Məxdumqulu Fəraqinin yeni tapılmış “Divan”ının təqdimatı olub
Tarix: 25.06.2014 | Saat: 01:13:00 | E-mail | Çapa göndər


Bugünlərdə Azərbaycan Milli Elmlər Akademiyasının (AMEA) Nizami adına Ədəbiyyat İnstitutunun əməkdaşı İsmixan Osmanlı böyük türkmən şairi Məxdumqulu Fəraqinin indiyədək elmə məlum olmayan bir “Divan”ını üzə çıxarıb. Daşbasma üsulu ilə 1888-ci ildə nəşr edilən, 164 səhifədən ibarət bu kitab hazırda AMEA-nın Məhəmməd Füzuli adına Əlyazmalar İnstitutunda saxlanılır.
Akademiyanın Məhəmməd Füzuli adına Əlyazmalar İnstitutu direktorunun müavini, filologiya elmləri doktoru Paşa Kərimov qısa müddətdə həmin “Divan”dakı şeirlərdən bir neçəsini transliterasiya edib. Şairin əsərlərinin nəşrləri ilə müqayisə zamanı müəyyən olunub ki, “Divan”dakı şeirlərin əksəri heç yerdə çap olunmayıb. Əlyazmalar İnstitutunda kitabın təqdimat mərasimi keçirilib.
AMEA-nın vitse-prezidenti, akademik İsa Həbibbəyli tədbir iştirakçılarına yeni tapılmış kitab haqqında geniş məlumat verib.
Tədbirdə Azərbaycan Milli Elmlər Akademiyası Humanitar və İctimai Elmlər Bölməsinin akademik-katibi, akademiyanın Əlyazmalar İnstitutunun direktoru, AMEA-nın müxbir üzvü Teymur Kərimli Türkmənistanın Azərbaycandakı səfiri Toyli Komekov və Ədəbiyyat İnstitutunun əməkdaşı İsmixan Osmanlı çıxış ediblər. Səfir T. Komekov görkəmli şairin Azərbaycanda tapılmış yeni “Divan”ı barəsində ölkəsinə məlumat verdiyini söyləyib. Diplomat bildirib ki, ölkəsinin Daşoğuz vilayətində Türkmənistan həftəsi keçiriləcək. Diplomat bu tədbirə AMEA-nın vitse-prezidenti, akademik İsa Həbibbəylinin rəhbərliyi ilə Əlyazmalar İnstitutunun direktor müavini, filologiya elmlər doktoru Paşa Kərimov və akademiyanın Ədəbiyyat İnstitutunun əməkdaşı İsmixan Osmanlının da dəvət olunduğunu bildirib. Bu tədbirlər çərçivəsində İsmixan Osmanlının hazırladığı Məxdumqulunun şeirlərindən ibarət “Seçilmiş əsərləri”nin təqdimat mərasiminin keçiriləcəyini də söyləyib. Diqqətə çatdırılıb ki, azərbaycanlı alimlər iyunun 25-dən 29-dək tədbirlərdə iştirak edəcəklər.
Qeyd edək ki, akademik İsa Həbibbəylinin təklifi ilə yeni tapılmış “Divan”ın transliterasiya və dilimizə tərcümə edilərək nəşrə hazırlanması nəzərdə tutulub.
Nigar




 
Bölməyə aid digər xəbərlər
20.02.2019
Ətraf mühitin problemləri və onların həlli yolları müzakirə edilib
20.02.2019
Qaraciyəri bərpa etməyin sadə və ucuz üsulu
20.02.2019
İslamda millət və din anlayışı
20.02.2019
Narkotik vasitələrin sərhəddən qeyri-qanuni gətirilməsi cəhdinin qarşısı alınıb
20.02.2019
Prezident Cənub Qaz Dəhlizi Məşvərət Şurası çərçivəsində nazirlərin beşinci toplantısında iştirak edir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10607

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info