Erməni deputatı ATƏT PA-nın Bakıda keçirilən sessiyasında ifşa edildi
Tarix: 30.06.2014 | Saat: 16:48:00 | E-mail | Çapa göndər


ATƏT Parlament Assambleyasının (PA) Bakıda keçirilən 23-cü illik sessiyası çərçivəsində təşkilatın siyasi məsələlər və təhlükəsizlik komitəsinin iclası zamanı erməni deputatı Artaşes Qeqamyan əsassız iddialarla çıxış edib.
A.Qeqamyan Dağlıq Qarabağın müstəqil ölkə və İrəvanın Ermənistanın tarixi torpağı olmasını iddia edib.
Azərbaycan parlamentinin vitse-spikeri Bahar Muradova isə erməni deputatının iddialarını ifşa edərək onu susmağa məcbur edib.
B.Muradova sessiya iştirakçılarının diqqətinə çatdırıb ki, 22 ildən artıq mövcud olan Dağlıq Qarabağ məsələsi məhz qeyri-qanuni keçirilən referendumun və bir neçə dəfə qeyri-qanuni keçirilən parlament və prezident seçkiləri nəticəsində mövcuddur:
"Erməni deputatı Dağlıq Qarabağı özünü ifadə etmiş bir dövlət kimi qələmə verməyə çalışır, hətta onun haqqında gülməli bir ifadə işlədərək onun demokratikliyini qələmə verməyə çalışır. Dağlıq Qarabağa səfər edən bizim həmkarlarımız bu regionun hansı vəziyyətdə olduğunu və orada qalan bir qrup çox kasıb, aşağı səviyyədə yaşayan, bütün imkanlardan məhrum bir əhalinin hansı vəziyyətə olduğunu görür. Dağlıq Qarabağ xalqı deyilən bir şey yoxdur, orada yalnız etnik ermənilər yaşayır, Azərbaycan vətəndaşları və biz onların bugünkü durumu üçün çox narahatçılıq keçiririk, çünki bu insanlar "böyük Ermənistan" ideyasının çox xırda girovuna çevriliblər".
B.Muradova qeyd edib ki, ermənilər Dağlıq Qarabağ ilə bağlı həqiqətləri eşitmək istəmirlər.
Vitse-spiker qeyd edib ki, İrəvan tarixi Azərbaycan torpağıdır: "Mən bir də təkrarlayıram, 1918-ci ildə Şərqdə yaradılan ilk Demokratik Azərbaycan Cümhuriyyətinin ilk dekreti qonşu dövlətlərin göstərdikləri təzyiqlərin nəticəsində məhz İrəvanın ermənilərə bağışlanması olub və biz bu qərarı öz cümhuriyyətimizə bağışlamırıq. Biz Azərbaycan ərazisində ikinci Ermənistan dövlətinin yaranmasına heç vaxt imkan verməyəcəyik. Bunu hər kəs bilsin".
Tural




 
Bölməyə aid digər xəbərlər
22.09.2018
Azərbaycanda gördüklərim məndə xoş təəssüratlar yaratdı
22.09.2018
Azərbaycan ilə İordaniya dost və qardaş ölkələrdir
22.09.2018
Azərbaycan-Rusiya parlamentlərarası əlaqələri yüksək səviyyədədir
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info