələri nəzarət altına götürüblər.
Bu arada “İraq İslam Dövləti”nin nümayəndəsi bildirib ki, əldə edilmiş neft emalı zavodu idarə olunmaq üçün yerli sakinlərə veriləcək. Onun sözlərinə görə, üsyançıların Bağdada hücumu davam etməkdədir. Onlar İraq və Suriyada sünni xilafətinin yaradılmasını başlıca məqsəd kimi qarşılarına qoyduqların elan ediblər.
Bu arada ABŞ dövlət katibi Con Kerri gözlənilmədən İraqa səfər edib.
İraqlı siyasi liderlərlə görüşən dövlət katibi ölkəyə "ciddi və uzun müddətli dəstək" verəcəyini vəd edib. Bununla yanaşı, o, sünni döyüşçülərin hücumunu İraqın mövcudluğu üçün ciddi təhlükə hesab edərək qarşıdakı günlərin, həftələrin ölkənin gələcəyi üçün həlledici olacağını bildirib.
İraqın baş naziri Nuri əl-Maliki və ölkənin aparıcı siyasətçiləri ilə görüş zamanı Kerri bəyan edib ki, ABŞ-ın dəstəyi İraq təhlükəsizlik qüvvələrinin daha səmərəli müqavimətinə imkan verir.
Qeyd edək ki, İraqın şiə çoxluğunun nümayəndəsi, baş nazir Nuri əl-Maliki ölkədəki əsas vəzifələrin şiə müttəfiqlərinin əlində cəmlənməsi, praktiki olaraq sünnilərin və kürdlərin idarəçilik prosesindən xaric edilməsinə görə, Qərbdə ciddi tənqid edilir.
Ağasəf Babayev




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info